"فلسطینی قیدیوں کی سزائے موت" اسرائیلی کنیسٹ کے ایجنڈے میں شامل
اشاعت کی تاریخ: 28th, October 2025 GMT
غزہ کی پٹی سے اسرائیلی قیدیوں کی واپسی کے بعد اب غاصب صیہونی رژیم کی پارلیمنٹ نے فلسطینی قیدیوں کی سزائے موت کے بل کو اپنے ایجنڈے میں شامل کر لیا ہے اسلام ٹائمز۔ غاصب و سفاک اسرائیلی وزیر اعظم بنجمن نیتن یاہو کے خلاف انتہاء پسند اسرائیلی وزیر اندرونی سلامتی اتمار بن گویر (Itamar Ben-Gvir) کی واضح دھمکیوں کے بعد، اسرائیلی پارلیمنٹ نے بھی اعلان کیا ہے کہ وہ فلسطینی قیدیوں کی سزائے موت کے قانون کو آئندہ ہفتے حتمی ووٹنگ کے لئے پیش کر دے گی۔ اس حوالے سے غاصب صیہونی رژیم کے حکمراں اتحاد کے سربراہ اوفیر کاٹز کی جانب سے جاری ہونے والے ایک بیان میں اعلان کیا گیا ہے کہ سکیورٹی کمیٹی کی سربراہ، تزفیکا فوگل، اتحاد کے سربراہ اوفیر کاٹز اور کنیسٹ کے قانونی مشیر ساگت ایوک کے درمیان ملاقات کے بعد، اس بات پر اتفاق کیا گیا ہے کہ "دہشتگردوں کو سزائے موت دینے" سے متعلق مذکورہ بل کو بحث کے لئے آئندہ ہفتے کنیسٹ میں پیش کر دیا جائے گا جبکہ اسی سیشن کے اختتام پر حتمی ووٹنک بھی کروائی جائے گی۔ اس بیان میں زور دیا گیا ہے کہ حکمراں اتحاد اس قانون کو جلد از جلد منظور کروانے کے لئے "مضبوط عزم" رکھتا ہے۔
صیہونی رپورٹ کے مطابق مذکورہ بیان جاری ہونے کے فوراً بعد ہی اتمار بن گویر نے بھی ووٹنگ کے وقت کا تعین کرنے پر چیئرمین حکمران اتحاد کا شکریہ ادا کرتے ہوئے کہا ہے کہ میں اس قانون کو آگے بڑھانے کے لئے سکیورٹی کمیٹی اور اس کی چیئرمین، اوٹزمہ یہودیت پارٹی کی نمائندہ تزفیکا فوگل کی کوششوں کا شکر گزار ہوں۔ قبل ازیں بن گویر نے اپنے پارٹی اجلاس میں گفتگو کے دوران دھمکی دی تھی کہ اگر فلسطینی قیدیوں کو سزائے موت دینے کا بل 3 ہفتوں کے اندر اندر کنیسٹ فلور پر نہ لایا گیا میں اور میری پارٹی، حکمراں اتحاد کے کسی بل پر ووٹ نہ دیں گے۔ اتمار بن گویر کا کہنا تھا کہ نیتن یاہو کی لیکوڈ پارٹی کے ساتھ اتحاد کے معاہدے کے مطابق، کنیسٹ کی اس مدت کے دوران ہی، فلسطینی قیدیوں کی سزائے موت کا قانون پاس ہونا ضروری ہے۔ اتمار بن گویر نے دعوی کیا کہ غزہ سے تمام زندہ اسرائیلی قیدیوں کی واپسی کے بعد، اب اس بل کی منظوری میں تاخیر کی کوئی وجہ نہیں رہی اور اس قانون کو جلد از جلد منظور کر لیا جانا چاہیئے تاکہ حماس پر دباؤ ڈالنے کے لئے مزید اقدامات اٹھائے جا سکیں۔
ذریعہ
ذریعہ: Islam Times
کلیدی لفظ: فلسطینی قیدیوں کی سزائے موت اتمار بن گویر قانون کو اتحاد کے کے لئے کے بعد
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی