عاصم اظہر نے پھر انسٹاگرام سے اپنی تمام پوسٹس کیوں ہٹا دیں؟
اشاعت کی تاریخ: 28th, October 2025 GMT
معروف پاکستانی گلوکار عاصم اظہر نے اچانک اپنی انسٹاگرام پروفائل سے تمام پوسٹس ڈیلیٹ کر دی ہیں۔ اس کے علاوہ، انہوں نے اپنی پروفائل پکچر بھی ہٹا دی اور تمام فالوورز کو ان فالو کر دیا، تاہم اس اقدام کی وجوہات ابھی تک سامنے نہیں آئیں۔
یہ پیش رفت ان کے حالیہ اسلام آباد کنسرٹ کے بعد ہوئی، جہاں گلوکار نے کنسرٹ میں تاخیر پر مایوسی کا اظہار کیا اور منتظمین پر تنقید کی کہ پروگرام رات دیر سے شروع کیا گیا۔
واضح رہے کہ اس سے قبل، 2024 میں بھی عاصم اظہر نے انسٹاگرام سے تمام پوسٹس حذف کی تھیں اور ایک اسٹوری شیئر کی تھی جس میں لکھا تھا کہ ’اپنے آپ کو ڈھونڈنے کے لیے آپ کو پہلے خود کو کھونا ہوگا‘۔
یہ بھی پڑھیں: عاصم اظہر نے انسٹاگرام سے تمام پوسٹس ڈیلیٹ کیوں کیں؟
سوشل میڈیا پر عاصم اظہر اور اداکارہ ہانیہ عامر کے تعلقات کی خبریں بھی اکثر زیر گردش رہتی ہیں۔ 2019 میں دونوں کے قریبی تعلقات تھے اور مداحوں نے سمجھا کہ دونوں جلد ہی شادی کریں گے، تاہم 2020 میں ان کا بریک اپ ہو گیا۔ بعد ازاں عاصم نے میرب علی سے منگنی کی، جو اب ختم ہو چکی ہے، اور اس کے بعد عاصم اظہر اور ہانیہ عامر کی ڈیٹنگ کی افواہیں دوبارہ زور پکڑ رہی ہیں اور انہیں متعدد موقعوں پر ساتھ دیکھا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاصم اظہر عاصم اظہر انسٹاگرام عاصم اظہر کنسرٹ ہانیہ عامر.
ذریعہ
ذریعہ: WE News
کلیدی لفظ: عاصم اظہر انسٹاگرام ہانیہ عامر تمام پوسٹس
پڑھیں:
تمام ایپل ڈیوائسز پر یکساں تجربہ، واٹس ایپ کا یونیفائیڈ ڈیزائن پلان سامنے آ گیا
واٹس ایپ اپنے ڈیزائن میں ایک بڑا بصری اپ ڈیٹ لانے کی تیاری کر رہا ہے، جس کے تحت “Liquid Glass” نامی نیا ڈیزائن اب صرف آئی فون تک محدود نہیں رہے گا بلکہ جلد میک (Mac) صارفین تک بھی پہنچنے والا ہے۔
تفصیلات کے مطابق میٹا کی جانب سے واٹس ایپ کے انٹرفیس کو جدید اور یکساں بنانے کی کوششیں تیز ہو گئی ہیں۔ اس نئے ڈیزائن میں شفاف (transparent) اور چمکدار UI عناصر شامل ہیں جو ایپ کو ایک زیادہ جدید اور ہموار شکل دیتے ہیں۔
رپورٹس کے مطابق آئی او ایس صارفین کے لیے یہ نیا ڈیزائن گزشتہ ماہ سے وسیع پیمانے پر متعارف کرایا گیا تھا، تاہم اب بھی کئی صارفین اس فیچر سے محروم ہیں کیونکہ اس کی رول آؤٹ رفتار سست رہی ہے۔ اس اپ ڈیٹ میں ایپ کے اوپر اور نیچے نیویگیشن بارز میں Liquid Glass اثرات شامل کیے گئے ہیں، جبکہ iOS 26 کی بورڈ اور دیگر UI عناصر بھی اس نئے اسٹائل کا حصہ ہیں۔
اب WABetaInfo کی رپورٹ کے مطابق واٹس ایپ نے اسی ڈیزائن کو میک ایپ کے لیے بھی تیار کرنا شروع کر دیا ہے۔ یہ فیچر ابھی ابتدائی ڈویلپمنٹ اسٹیج میں ہے اور حتیٰ کہ بیٹا ٹیسٹرز کو بھی دستیاب نہیں ہوا، تاہم ٹیسٹنگ کے دوران اس کے کچھ عناصر کو فعال حالت میں دیکھا گیا ہے۔
لیک ہونے والی تفصیلات کے مطابق میک ورژن میں نیا ڈیزائن سائیڈبار میں واضح تبدیلیاں لائے گا، جہاں ہر آئیکن کے ساتھ ٹیکسٹ لیبلز شامل ہوں گے۔ اس کے علاوہ چیٹ بار، اٹیچمنٹ مینو اور لاکڈ چیٹس سیکشن کو بھی مکمل طور پر ری ڈیزائن کیا جا رہا ہے۔
مزیدپڑھیں:رام چرن کی تقریب میں مداح کی ہلچل، سیکیورٹی حصار ٹوٹ گیا
ماہرین کے مطابق اس اپ ڈیٹ کا مقصد مختلف پلیٹ فارمز پر ایک ہی جیسا (unified) یوزر تجربہ فراہم کرنا ہے تاکہ آئی فون، آئی پیڈ اور میک پر واٹس ایپ کا انٹرفیس ایک ہی ڈیزائن لینگویج کے تحت کام کرے۔
رپورٹ میں یہ بھی کہا گیا ہے کہ آنے والے وقت میں آئی پیڈ صارفین کو بھی یہی Liquid Glass انٹرفیس ملنے کی توقع ہے، جس کے بعد واٹس ایپ iOS، iPadOS اور macOS پر ایک مکمل طور پر یکساں ڈیزائن کے ساتھ سامنے آئے گا۔
اسی دوران دیگر میٹا ایپس جیسے تھریڈز میں بھی اسی طرز کے ڈیزائن عناصر نظر آنے لگے ہیں، جس سے اندازہ ہوتا ہے کہ کمپنی اپنی تمام ایپس میں اس نئے ڈیزائن کو تیزی سے پھیلانے کی تیاری کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ