10سال میں پاکستان کو1 ٹریلین ڈالر کی معیشت بنائینگے،احسن اقبال
اشاعت کی تاریخ: 10th, December 2025 GMT
اسلام آباد:(نیوزڈیسک)وفاقی وزیر منصوبہ بندی ترقی و خصوصی اقدامات پروفیسر احسن اقبال سےامریکہ پرنسپل ڈپٹی اسسٹنٹ سیکریٹری، بیورو آف ایجوکیشنل اینڈ کلچرل افیئرز شیری کینسن ہال نےوفد کے ہمراہ ملاقات کی جس میں باہمی دلچسپی سے متعلق امور پر بات چیت ہوئی۔
ملاقا ت کے دورا ن گفتگوکرتے ہوئے وفاقی وزیراحسن اقبال نے کہا کہ پاکستان اور امریکہ کے تعلقات دیرینہ اور تاریخی تعلقات ہیں امریکہ سے قومی ترقی میں شراکت داری کا تعلق چاہتے ہیں انہوں نے کہا کہ سائنسی اور تعلیمی شعبوں میں تعاون کو مزید فروغ دینا چاہتے ہیں۔ فل برائٹ پروگرام کے تحت پاکستانی طلبہ امریکہ میں اعلی تعلیم حاصل کررہے ہیں ۔ احسن اقبال نے کہا کہ انسانی وسائل کی ترقی وہ بنیادی سافٹ ویئر ہیں جو انفراسٹرکچر کو فائدہ مند بناتے ہے معیاری یونیورسٹیاں اور اعلی تعلیمی نظام ملک کو سپر پاور بناتے ہیں ۔
وفاقی وزیر نے مزید کہا کہ بھارت پاکستان کے خلاف آبی جارحیت کا مرتکب ہو رہا ہے۔پاکستان کو 2035 تک ایک ٹریلین ڈالر کی معیشت بنانے کے لئے کوشاں ہیں اڑان پاکستان کے تحت تعلیمی شعبہ میں بنیادی اصلاحات لا رہے ہیں۔ احسن اقبال نے کہا کہ پاکستان امریکہ نالج کاریڈور کے ذریعہ آئندہ دس برسوں میں 10,000 معیاری پی ایچ ڈی تیار کرنا چاہتے ہیں۔
اس پوسٹ کو شیئر کریں
.
ذریعہ
ذریعہ: Daily Mumtaz
پڑھیں:
گلشن اقبال میں تیز رفتار ڈمپر الٹ گیا، شہری معجزانہ طور پر محفوظ، مشتعل افراد کا کلینر پر تشدد
کراچی:شہر قائد کے علاقے گلشن اقبال میں رب میڈیکل کے قریب منگل کی شب ایک تیز رفتار ڈمپر بے قابو ہو کر سڑک پر الٹ گیا تاہم خوش قسمتی سے قریب سے گزرنے والے شہری اور دیگر گاڑیاں بڑے حادثے سے محفوظ رہیں۔
عینی شاہدین کے مطابق ڈمپر اچانک توازن کھو بیٹھا اور سڑک پر الٹ گیا، جس سے علاقے میں خوف و ہراس پھیل گیا۔
حادثے کے فوراً بعد ڈمپر کا ڈرائیور اور ایک اور شخص موقع سے فرار ہوگئے۔ واقعے کے بعد مشتعل شہریوں نے ڈمپر کے کلینر کو پکڑ لیا اور تشدد کا نشانہ بنایا۔
صورتحال اس وقت مزید کشیدہ ہوگئی جب بعض افراد نے ڈمپر کو آگ لگانے کی کوشش کی تاہم اطلاع ملتے ہی پولیس موقع پر پہنچ گئی اور بروقت مداخلت کرتے ہوئے گاڑی کو جلائے جانے سے بچا لیا۔
پولیس کے مطابق ابتدائی تحقیقات میں معلوم ہوا ہے کہ حادثہ سڑک پر موجود گہرے گڑھوں اور جاری کھدائی کے باعث پیش آیا جس کے نتیجے میں ڈمپر کا توازن بگڑ گیا اور وہ الٹ گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ