حکومت نجی شعبے کو برآمدات پر مبنی ترقی کے لیے فروغ دے رہی ہے:بلال اظہر کہانی
اشاعت کی تاریخ: 28th, October 2025 GMT
وزیر مملکت برائے خزانہ بلال اظہر کہانی نے کہا ہے کہ حکومت کا ہدف معیشت کو پائیدار ترقی کی جانب لے جانا ہے۔اسلام آباد میں ایک نیوز کانفرنس سے خطاب کرتے ہوئے انہوں نے کہا کہ حکومت نجی شعبے کو برآمدات پر مبنی ترقی کے لیے فروغ دے رہی ہے اور بہتر پالیسی سازی کے لیے نجی شعبے کے ساتھ مشاورت بھی جاری ہے۔
بلال اظہر کہانی نے بتایا کہ گزشتہ ڈیڑھ سال کے دوران معیشت میں استحکام آیا ہے۔ انہوں نے کہا کہ پالیسی شرح اور مہنگائی کو کم کیا گیا جبکہ ٹیکس ٹو جی ڈی پی تناسب میں اضافہ ہوا ہے۔ انہوں نے بتایا کہ ملک نے چودہ سال بعد پہلی بار کرنٹ اکاؤنٹ سرپلس بھی حاصل کیا ہے۔نجکاری کے حوالے سے وزیر مملکت برائے خزانہ نے فرسٹ وومن بینک کی کامیاب نجکاری کی نشاندہی کی اور اس بات کا اعتماد ظاہر کیا کہ پاکستان انٹرنیشنل ایئرلائنز (PIA) کی نجکاری میں بھی اگلے ماہ پیش رفت دیکھنے کو ملے گی۔
اشتہار
.ذریعہ: Al Qamar Online
پڑھیں:
وزیرِ مملکت بلال اظہر کیانی کی جرمن سفیر اِنا لاپیل سے ملاقات
---فائل فوٹوزوزیرِ مملکت خزانہ اور ریلوے بلال اظہر کیانی نے کہا ہے کہ معاشی استحکام کو پائیدار اور برآمدات پر مبنی معاشی ترقی میں بدلنے پر کام کر رہے ہیں۔
بلال اظہر کیانی نے جرمنی کی سفیر اِنا لاپیل سے ملاقات کی، اس دوران ڈپٹی ہیڈ آف مشن آرنو کِرچَوف اور اکنامک کونسلر جینین روہور بھی ملاقات میں شریک ہوئے۔
بلال کیانی اور جرمن سفیر کے درمیان دوطرفہ ملاقات کے دوران جرمنی اور پاکستان کے دوطرفہ تعلقات اور اقتصادی تعاون کو مزید مضبوط بنانے پر تبادلہ خیال کیا گیا۔
وزیرِ مملکت اور جرمن سفیر نے ملاقات کے دوران پاکستان جرمنی تعلقات کے فروغ کے لیے قریبی رابطوں کے عزم کا اعادہ کیا۔
اس موقع پر بلال کیانی نے کہا کہ معاشی استحکام کو پائیدار اور برآمدات پر مبنی معاشی ترقی میں بدلنے پر کام کر رہے ہیں، ایم ایل 1 اور ایم ایل 3 ریلوے ٹریک کے منصوبوں میں پیشرفت ہوئی ہے۔
اس موقع پر جرمن سفیر اِنا لاپیل نے بڑھتے ہوئے دوطرفہ تعاون کا خیرمقدم کیا۔
رہبر انقلاب اسلامی کے خطاب میں موجود پیغامات