شکارپور: بلاول بھٹو زرداری کا پولیس مقابلے میں زخمی خاتون پولیس افسر کو خراج تحسین
اشاعت کی تاریخ: 10th, December 2025 GMT
---فائل فوٹو
بلاول بھٹو زرداری نے کہا ہے کہ سندھ پولیس کی عوام کی جان و مال کے تحفظ کے لیے قربانیاں بے مثال اور عزم غیر متزلزل ہے۔
بلاول بھٹو زرداری نے شکارپور میں مبینہ پولیس مقابلے میں کچے کے ڈاکوؤں سے مقابلے کے دوران زخمی ہونے والی خاتون پولیس افسر کو خراجِ تحسین پیش کیا ہے۔
بلاول بھٹو زرداری نے اپنے پیغام میں خاتون ڈی ایس پی پارس بکھرانی کی بہادری اور فرض شناسی کو سراہتے ہوئے اسپتال میں زیرِ علاج ڈی ایس پی کی جلد صحتیابی کی دعا ہے۔
پولیس کے مطابق فائرنگ میں خاتون ڈی ایس پی سٹی پارس بکرانی اور ڈی ایس پی گڑھی یاسین ظہور سومرو بھی زخمی ہوگئے۔
بلاول بھٹو نے زخمی ڈی ایس پی ظہور سومرو اور دیگر دو اہلکاروں کو بھی خراج تحسین پیش کیا ہے، بلاول بھٹو نے ڈی ایس پی ظہور سومرو اور دیگر دو اہلکاروں کے لیے بھی صحتیابی کی دعا ہے۔
واضح رہے کہ شکارپور میں منچر شیخ کے علاقے میں مبینہ پولیس مقابلے کے دوران کچے کے 9 ڈاکو مارے گئے تھے۔
فائرنگ میں خاتون ڈی ایس پی سٹی پارس بکھرانی اور ڈی ایس پی گڑھی یاسین ظہور سومرو سمیت 4 اہلکار زخمی ہو گئے تھے۔
.ذریعہ: Jang News
کلیدی لفظ: بلاول بھٹو زرداری پولیس مقابلے ظہور سومرو ڈی ایس پی
پڑھیں:
نئے صوبے بنانے کیلئے قومی اسمبلی میں اتفاق رائے موجود ہے، بلاول
لاہور(نیوزڈیسک) پاکستان پیپلزپارٹی کی خوبی رہی ہے کہ ہم جمہوری بھی رہے اور گورنر راج بھی لگائے۔ بلاول بھٹو زرداری نے کہا ہے کہ 20 نئے صوبے بنانے سے پہلے جن نئے صوبوں پر اتفاق رائے ہے وہاں بنائیں۔
لاہور میں سینئر صحافیوں سے ملاقات کے دوران چیئرمین پی پی پی بلاول بھٹو زرداری نے کہا کہ قومی اسمبلی میں نئے صوبے بنانے کے لیے اتفاق رائے موجود ہے۔
انہوں نے کہا کہ 20 صوبے بنانے سے پہلے جہاں نئے صوبے بنانے سے متعلق اتفاق رائے موجود ہے پہلے وہاں بنائیں، اس وقت ہماری اکثریت نہیں تھی جب نئے صوبے بنانے پر اتفاق ہوا تھا۔
چیئرمین پی پی پی نے کہا کہ جو ان کی اپنی تجاویز ہے اس پر عمل درآمد ہونا ہے تو فوری کریں، جو کام ہونا تھا وہ تو ہو ہی رہا ہے۔
ایک سوال پر بلاول بھٹو زرداری نے کہا کہ پاکستان پیپلزپارٹی کی خوبی رہی ہے کہ ہم جمہوری بھی رہے اور گورنر راج بھی لگائے۔
لائسنس بنوائیں اور ہیلمٹ خریدیں، سٹوڈنٹس کو ایک ہفتے کی مہلت مِل گئی