اوپن اے آئی نے بھارتی صارفین کے لیے خوشخبری سنا دی، ایک سال تک چیٹ جی پی ٹی گو مفت دستیاب ہوگا
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
امریکی مصنوعی ذہانت کی کمپنی اوپن اے آئی نے بھارت کے تمام صارفین کے لیے خوشخبری سناتے ہوئے اعلان کیا ہے کہ وہ اپنے معروف چیٹ بوٹ چیٹ جی پی ٹی کے ماہانہ فیس والے ورژن چیٹ جی پی ٹی گو کو ایک سال تک مفت فراہم کرے گی۔
کمپنی کے مطابق یہ پیشکش بھارت کے تمام صارفین کے لیے مخصوص مدت کے دوران دستیاب ہوگی اور اس سے فائدہ اٹھانے کے لیے صارفین کو اس عرصے کے اندر چیٹ جی پی ٹی گو پلان پر سائن اپ کرنا ہوگا۔ پیشکش کا باضابطہ آغاز 4 نومبر سے کیا جائے گا، تاہم کمپنی نے یہ واضح نہیں کیا کہ یہ سہولت کب تک جاری رہے گی۔
اوپن اے آئی کا کہنا ہے کہ وہ صارفین جو پہلے ہی چیٹ جی پی ٹی گو استعمال کر رہے ہیں، وہ بھی ایک سال کے لیے اس مفت پلان کے اہل ہوں گے۔ بھارت میں اس سروس کی معمول کی ماہانہ فیس 5 ڈالرز سے کم رکھی گئی ہے۔
خیال رہے کہ چیٹ جی پی ٹی گو کو سب سے پہلے رواں سال اگست میں بھارت میں متعارف کرایا گیا تھا، جس کے بعد اسے پاکستان سمیت دیگر ایشیائی ممالک میں بھی توسیع دی گئی۔
بھارت کو اوپن اے آئی کے لیے ایک بڑی اور فیصلہ کن منڈی تصور کیا جا رہا ہے، کیونکہ یہاں 70 کروڑ سے زائد افراد اسمارٹ فون استعمال کرتے ہیں اور ایک ارب سے زیادہ انٹرنیٹ صارفین موجود ہیں۔
اعداد و شمار کے مطابق امریکا کے بعد چیٹ جی پی ٹی کے سب سے زیادہ صارفین بھارت سے تعلق رکھتے ہیں، تاہم کمپنی کو یہاں سبسکرپشن پر مبنی ماڈلز کو مقبول بنانے میں مشکلات کا سامنا ہے۔
دوسری جانب گوگل سمیت دیگر عالمی ٹیکنالوجی کمپنیاں بھی بھارتی مارکیٹ میں اپنی موجودگی مستحکم کرنے کی کوششوں میں مصروف ہیں۔
ذریعہ: Jasarat News
پڑھیں:
بھارت پاکستان پر الزام سے قبل اقلیتوںکو تحفظ فراہم کرے، ہندو کونسل
data-id="863a0a8" data-element_type="widget" data-widget_type="theme-post-content.default">
251213-08-17
حیدرآباد (نمائندہ جسارت) ہندو کونسل حیدرآباد کی کال پر بھارتی وزیر داخلہ کے مسلسل پاکستان مخالف اشتعال انگیز بیانات کے خلاف گزشتہ روز حیدرآباد پریس کلب کے سامنے ڈاکٹر امرشی ٹھاکر، رمیش کمار راٹھوڑ اور دیگر کی قیادت میں احتجاجی مظاہرہ کیا گیا۔ مظاہرے میں خواتین اور مردوں کی بڑی تعداد نے شرکت کی۔ مظاہرین نے بھارتی وزیر داخلہ کے خلاف شدید نعرے بازی کی ۔ اس موقع پر رہنماؤں نے کہا کہ بھارتی وزیر داخلہ اپنے ملک کی ناکامیوں کو چھپانے اور ان سے توجہ ہٹانے کی مسلسل کوشش کر رہے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر