پاکستان ڈیجیٹل معیشت کا مرکز بننے کو تیار، نوجوان اس سفر کی اصل طاقت ہیں: بلال بن ثاقب
اشاعت کی تاریخ: 10th, December 2025 GMT
پاکستان ورچوئل اثاثہ جات ریگولیٹری اتھارٹی (PVARA) کے چیئرمین بلال بن ثاقب نے بٹ کوائن مینا 2025 کانفرنس میں کہا کہ پاکستان بٹ کوائن اور ڈیجیٹل اثاثوں کو قیاس آرائی نہیں بلکہ مستقبل کی معیشت اور انفرا اسٹرکچر کا حصہ سمجھتا ہے۔انہوں نے بتایا کہ پاکستان نوجوانوں کو عالمی ڈیجیٹل معیشت میں معمار کے طور پر دیکھتا ہے، اور 240 ملین آبادی والے ملک کے لیے روایتی معاشی ماڈلز کافی نہیں رہے۔بلال بن ثاقب کے مطابق حکومت کرپٹو مارکیٹ کو ریگولیٹ کرنے، عبوری لائسنسنگ دینے اور محفوظ سرمایہ کاری کا ماحول بنانے کے لیے تیز اقدامات کر رہی ہے۔ پاکستان چاہتا ہے کہ ڈیجیٹل اثاثوں کی سرگرمیاں زیرِ زمین رہنے کے بجائے قانونی دائرے میں آئیں تاکہ صارفین کا تحفظ ہو اور سنجیدہ سرمایہ کار اعتماد کے ساتھ کام کر سکیں۔انہوں نے کہا کہ ڈیجیٹل اثاثے پاکستانیوں کے لیے زرِ مبادلہ کے تحفظ، مالی شمولیت اور عالمی ادائیگیوں میں سہولت فراہم کر رہے ہیں، اور مستقبل میں ابھرتی معیشتیں ہی ڈیجیٹل فنانس کی قیادت کریں گی—جن میں پاکستان نمایاں مقام حاصل کر سکتا ہے۔
---
.ذریعہ: Nawaiwaqt
پڑھیں:
ٹیکس کلیکشن میں سندھ سب سے آگے، معیشت کو ڈنڈے کے زور پر نہیں چلایا جا سکتا، بلاول بھٹو
پاکستان پیپلز پارٹی (پی پی پی) کے چیئرمین بلاول بھٹو نے کہا ہے کہ ٹیکس کلیکشن میں سندھ سب سے آگے ہے، معیشت کو ڈنڈے کے زور پر نہیں چلایا جا سکتا۔
لاہور میں صنعت کاروں اور تاجروں سے خطاب کرتے ہوئے انہوں نے کہاکہ ملکی معیشت کی مضبوطی میں تاجر طبقے کا کردار بنیادی اہمیت رکھتا ہے اور پارٹی تاجروں کے مسائل حل کرنے کے لیے اپنا تعاون جاری رکھے گی۔
مزید پڑھیں: ایف بی آر اصلاحات پر پیشرفت، ٹیکس کلیکشن میں بہتری قابل اطمینان ہے: وزیراعظم شہباز شریف
انہوں نے کہاکہ پاکستان کے لیے یہ قابلِ فخر بات ہے کہ چین جیسے بڑے ملک کے ساتھ ہماری شراکت داری مضبوط ہے۔ اب یہ سوچنے کی ضرورت ہے کہ اس تعاون کو مزید بہتر کیسے بنایا جائے۔
ان کا کہنا تھا کہ پاکستان کی برآمدات میں مسلسل اضافہ ہو رہا ہے، اس لیے تاجروں کو چاہیے کہ وہ ایکسپورٹس کو مزید وسعت دینے کی کوشش کریں۔
بلاول بھٹو زرداری نے سابق حکومتوں پر تنقید کرتے ہوئے کہا کہ وہ معیشت کو سخت اقدامات کے ذریعے چلانا چاہتی تھیں، جبکہ ان کے نزدیک معاشی استحکام محبت اور بہتر حکمتِ عملی سے حاصل کیا جا سکتا ہے۔
انہوں نے کہاکہ ایف بی آر کی کارکردگی سب کے سامنے ہے، محکمے میں ڈیجیٹل نظام کا فروغ نہایت ضروری ہے۔
بلاول بھٹو کے مطابق وزیراعظم اور ان کی ٹیم معیشت کو مستحکم بنانے کے لیے بھرپور کوشش کر رہی ہے، جبکہ وفاقی حکومت کی مشکلات صرف ایک صوبہ حل نہیں کر سکتا، تمام اکائیوں کو مل کر ساتھ کھڑا ہونا ہوگا۔
انہوں نے بتایا کہ سندھ کی کارکردگی دیگر صوبوں کے مقابلے میں بہتر رہی ہے۔ 18ویں ترمیم کے بعد صوبوں کے پاس سروسز پر سیلز ٹیکس جمع کرنے کا اختیار آیا جس سے ریونیو میں واضح بہتری آئی۔
اپنے پارٹی منشور کا ذکر کرتے ہوئے انہوں نے کہاکہ ہم نے غریب عوام کو 200 یونٹس تک بجلی فراہم کرنے کا وعدہ کیا تھا، اور اب اس سہولت کو سولر سسٹمز کے ذریعے فراہم کرنے کی جانب جا سکتے ہیں۔
مزید پڑھیں: نان فائلرز کے لیے بینک سے رقم نکلوانا مہنگا، پراپرٹی ٹیکس شرح میں بڑی تبدیلی
انہوں نے مزید کہاکہ یہ کام یکدم ممکن نہیں، لیکن حکومت اس کا ماحول دوست حل نکالے گی اور بجلی کے مسائل کم کرنے کے لیے عملی اقدامات کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایف بی آر بلاول بھٹو ٹیکس کلیکشن چیئرمین پی پی پی وزیراعظم پاکستان وی نیوز
کراچی، مدرسے کے طالبعلم کو کچے کا ڈاکوؤں نے اغوا کر لیا، 50 لاکھ تاوان طلب