پنجاب میں روڈ سیفٹی اور منشیات کنٹرول آپریشن کا آغاز
اشاعت کی تاریخ: 4th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور: وزیراعلیٰ پنجاب مریم نواز شریف کی ہدایت پر صوبے میں ٹریفک قوانین پر سختی سے عمل درآمد کا عمل جاری ہے، جس کے تحت خلاف ورزی کرنے والوں کے لیے زیرو ٹالرنس پالیسی نافذ کی گئی ہے۔
صوبائی وزیرپنجاب مریم اورنگزیب نے میڈیا سے گفتگو کرتے ہوئے کہا کہ یہ محض قوانین کی پابندی نہیں بلکہ شہریوں کی جانوں کے تحفظ کے لیے ناگزیر اقدام ہے۔
مریم اورنگزیب نے بتایا کہ پنجاب میں ٹریفک ڈسپلن کو بہتر بنانے کے لیے نئے روڈ سیفٹی میکانزم فعال کیے جا رہے ہیں اور ہر خلاف ورزی کا ڈیٹا ریئل ٹائم میں مانیٹر کیا جا رہا ہے، ڈرائیونگ کی عمر اب 16 سال مقرر کی گئی ہے اور نابالغ بچوں کی گاڑی چلانے پر سخت قانونی کارروائی ہوگی، والدین اگر بچوں کو گاڑی چلانے دیں گے تو قانون کسی رعایت کے بغیر سخت کارروائی کرے گا، کیونکہ ایک ایک جان قیمتی ہے۔
انہوں نے مزید کہا کہ نوجوانوں کو منشیات سے محفوظ رکھنے کے لیے صوبے بھر میں تاریخ کے سخت ترین آپریشن جاری ہیں، اسکولوں، کالجوں اور یونیورسٹیوں میں خصوصی سپاٹ چیکس بڑھا دیے گئے ہیں تاکہ ڈرگز مافیا کی رسائی کم سے کم ہو، ڈرگ نیٹ ورکس کی مکمل میپنگ کی جا چکی ہے اور خفیہ سپلائی پوائنٹس کی نشاندہی کے لیے ڈرونز استعمال کیے جا رہے ہیں، جن میں سے کئی فعال گروہ پہلے ہی بے نقاب ہو چکے ہیں۔
صوبائی وزیر نے کہا کہ 111 لانگ رینج نیٹ ورکس کی گرفتاری حکومت کے مضبوط عزم کا ثبوت ہے اور 32 اضلاع میں قائم ڈرگز سینٹرز کو جدید سہولیات فراہم کی جا رہی ہیں وزیراعلیٰ روزانہ کی بنیاد پر نوجوانوں کو منشیات کے خطرات سے بچانے کے لیے بریفنگ لیتی ہیں اور حکومت ہر حد تک جائے گی تاکہ نوجوان نسل منشیات کے عذاب سے محفوظ رہے، کیونکہ یہ نوجوان پاکستان کا مستقبل ہیں۔
انہوں نے زور دیا کہ جب تک لوگ خود ذمہ داری نہیں لیں گے، حادثات اور نشے کے مسائل کم نہیں ہوں گے، اس لیے ہر شہری کی احتیاط اور قانون کی پاسداری لازمی ہے۔
ذریعہ
ذریعہ: Jasarat News
کلیدی لفظ: کے لیے
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی