صوبے کے قدرتی وسائل پر پہلا حق سندھ کی عوام کا ہے، کاشف سعید شیخ
اشاعت کی تاریخ: 4th, December 2025 GMT
ایک بیان میں امیر جماعت اسلامی سندھ نے کہا کہ سندھ سے نکلنے والا گیس، کوئلہ اور بجلی کا سندھ کے عوام کو کوئی فائدہ نہیں پہنچ رہا ہے یہاں تک کہ سندھ میں کام کرنے والی آئل کمپنیوں میں بھی مقامی نوجوانوں کو روزگار نہیں دیا جارہا جو سراسر ظلم ہے۔ اسلام ٹائمز۔ جماعت اسلامی سندھ کے امیر کاشف سعید شیخ نے سندھ کے کوئلے، گیس اور پیٹرول پر پہلا حق سندھ کے عوام کا قرار دیتے ہوئے مطالبہ کیا ہے کہ این ایف سی ایوارڈ کے تحت سندھ کو اپنا مکمل حصہ دیا جائے۔ انہوں نے آج ایک بیان میں مزید کہا کہ سندھ سے نکلنے والا گیس پنڈی پہنچ رہا ہے، تھر سے نکلنے والے کوئلے پر بننے والی بجلی سے دوسرے صوبوں کے کارخانے چل رہے ہیں، مگر سندھ کے باسی بجلی اور گیس کی لوڈشیڈنگ کا عذاب بھگت رہے ہیں، آخر یہ اندھیرنگری چوپٹ راج کا نظام کب تک چلے گا، سندھ کے وسائل کی لوٹ مار پر مراد علی شاہ کی خاموشی قابل مذمت عمل ہے۔
صوبائی امیر نے آج ایک بیان میں مزید کہا کہ سندھ کی قیمتی زرعی زمینوں پر قبضے سے لیکر کارونجھر پہاڑ کی کٹائی تک پ پ حکومت سندھ کے وسائل کی سودے بازی میں برابر کی ملوث ہے جس کو سندھ کے عوام اور تاریخ کبھی معاف نہیں کرے گی، سندھ سے نکلنے والا گیس، کوئلہ اور بجلی کا سندھ کے عوام کو کوئی فائدہ نہیں پہنچ رہا ہے یہاں تک کہ سندھ میں کام کرنے والی آئل کمپنیوں میں بھی مقامی نوجوانوں کو روزگار نہیں دیا جارہا جو سراسر ظلم ہے، قدرتی وسائل سے مالا مال سندھ کے عوام بنیادی ضروریات سے محروم اور شہر تباہی کا شکار ہیں۔
ذریعہ
ذریعہ: Islam Times
کلیدی لفظ: سندھ کے عوام سے نکلنے کہ سندھ
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار