کش حیثیت میں گورنر راج کی بات ہوئی : اسد قیصر یہ مارشل لانہیں آئین میں ہے اعظم تارڑ قومی اسمبلی میں گرماگرمی
اشاعت کی تاریخ: 2nd, December 2025 GMT
اسلام آباد (خبر نگار+ خبر نگار خصوصی+ نوائے وقت رپورٹ) اپوزیشن رہنما اسد قیصر نے قومی اسمبلی سے خطاب میں کہا ہے کہ احتجاج کا پارلیمانی روایات ہیں جب میں سپیکر تھا تو نوید قمر ڈائس کے قریب آئے تھے۔ ہم نے بہت برداشت کیا ہے آپ کا معترف ہوں، محمود اچکزئی نے ہمیشہ آئین و قانون کی بات کی ہے۔ محمود اچکزئی کے جمہوریت اور آئین کیلئے کردار کو خراج تحسین پیش کرتے ہیں۔ بیرسٹر عقیل نے کہا خیبر پی کے میں گورنر راج کا سوچا جا سکتا ہے۔ انہوں نے کسی کیپسٹی (حیثیت) میں یہ بات کی؟ خیبر پی کے کو این ایف سی کا شیئر نہیں دیا جا رہا، ہم نے قومی جرگہ کیا ساری جماعتیں شریک ہوئیں، اس قومی جرگے میں متفقہ قرارداد پاس ہوئی، بتائیں ایک شق پر بھی عمل کیا جا رہا ہے؟ بیرسٹر گوہر نے قومی اسمبلی میں خطاب کرتے کہا ضمانت دیتے ہیں پارلیمنٹ پر حملہ آور نہیں ہونگے۔ بیرسٹر گوہر نے پارلیمنٹ ہاؤس کے باہر میڈیا سے گفتگو کرتے ہوئے کہا کہ خیبر پی کے میں مجھے گورنر راج لگتا دکھائی نہیں دے رہا ہے۔ خیبر پی کے گورنر راج کا متحمل نہیں ہو سکتا، کوشش کریں گے خیبر پی کے میں دہشتگردی کا خاتمہ ہو، وزیراعلیٰ خیبر پی کے کو بانی پی ٹی آئی سے ملاقات کا وقت دیا جانا چاہئے۔ گورنر راج نہیں لگے گا، گورنر راج نہیں لگے گا، صوبہ آئین اور قانون کے مطابق چلے گا۔ بانی پی ٹی آئی سے ملااقات کو ایک ماہ گزر گیا،ملاقات بہت ضروری ہے، ایوان میں سپیکر نے کہا گوہر صاحب میرے دروازے سب کے لئے کھلے ہیں۔ محمود اچکزئی ہمارے اپوزیشن لیڈر ہیں۔ وفاقی وزیر قانون و انصاف سینیٹر اعظم نذیر تارڑ نے کہا ہے کہ تاریخ نے ثابت کر دیا کہ پی ٹی آئی کا حکومت چھوڑنے کا فیصلہ غلط تھا ، اگر وہ ایوانوں میں ہوتے تو شائد یہ حالات نہ ہوتے۔ وہ قومی اسمبلی میں اظہار خیال کر رہے تھے۔ وفاقی وزیر اعظم نذیر تارڑ نے کہا کہ پارلیمان کی عزت، تکریم اور حرمت سب کو عزیز ہے، کہا گیا کہ ہمیں دیوار کے ساتھ مت لگائیں ۔ پی ٹی آئی نے سپیس خود چھوڑی، عوام کا خیر خواہ بننے کی بجائے اقتدار کو ترجیح دی۔ انہوں نے کہا کہ جوغلطیاں جس طرف سے ہوئیں تاریخ انھیں کبھی معاف نہیں کرتی۔ انہوں نے وزیراعظم کی بات دوہرائی کہ پاکستان رہے گا تو ہم سب رہیں گے اور بانی پی ٹی آئی بھی سیاست کرتے رہیں گے۔ انہوں نے کہا کہ ذوالفقار علی بھٹو کو پھانسی کے پھندے تک لے جایا گیا، بے نظیر بھٹو کو شہید کر دیا گیا، اجتجاج ہوا لیکن کسی دائرے میں رہتے ہوئے ہوا۔ محمد نواز شریف کو دو مرتبہ نااہل کیا گیا لیکن ہم نے حملے نہیں کیے۔ گورنر راج کوئی مارشل لاء کی شکل نہیں بلکہ آئین میں دیا گیا ہے، آئین کے آرٹیکل 232-234 تک حالات ہوتے ہیں تو گورنر راج آئینی عمل ہو گا، غیر آئینی عمل یہ ہے کہ پولیس کے گاڑیاں، فائر بریگیڈ کی گاڑیاں، سرکاری وسائل استعمال کرتے ہوئے وفاق پر حملہ کرنا غیر آئینی ہے۔ انہوں نے کہا کہ جیلیں ہم نے بھی کاٹی ہیں، ہماری قیادت کی بے توقیری کی گئی۔ ہسپتالوں سے گرفتاریاں ہوئیں لیکن اس طرح نہیں کیا گیا جو اب ہو رہا ہے۔ سپیکر قومی اسمبلی سردار ایاز صادق نے ایوان کو مخاطب کرتے ہوئے کہا کہ وہ ضروری سمجھتے ہیں کہ گزشتہ روز ایک رکنِ اسمبلی کی جانب سے دئیے گئے کچھ غیر ذمہ دارانہ بیانات کا تذکرہ ایوان کے سامنے رکھا جائے، سپیکر نے کہا کہ سب سے پہلے، مذکورہ رکن نے ایوان کے اندر آکر اپوزیشن لابی میں یہ اعلان کیا کہ وہ ایوان کی کارروائی میں مداخلت کرنے کے لیے چیئر تک جائیں گے۔ سپیکر نے نشاندہی کی کہ کل پھر اسی رکن نے ایک اور غیر ذمہ دارانہ اور اشتعال انگیز بیان دیا کہ وہ عوام کو استعمال کرتے ہوئے قومی اسمبلی اور سینٹ کی کارروائی روکیں گے۔ انہوں نے کہا کہ 2014 ء میں بھی ہم نے ایسے حالات کا سامنا کیا تھا اور اس وقت بھی پارلیمنٹ نے آئین اور جمہوریت کے تحفظ کے لیے بھرپور کردار ادا کیا تھا۔ آج بھی ہم پوری طرح تیار ہیں کہ ایسی کسی بھی کوشش کا ڈٹ کر مقابلہ کریں گے، بطور کسٹوڈین آف دی ہائوس پارلیمنٹ کا تحفظ کرنا ان کی آئینی ذمہ داری ہے اور ایوان و ریاست کے خلاف بیانات نہ صرف انتہائی نامناسب ہیں بلکہ جمہوری عمل کو کمزور کرنے کی کوشش ہیں۔ انہوں نے کہا ایسی سوچ اور بیانات کو ہمیں سب نے مل کر روکنا ہے تاکہ پارلیمنٹ کی بالادستی، آئینی نظام اور جمہوری روایات کا تحفظ یقینی بنایا جا سکے۔ قومی اسمبلی کے اجلاس میں رکنِ قومی اسمبلی بیرسٹر گوہر علی خان کی تقریر پر ردِعمل دیتے ہوئے کہا کہ تمام ارکانِ پارلیمنٹ بخوبی جانتے ہیں کہ میرے دروازے ہمیشہ کھلے رہتے ہیں۔ میں جتنی کوشش کرتا ہوں، وہ سب کے سامنے ہے اور کسی سے ڈھکی چھپی نہیں۔ انہوں نے کہا کہ وزیرِ اعظم، وزیرِ قانون اور میں متعدد بار واضح کر چکے ہیں کہ معاملات مذاکرات سے ہی حل ہوں گے۔ محاذ آرائی سے نہیں۔ انہوں نے کہا کہ پارلیمان عوام کا گھر ہے اور اس کے وقار کا ہر حال میں تحفظ کیا جائے گا۔ سردار ایاز صادق نے مزید کہا کہ میں نے اس روز آپ کے قائد کو مذاکرات کی پیشکش کی، مگر انہوں نے کہا کہ ہندوستان اور افغانستان سے بات کریں، آپ سے بات نہیں کرنی۔ اس کے باوجود میں نے آپ کو مائیک دیا، آپ نے خود کہا کہ ہم بات کرنا چاہتے ہیں۔ میں نے آپ کو اپنے چیمبر مدعو کیا، کیا میرا کردار منفی تھا میں نے تو حکومت کو بھی آپ کے سامنے بٹھایا تاکہ بات چیت کا تسلسل قائم رہے۔ انہوں نے کہا کہ پارلیمنٹ سیاسی مکالمے کا گھر ہے جہاں ہر اختلاف قانون و آئین کے اندر رہتے ہوئے حل ہوتا ہے۔ سپیکر قومی اسمبلی سردار ایاز صادق نے اپوزیشن اراکین کی جانب سے اظہار خیال پر ردعمل میں ماضی کے واقعات کا حوالہ دیتے ہوئے کہا کہ 2014 ء میں جب پارلیمنٹ کا مشترکہ اجلاس جاری تھا تو مجھے ایک چٹ موصول ہوئی تھی جس میں تنبیہ کی گئی تھی کہ اگر ارکان ایوان سے باہر نہ گئے تو کزن برادر حملہ آور اندر آ کر خدانخواستہ جانی نقصان پہنچا سکتے ہیں۔ میں اس وقت بھی اسی کرسی پر بیٹھا تھا اور ہم سب نے اجتماعی طور پر فیصلہ کیا تھا کہ ہم ایوان سے نہیں جائیں گے۔
.ذریعہ: Nawaiwaqt
کلیدی لفظ: انہوں نے کہا کہ قومی اسمبلی ہوئے کہا کہ خیبر پی کے پی ٹی ا ئی کرتے ہوئے گورنر راج ہیں کہ
پڑھیں:
خیبرپختونخوا حکومت منشیات کی سمگلنگ، دہشتگردوں کو پروموٹ کر رہی ہے: عطا تارڑ
لاہور(ڈیلی پاکستان آن لائن)وفاقی وزیر اطلاعات عطا اللہ تارڑ نے کہا ہے کہ خیبرپختونخوا حکومت منشیات کی سمگلنگ اور دہشت گردوں کو پروموٹ کر رہی ہے، خیبرپختونخوا حکومت کی زیرنگرانی منشیات کی سمگلنگ ہو رہی ہے جس کا پیسہ دہشت گردی کیلئے استعمال ہوتا ہے۔
نجی ٹی وی چینل دنیا نیوز کے مطابق پریس کانفرنس کرتے ہوئے وفاقی وزیر اطلاعات عطا تارڑ نے کہا کہ گزشتہ چند روز سے ملک میں افواہیں پھیلانے کا سلسلہ جاری ہے، پی ٹی آئی کا ملک دشمن عناصر کے ساتھ گٹھ جوڑ کھل کرسامنے آرہا ہے، کے پی صوبائی حکومت کی کوتاہیوں کی وجہ سے دہشتگردیہاں آتے ہیں۔
آسٹریلیا میں دوران پرواز 2 چھوٹے طیارے آپس میں ٹکرا گئے، ایک پائلٹ ہلاک
انہوں نے کہا کہ دہشتگردوں کو مقامی علاقوں میں پناہ ملتی ہے، دہشتگردی کے کیسز کی تعداد 4ہزار سے تجاوز کرگئی، پراسکیوشن کا سسٹم صوبائی حکومت کے ماتحت ہے، وزیراعلیٰ خیبرپختونخوا کو اڈیالہ کے باہر نعرے لگانے آتے ہیں لیکن پراسکیوشن کے سپیلنگ نہیں آتے، خیبرپختونخوا میں پراسکیوشن بالکل فیل ہے۔
عطا تارڑ نے کہا کہ خیبرپختونخوا حکومت گزشتہ 12سال میں پراسکیوشن کا نظام بناکر دہشتگردوں کو سزا نہیں دلواسکی، پچھلے 3سال میں دہشت گردوں کے خلاف مقدمات میں کسی ایک پر سزا نہیں ہوئی۔
ان کا کہنا تھا کہ خیبرپختونخوا دنیا کا واحد صوبہ ہے جہاں ہزاروں نان کسٹم پیڈ گاڑیاں چل رہی ہیں، خیبرپختونخوا حکومت گزشتہ 12سال میں نان کسٹم پیڈ گاڑیوں کے خلاف ایکشن نہیں کرسکی، نان کسٹم پیڈگاڑیوں کو پکڑنا فوج کا کام ہے یا صوبائی حکومت کا؟
جارحانہ آل راؤنڈر آندرے رسل کا آئی پی ایل سے ریٹائرمنٹ کا اعلان
ان کا یہ بھی کہنا تھا کہ منشیات کی سمگلنگ اورٹریڈ خیبرپختونخوا حکومت کی زیرنگرانی ہوتی ہے، منشیات کا پیسہ دہشتگردی کیلئے بھی استعمال ہوتا ہے، صوبے کے اندر منشیات سمگلنگ کو پروموٹ کیا جاتا ہے، منشیات فروشوں کے ساتھ ان کی ملی بھگت ہے۔
وفاقی وزیر اطلاعات نے کہا کہ آج بھی خیبرپختونخوا میں غیرقانونی ٹھیکوں پر پہاڑ کاٹے جارہے ہیں، جنوری 2025سے اگست تک ڈرگ ٹریفیکنگ کے10ہزارکیسز اورصرف 600کیسز میں سزا ہوئی، وزیرعظم شہبازشریف کی سربراہی میں ایف بی آر میں ریفارمز جاری ہیں، کے پی حکومت پہاڑ کاٹ رہی ہے،منشیات اسمگلنگ اوردہشتگردوں کو پروموٹ کررہی ہے۔
ٹریفک قوانین کی خلاف ورزی کرنے ملزمان کو حوالات میں رکھاجائے ، شخصی ضمانت پررہا نہ کیا جائے،آئی جی پنجاب
عطا تارڑ نے کہا کہ خیبرپختونخوا حکومت اس مافیا کو پروموٹ کررہی ہے جو سال کا کئی سوارب روپے ٹیکس کھاجاتے ہیں، سال کا ایک ہزار ارب روپے سے اوپر کا شارٹ فال نان کسٹم پیڈ گاڑیوں کا ہے، یہ سارا پیسہ دہشتگردوں کو جارہا ہے، برسراقتدار لوگوں کی جیبیں بھری جاتی ہیں اوروہ دہشتگردوں کو چھت فراہم کرتے ہیں۔
انہوں نے کہا کہ پاک فوج نے افغانستان کی جارحیت پر بھرپور جواب دیا وہ چوکیاں چھوڑ کر بھاگے، صرف پی ٹی آئی کی حکومت کو افغانستان کی ہار کا دکھ ہوا، آج یہ افغانستان کی حمایت میں ان کے ترجمان بنے ہوئے ہیں، اسلام آباد کچہری حملے میں افغانی خودکش حملہ آور ملوث تھا۔
وزیراعلی سہیل آفریدی کا 18 NAہری پور ضمنی انتخابات کی انکوائری کا فیصلہ، پارٹی کو اختیار دیدیا
انہوں نے یہ بھی کہا کہ سہیل آفریدی اوران کی حکومت نے اسلام آبادجی الیون کچہری خودکش حملے پر کوئی بیان نہیں دیا، پچھلے کچھ دنوں سے ڈرامہ رچایا جارہا ہے، بانی کی تینوں بہنیں 9مئی کو کورکمانڈر ہاؤس میں موجود تھیں، ان کی موجودگی ثابت ہے، بانی کی بہنیں 9مئی کو کور کمانڈر ہاؤس جتھوں کو لے کر گئیں۔
انہوں نے دعویٰ کیا کہ پی ٹی آئی کو معرکہ حق کی کامیابی ہضم نہیں ہورہی، پی ٹی آئی دور میں معیشت ڈوب چکی تھی، معیشت اس وقت مستحکم ہے جو ان کو ہضم نہیں ہورہا، بانی کی بہن نورین خان نیازی نے بھارتی چینل پر انٹرویو دیا، کیا نورین خان نیازی نے بھارتی چینل پر مودی کی مذمت کی؟ یہ بھارتی چینلز پر جاکر ملک کو بدنام کررہے ہیں۔
انٹرن شپ کے بہانے ڈاکٹر کی میڈیکل طالبہ سے کئی ماہ تک زیادتی، ویڈیوز بھی بناتا رہا
انہوں نے کہا کہ بھارتی چینلز کو معلوم ہے پی ٹی آئی کی ذہنیت پاکستان مخالف ہے، آپ انڈین چینل پر جاکرکشمیریوں ،معرکہ حق اوراپنے شہدا کی بات نہیں کرتے ،شرم آنی چاہیے، آپ سزایافتہ مجرم کیلئے جھوٹا پروپیگنڈا کررہے ہیں، بانی جیل میں فائیوسٹار ہوٹل والی سہولیات انجوائے کررہے ہیں ایسی مثال دنیا میں نہیں ملے گی۔
غزہ میں شدید بارشوں سے سیلاب، ہزاروں بے گھر فلسطینی متاثر