انٹرنیشنل اسکواش رینکنگ جاری، تین پاکستانی ٹاپ 100 میں شامل
اشاعت کی تاریخ: 3rd, December 2025 GMT
نئی انٹرنیشنل اسکواش رینکنگ میں تین پاکستانی کھلاڑی بہتری لاکر ٹاپ 100 کھلاڑیوں میں شامل ہو گئے۔
پروفیشنل اسکواش ایسوسی ایشن کی جانب سے جاری کردہ نئی انٹرنیشنل رینکنگ کے 100 بہترین کھلاڑیوں میں تین پاکستانی نور زمان، محمد اصحاب عرفان اور حمزہ خان بھی شامل ہیں۔
عالمی انڈر 23 چیمپئن نور زمان نے متعدد انٹرنیشنل ایونٹس میں اچھی پرفارمنس دکھا کر پانچ درجہ بہتری کے ساتھ عالمی رینکنگ میں 38 ویں پوزیشن حاصل کر لی۔عالمی درجہ بندی میں 37 ویں پوزیشن تک پہنچ جانے والے نور زمان گزشتہ انٹرنیشنل رینکنگ میں43 ویں پوزیشن پر فائز تھے۔سابق عالمی اسکواش چیمپئن قمرزمان کے پوتے نور زمان نے 11 ٹورز میں 248 پوائنٹس جوڑے۔
پاکستان کے اصحاب عرفان ایک درجہ بہتری کے ساتھ عالمی رینکنگ میں47 ویں نمبر پر آگئے۔ اصحاب عرفان نے 14 ایونٹس میں 193 پوائنٹس حاصل کیے۔
سابق عالمی جونیئر چیمپئن20سالہ حمزہ خان نے14 درجات بہتری لاتے ہوئے اپنےکیریئر کی اعلیٰ رینکنگ حاصل کرلی اور عالمی نمبر 86 بن گئے۔ حمزہ خان نے 8 ایونٹس میں 98 پوائنٹس حاصل کر کے اپنی عالمی رینکنگ کو بہتر بنایا۔
.ذریعہ: Express News
پڑھیں:
سعودی عرب میں دسمبر 2025: ملک بھر میں ثقافت، معیشت، سائنس اور کھیلوں کی سرگرمیاں
سعودی عرب دسمبر 2025 کے مہینے میں اہم قومی اور بین الاقوامی نوعیت کی بڑی سرگرمیوں، نمائشوں، فورمز، کانفرنسوں، ثقافتی میلوں اور کھیلوں کے مقابلوں کی میزبانی کر رہا ہے۔
یہ بھی پڑھیں: باہمی روابط مزید مضبوط بنانے کے لیے سعودی عرب میں پاکستانی ثقافت کے 3 روزہ پروگرام کا آغاز
ان سرگرمیوں کا مقصد ملک میں معاشی، ثقافتی اور علمی سرگرمیوں کو فروغ دینا اور مختلف ممالک کے درمیان رابطوں کو مضبوط کرنا ہے۔
پورے مہینے کے دوران ریاض، جدہ، دمام، طائف اور دیگر شہروں میں مختلف نوعیت کے پروگرام منعقد ہوں گے جن میں کئی عالمی ادارے اور ماہرین بھی شریک ہوں گے۔
ان سرگرمیوں میں مشہور اونٹوں کا میلہ، شہروں کی منصوبہ بندی سے متعلق عالمی اجتماع، صنعتی تبدیلیوں سے متعلق فورم، جدید ٹیکنالوجی کے حوالے سے سرگرمیاں، اور تعلیمی و تحقیقی اجلاس شامل ہیں۔
ثقافتی پہلو سے بھی یہ مہینہ خاصے رنگ بکھیرے گا جن میں نمایاں معروف تھیٹر ڈراموں کی پیشکش، ساحلی شہر میں فلمی میلہ، روایتی فنون کے مقابلے، ادب وثقافت سے متعلق میلوں اور بچوں ونوجوانوں کے لیے خصوصی تخلیقی سرگرمیاں ہیں۔
سائنس اور تحقیق کے شعبے میں بھی متعدد سرگرمیاں رکھی گئی ہیں جن میں طبی ہنگامی حالات، پانی کے پائیدار استعمال، سائبر سلامتی، اور جدید شہری منصوبہ بندی سے متعلق عالمی سطح کے مباحثے شامل ہیں۔
کھیلوں کے میدان میں بھی سعودی عرب اس مہینے کئی نمایاں تقریبات کی میزبانی کرے گا، جن میں انڈور کشتی رانی کے مقابلے، گھڑ سواری کے بین الاقوامی مقابلے اور اطالوی سپر کپ جیسے بڑے مقابلے شامل ہیں، جن میں دنیا بھر کے کھلاڑی شرکت کریں گے۔
معاشی اور تجارتی سرگرمیوں میں بھی نمایاں پروگرام شامل ہیں جن کا مقصد سرمایہ کاری، پیداوار، سپلائی چین، تجارتی نمائشوں اور گاہک کے تجربے کو بہتر بنانے جیسے موضوعات پر مستقبل کی راہیں متعین کرنا ہے۔
بڑے تجارتی میلوں میں مقامی مصنوعات کی نمائش اور کاروباری اداروں کی شرکت خصوصی توجہ کا مرکز ہوگی۔
دسمبر کا یہ بھرپور شیڈول نہ صرف سعودی عرب کی عالمی سطح پر بڑھتی ہوئی اہمیت کو ظاہر کرتا ہے بلکہ یہ بھی ثابت کرتا ہے کہ ملک ثقافت، کھیل، معیشت اور سائنس کے میدانوں میں تیزی سے ترقی کی جانب بڑھ رہا ہے اور دنیا بھر کے ماہرین، فنکاروں اور سرمایہ کاروں کو اپنی طرف متوجہ کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب سعودی عرب میں کھیلوں کی سرگرمیاں سعودیہ میں دسمبر کے پروگرام
سونے کی عالمی اور مقامی مارکیٹوں میں قیمت مستحکم، چاندی مہنگی