اس سال پاکستانیوں کی گوگل پر سب سے زیادہ تلاش کیا چیز رہی؟
اشاعت کی تاریخ: 4th, December 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: گوگل نے 2025 میں پاکستانی صارفین کی جانب سے سب سے زیادہ سرچ کیے جانے والے موضوعات کی تفصیلی فہرست جاری کر دی ہے۔
کمپنی کے مطابق جس میں کرکٹ سے ٹیکنالوجی اور روزمرہ رہنمائی سے لے کر ڈراموں تک مختلف شعبوں کے رجحانات شامل ہیں۔ سال بھر میں کھربوں سرچز میں سے وہ موضوعات چُنے گئے جن کی مقبولیت میں نمایاں اضافہ دیکھا گیا۔
کرکٹ بدستور پاکستانیوں کی دلچسپی میں سرفہرست رہا۔ سب سے زیادہ سرچ ہونے والی اصطلاح “پاکستان بمقابلہ جنوبی افریقا” رہی، جبکہ پی ایس ایل، ایشیا کپ، پاک-بھارت اور دیگر بڑی ٹیموں کے درمیان ہونے والے مقابلے ٹاپ دس میں شامل رہے۔
ایتھلیٹس کی کیٹیگری میں بھارتی اوپنر ابھیشیک شرما پاکستانی صارفین کی سب سے زیادہ توجہ کا مرکز بنے، جبکہ حسن نواز، عرفان خان نیازی، صاحبزادہ فرحان اور صائم ایوب سمیت متعدد نوجوان کرکٹرز بھی نمایاں سرچز میں شامل رہے۔
لوکل نیوز میں عوام کی توجہ معاشی اور انتظامی معاملات پر مرکوز رہی۔ پنجاب سوشو اکنامک رجسٹری سال کی سب سے بڑی ٹرینڈنگ سرچ رہی، جبکہ کراچی فلڈز، آسان کاروبار کارڈ، امتحانی نتائج، دریائے چناب کی صورتحال، لیپ ٹاپ اسکیم اور سونے کی قیمتیں بھی مسلسل سرچ کی جاتی رہیں۔
ٹیکنالوجی کے شعبے میں گوگل جیمنائی سب سے نمایاں رہا، جس کے بعد آن لائن ایپس اور اے آئی ٹولز جیسے تماشا، ڈیپ سیک، مائی کو، گوگل اے آئی اسٹوڈیو، Claude اور گروک ٹاپ سرچز کا حصہ بنے۔ آئی فون 17 اور نان فنجیبل ٹوکن بھی پاکستانی صارفین کی دلچسپی میں شامل رہے۔
ریسیپیز میں اس سال سینڈوچ بنانے کی تراکیب نے سب کو پیچھے چھوڑ دیا، جبکہ فوڈ فیوژن، کوئینا، ڈو، میٹھے پکوان، مٹن اور سوپ ریسیپیز بھی بڑی تعداد میں سرچ کی گئیں۔
ہاؤ ٹو کیٹیگری میں روزمرہ مسائل کے حل کی تلاش نمایاں رہی۔ سب سے زیادہ سرچ یہ تھا کہ کراچی کا ای چالان کیسے چیک کیا جائے۔ اس کے بعد انسٹاگرام میسجز کو اَن سینڈ کرنے کا طریقہ، کار انشورنس اور کرپٹو و اسٹاک مارکیٹ میں سرمایہ کاری کی رہنمائی، کریڈٹ کارڈ اپلائی کرنے کا طریقہ اور موبائل سے پرنٹ نکالنے جیسے موضوعات نمایاں رہے۔
ڈراموں میں پاکستانی مواد کی مقبولیت برقرار رہی۔ جیو کا ڈرامہ “شیر” سب سے زیادہ سرچ ہونے والا ڈرامہ ثابت ہوا، جبکہ “آس پاس” اور “ڈائن” بھی نمایاں سرچز میں شامل رہے۔
گوگل کی سالانہ فہرست کے مطابق پاکستانی صارفین کے رجحانات کھیل، ٹیکنالوجی، تعلیمی اور معاشی صورتحال کے گرد گھومتے رہے، جبکہ تفریح اور کھانے کی تراکیب بھی مسلسل دلچسپی کا حصہ بنی رہیں۔
ذریعہ
ذریعہ: Jasarat News
کلیدی لفظ: پاکستانی صارفین سب سے زیادہ سرچ میں شامل رہے
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار