جموں و کشمیر میں ریزرویشن سرٹیفیکیٹس کی تقسیم میں علاقائی عدم توازن کو ظاہر کرتے ہیں، پی ڈی پی
اشاعت کی تاریخ: 28th, October 2025 GMT
جموں و کشمیر میں ریزرویشن پالیسی اب ایک حساس سیاسی مسئلہ بن چکی ہے جہاں حکومت اور اپوزیشن دونوں ہی ایک دوسرے پر علاقائی جانبداری کے الزامات عائد کر رہے ہیں۔ اسلام ٹائمز۔ جموں و کشمیر کی اپوزیشن جماعت پیپلز ڈیموکریٹک پارٹی (پی ڈی پی) نے الزام عائد کیا ہے کہ گزشتہ دو برسوں کے دوران حکومت نے جموں صوبے کے دس اضلاع میں کشمیر وادی کے دس اضلاع کے مقابلے میں کہیں زیادہ ریزرویشن زمرے کے سرٹیفیکیٹس جاری کئے ہیں۔ پی ڈی پی کے رکن اسمبلی اور وحید الرحمن پرہ نے اعداد و شمار پیش کرتے ہوئے کہا کہ مختلف سماجی زمروں کے تحت جاری ہونے والے سرٹیفیکیٹس میں ایک نمایاں علاقائی فرق نظر آ رہا ہے۔ ان زمروں میں شیڈیول کاسٹ (SC)، شیڈیول ٹرائب (ST)، دیگر پسماندہ طبقے (OBC)، اقتصادی طور کمزور طبقے (EWS)، پسماندہ علاقے کے رہائشی (RBA) اور اصل کنٹرول لائن کے قریبی علاقے (ALC) شامل ہیں۔
پلوامہ اسمبلی حلقے سے منتخب نمائندے وحید الرحمن پرہ نے ایوان میں ان تمام زمروں کے تحت جموں اور کشمیر اضلاع میں دو برسوں کے دوران جاری سرٹیفیکیٹس کی تفصیلی رپورٹ طلب کی تھی۔ یہ ڈیٹا ریونیو ڈیپارٹمنٹ نے فراہم کیا، جس کی سربراہی وزیراعلٰی عمر عبداللہ کر رہے ہیں۔ وحید الرحمن پرہ نے کہا کہ یہ اعداد و شمار واضح طور پر سماجی زمرے کے سرٹیفیکیٹس کی تقسیم میں علاقائی عدم توازن کو ظاہر کرتے ہیں، جو انصاف، مساوات، میرٹ اور انتظامی غیرجانبداری کے اصولوں کی کھلی خلاف ورزی ہے۔ اسی لئے ہم مسلسل مطالبہ کرتے آئے ہیں کہ ریزرویشن پالیسی کو آبادی کے تناسب سے منصفانہ بنایا جائے۔ مارچ 2025ء میں اسمبلی کے سرمائی اجلاس کے دوران پیپلز کانفرنس (پی سی) کے سربراہ اور ہندوارہ کے ایم ایل اے سجاد غنی لون نے بھی کہا تھا کہ ریزرویشن پالیسی کشمیری بولنے والے لوگوں کے خلاف وضع کی گئی ہے۔ انہوں نے کہا کہ آنے والے 20 برسوں میں کشمیری بولنے والے افسروں کی تعداد بیوروکریسی میں بہت کم رہ جائے گی۔
سجاد لون نے بعد میں ردِعمل دیتے ہوئے کہا کہ ریزرویشن کے معاملے کو دانستہ نظرانداز کیا جا رہا ہے، ہم نے بحث کے لئے نوٹس دیا لیکن اجازت نہیں دی گئی، یہ سب سے اہم مسئلہ ہے جس کے دور رس اثرات ہوں گے، مگر اسے سیاسی مصلحت کی نذر کیا جا رہا ہے۔ جموں و کشمیر کے وزیراعلٰی عمر عبداللہ نے بھی اس پر افسوس کا اظہار کیا کہ اسپیکر نے سب جیوڈس امور پر بحث کی اجازت نہیں دی۔ انہوں نے کہا کہ اگر ہر وہ مسئلہ جس پر عدالت میں مقدمہ ہو، اسمبلی میں زیر بحث نہیں آ سکتا تو لوگ ہر معاملے کو عدالت لے جائیں گے تاکہ ہم اسمبلی میں بات ہی نہ کر سکیں۔ جموں و کشمیر میں ریزرویشن پالیسی اب ایک حساس سیاسی مسئلہ بن چکی ہے جہاں حکومت اور اپوزیشن دونوں ہی ایک دوسرے پر علاقائی جانبداری کے الزامات عائد کر رہے ہیں۔
ذریعہ
ذریعہ: Islam Times
کلیدی لفظ: ریزرویشن پالیسی کہا کہ
پڑھیں:
دوسرا ون ڈے:آسٹریلیا کیخلاف پاکستانی ٹیم 190رنز پر آل آئوٹ
ایک روزہ سیریز کے دوسرے میچ میں پاکستان کی بیٹنگ لائن(bating line colapse) 232 رنز کا تعاقب کرتے ہوئے لڑکھڑا گئی۔ پاکستان نے 27 اوورز میں 6 وکٹوں کے نقصان پر 119 رنز بنا لیے ہیں۔
اس سے قبل لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
مزید پڑھیں:آبنائے ہرمز بحالی پر بھی ایران سے پابندیاں نہیں ہٹائینگے: مارکوروبیو
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ