دبئی: ’بیوٹی ورلڈ مڈل ایسٹ 2025‘ تجارتی نمائش میں پاکستان پویلین کا افتتاح
اشاعت کی تاریخ: 28th, October 2025 GMT
دبئی میں پاکستان کے قونصل جنرل حسین محمد نے اس ہفتے ’بیوٹی ورلڈ مڈل ایسٹ 2025‘ تجارتی نمائش کے 29ویں ایڈیشن میں پاکستان پویلین کا افتتاح کیا، جس میں پاکستان کے 16 نمائشی ادارے حصہ لے رہے ہیں۔
یہ بھی پڑھیں: جدہ میں ’میڈ ان پاکستان‘ نمائش پاکستانی مصنوعات کے فروغ کے لیے تاریخی قدم
بیوٹی ورلڈ مڈل ایسٹ 2025‘ دنیا کی خوبصورتی اور ویلز کی صنعت سے متعلق سب سے بااثر سالانہ نمائشوں میں سے ایک ہے، جس میں دنیا بھر سے 2 ہزار 400 سے زیادہ نمائش کنندگان شریک ہیں۔
یہ نمائش خوبصورتی کے آلات، کاسمیٹکس، اسکن کیئر مصنوعات، مشینری و پیکجنگ، خوشبو سازی اور پرفیومری سمیت کئی اہم شعبوں پر مشتمل ہے۔ اس کا 29واں ایڈیشن 27 سے 29 اکتوبر تک دبئی کے ورلڈ ٹریڈ سینٹر میں جاری ہے۔
دبئی میں پاکستانی قونصل خانے کی جانب سے جاری بیان کے مطابق حسین محمد نے ٹریڈ ڈیولپمنٹ اتھارٹی آف پاکستان کے بینر تلے شریک پاکستانی نمائندوں کی بھرپور شرکت کو سراہا اور پاکستان کی برآمدات کے فروغ کے لیے اعلیٰ معیار کی مصنوعات پیش کرنے پر انہیں خراجِ تحسین پیش کیا۔
انہوں نے کہاکہ پاکستان خوبصورتی کے آلات اور مصنوعات کی تیاری میں تیزی سے ترقی کر رہا ہے، خاص طور پر بیوٹی انسٹرومنٹس کے شعبے میں پاکستانی صنعت کاروں نے عالمی سطح پر ایک مضبوط پہچان قائم کی ہے۔
قونصل جنرل نے اس موقع پر کہاکہ متحدہ عرب امارات پاکستانی کاروباری اداروں کے لیے ایک بہترین پلیٹ فارم فراہم کرتا ہے، جہاں وہ اپنی مصنوعات کو خطے اور عالمی منڈیوں میں متعارف کروا سکتے ہیں۔
انہوں نے مزید کہاکہ اس نوعیت کی بین الاقوامی نمائشیں تجارتی سرگرمیوں کے فروغ اور پاکستان کی برآمدات کو عالمی منڈیوں میں وسعت دینے میں نہایت اہم کردار ادا کرتی ہیں۔
یہ بھی پڑھیں: ’میڈ اِن پاکستان‘ نمائش: پاکستانی مصنوعات کی بنگلہ دیش میں دھوم مچ گئی
ٹریڈ اور انویسٹمنٹ کونسلر علی زیب خان کے مطابق پاکستان قونصلیٹ نے نمائش سے قبل تیاریوں کے دوران اور ایونٹ کے دوران پاکستانی نمائشی اداروں کو مکمل تعاون اور سہولت فراہم کی۔
واضح رہے کہ پاکستانی کاروباری ادارے متحدہ عرب امارات میں منعقد ہونے والی مختلف نمائشوں، مثلاً گلف انفارمیشن ٹیکنالوجی ایگزیبیشن میں باقاعدگی سے حصہ لیتے ہیں تاکہ مشرقِ وسطیٰ کی منڈیوں میں اپنی موجودگی کو مزید مستحکم کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افتتاح پاکستان پویلین پاکستانی قونصل جنرل دبئی مصنوعات کی نمائش نمائش وی نیوز.ذریعہ: WE News
کلیدی لفظ: افتتاح پاکستان پویلین پاکستانی قونصل جنرل مصنوعات کی نمائش وی نیوز میں پاکستان کے لیے
پڑھیں:
وزیرِ اعظم کی صدر ترکمانستان سے ملاقات، تجارتی و اقتصادی روابط مضبوط بنانے کا عزم
وزیرِ اعظم شہباز شریف کی اشک آباد میں ترکمانستان کے صدر سردار بردی محمدوف سے دو طرفہ ملاقات ہوئی ہے۔
ملاقات کے دوران پاکستان اور ترکمانستان کے درمیان تاریخی اور برادرانہ تعلقات کی اہمیت پر زور دیتے ہوئے وزیرِ اعظم نے دونوں ممالک کے درمیان دو طرفہ تعلقات بالخصوص تجارتی اور اقتصادی روابط کو مضبوط بنانے کے عزم کا اظہار کیا۔
وزیرِ اعظم شہباز شریف نے رواں برس کے آغاز پر ایران اسرائیل جنگ کے دوران پاکستانی شہریوں کو ایران سے بحفاظت نکالنے کے لیے فراہم کیے جانے والے تعاون پر ترکمان قیادت اور حکومت کا تہہ دل سے شکریہ ادا کیا۔
وزیرِ اعظم نے ترکمانستان کے ساتھ زمینی اور سمندری راستوں کے ذریعے روابط بڑھانے کی پاکستان کی خواہش کا اعادہ کیا اور کہا کہ کراچی اور گوادر کی بندرگاہوں کا جغرافیہ مثالی ہے جسے ترکمانستان جنوبی ایشیاء اور اس سے باہر اپنی رسائی کو بڑھانے کے لیے استعمال کر کے بروئے کار لا سکتا ہے۔
ترکمانستان کی جانب سے پاکستانی وفد کی شاندار مہمان نوازی پر ترکمان صدر کا شکریہ ادا کرتے ہوئے وزیرِ اعظم شہباز شریف نے ترکمانستان کے عوام کے قومی رہنماء گربنگولی بردی محمدوف کے لیے نیک خواہشات کا اظہار کیا۔
وزیرِ اعظم نے ترکمانستان کی عوام کے قومی رہنما اور صدر سردار بردی محمدوف کو آئندہ برس پاکستان کے سرکاری دورے کرنے کی دعوت کا اعادہ کیا۔
ترکمانستان کے صدر نے وزیرِ اعظم کے دورے اور امن و اعتماد کے بین الاقوامی فورم میں شرکت پر شکریہ ادا کیا اور یقین دلایا کہ ترکمانستان پاکستان کے ساتھ باہمی دلچسپی کے متعدد شعبوں میں دو طرفہ تعاون کو بڑھانے کا خواہاں ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر