اجتماع عام کے شرکا کی سعی کو اللہ تعالیٰ قبول فرمائے‘ رخشندہ منیب
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
251202-08-5
کراچی (اسٹاف رپورٹر) حلقہ خواتین جماعت اسلامی صوبہ سندھ کی ناظمہ رخشندہ منیب نے صوبائی ٹیم اور اضلاع کی ناظمات کے ساتھ ایک اہم آن لائن نشست سے خطاب کرتے ہوئے کہاہے کہ اللہ کی راہ میں اٹھائی گئی ہر مشقت، ہر صبر اور ہر لمحہ اس کے ہاں ضرور مقبول ہوتا ہے۔ اجتماع عام میں شریک تمام افراد کی سعی کو اللہ تعالیٰ قبول فرمائے اور جو مشکلات اور تکالیف آئیں ان کا بہترین اجر عطا کرے۔انہوں نے اضلاع کی ناظمات کو ہدایت کی کہ امیر جماعت اسلامی پاکستان نے جو لائحہ عمل شرکا کو دیا ، اس پر عمل درآمد کرانے کی طرف توجہ رہے اور اجتماع عام کے شرکاکے لیے استقبالیہ پروگرام رکھے جائیں۔رخشندہ منیب نے اعلان کیا کہ مدرسات کی صوبائی ورکشاپ 22 اور 23 دسمبر کو ادارہ نورہ کراچی میں منعقد کی جا رہی ہے۔انہوں نے ناظمات کو تاکید کی کہ مدرسات کی بھرپور تیاری، حاضری اور وقت کی پابندی کو یقینی بنائیں، کیونکہ یہ ورکشاپ آئندہ تعلیمی و تربیتی اہداف میں بنیادی کردار ادا کرے گی۔مزید برآں ناظمہ صوبہ نے کہا کہ ممبرسازی کا دائرہ نئی تحصیلوں اور یونین کونسلز تک پھیلایا جائے۔انہوں نے اس بات پر زور دیا کہ مقامی سطح پر چھوٹے مگر مؤثر پروگرام ترتیب دیے جائیں تاکہ نئے گھرانوں تک دعوت پہنچے اور تنظیمی ڈھانچہ مزید مضبوط ہو۔انہوں نے آخر میں کہا کہ ہماری اصل کامیابی مشکلات سے بچ جانے میں نہیں، بلکہ اللہ کے دین کے لیے استقامت کے ساتھ کھڑے رہنے میں ہے۔
ذریعہ
ذریعہ: Jasarat News
کلیدی لفظ: انہوں نے
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ