آئی سی سی ٹی20 آل راؤنڈر رینکنگ میں نمبر ون پاکستانی کرکٹر کون؟
اشاعت کی تاریخ: 3rd, December 2025 GMT
پاکستانی اوپننگ بیٹر صائم ایوب نے سری لنکا اور زمبابوے کے خلاف ہوم ٹرائی سیریز میں شاندار کارکردگی کے بعد آئی سی سی ٹی20 انٹرنیشنل آل راؤنڈر رینکنگ میں ایک بار پھر نمبر ون پوزیشن حاصل کرلی ہے۔
23 سالہ صائم ایوب نے سیریز میں پانچ اننگز میں مجموعی طور پر 118 رنز اسکور کیے، جبکہ ان کا اسٹرائیک ریٹ 114.56 رہا۔ انہوں نے 4 میچوں میں 3 وکٹیں بھی حاصل کیں۔
یہ بھی پڑھیں: آئی سی سی رینکنگز میں بہتری، پاکستانی ٹیم چوتھے نمبر پر آگئی
آخری 2 مقابلوں میں انہوں نے بالترتیب 27 اور 36 رنز بنائے اور دونوں میچز میں ایک، ایک وکٹ بھی لی، جس کی بدولت وہ فیصلہ کن مرحلے میں نمایاں رہے۔
Saim Ayub become the Number 1 All rounder again in ICC T20I Ranking pic.
— Cricket Affairs ???????? (@cricketaffairs3) December 3, 2025
ان بہترین کارکردگیوں کی بنیاد پر صائم ایوب نے زمبابوے کے کپتان سکندر رضا کو پیچھے چھوڑتے ہوئے 295 ریٹنگ پوائنٹس کے ساتھ دوبارہ پہلی پوزیشن حاصل کی۔
سکندر رضا 289 پوائنٹس کے ساتھ دوسرے نمبر پر چلے گئے۔
مزید پڑھیں: آئی سی سی مینز ٹی20 ورلڈ کپ 2026 کے سب سے دلچسپ 5 میچز جن پر فینز کی نظر ہوگی
پاکستان کی جانب سے ایک اور نمایاں کارکردگی محمد نواز کی رہی، جنہوں نے آل راؤنڈ پرفارمنس کے باعث پلیئر آف دی سیریز اور فائنل کے پلیئر آف دی میچ کے اعزازات اپنے نام کیے۔
نواز نے سیریز میں 10 وکٹیں حاصل کیں اور 10.20 کی شاندار اوسط برقرار رکھی۔ بیٹنگ میں انہوں نے 52 رنز اسٹرائیک ریٹ 162.50 کے ساتھ اسکور کیے، جس کے بعد وہ آئی سی سی ٹی20 آئی آل راؤنڈر رینکنگ میں 3 درجے ترقی پا کر چوتھے نمبر پر پہنچ گئے۔
نواز نے بولنگ رینکنگ میں بھی 2 درجے ترقی حاصل کی اور 11ویں پوزیشن پر آگئے، جبکہ ابرار احمد، جنہوں نے 4 میچوں میں 6 وکٹیں حاصل کیں، بولنگ رینکنگ میں 4 درجے اوپر آکر چوتھے نمبر پر پہنچ گئے۔
شاہین آفریدی 18ویں پوزیشن پر برقرار رہے، سفیان مقیم 4 درجے گر کر 32ویں نمبر پر آگئے، جبکہ سلمان مرزا 4 درجے ترقی کے ساتھ 34ویں پوزیشن پر پہنچ گئے۔
مزید پڑھیں:آئی سی سی ون ڈے رینکنگ، پاکستانی کھلاڑی فہرست میں کہاں ہیں؟
صائم ایوب نے بولنگ رینکنگ میں بھی بڑی چھلانگ لگاتے ہوئے 12ویں درجے اوپر آکر 39ویں پوزیشن حاصل کی۔
بیٹنگ رینکنگ میں سیریز کے ٹاپ اسکورر صاحبزادہ فرحان آخری 2 میچوں میں صرف 32 رنز بنانے کے باعث 2 درجے تنزلی کے ساتھ چھٹے نمبر پر چلے گئے۔
انہوں نے 146.92 کے اسٹرائیک ریٹ کے ساتھ 191 رنز بنائے تھے۔
بابر اعظم ایک درجے گر کر 30ویں پوزیشن پر آگئے، جبکہ صائم ایوب 2 درجے ترقی کے ساتھ 35ویں نمبر پر پہنچ گئے۔
مزید پڑھیں: آئی سی سی رینکنگز میں بہتری، پاکستانی ٹیم چوتھے نمبر پر آگئی
پاکستان کے کپتان سلمان علی آغا نے سب سے بڑی جست لگائی اور 11 درجے ترقی کے ساتھ 52ویں پوزیشن پر آگئے۔ دوسری جانب محمد رضوان، جو اس وقت ٹی20 اسکواڈ کا حصہ نہیں ہیں، 8 درجے گر کر 55ویں نمبر پر پہنچ گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ابرار احمد اسٹرائیک ریٹ ٹی20 رینکنگ زمبابوے سکندر رضا صائم ایوب صاحبزادہ فرحان کرکٹ محمد رضوان محمد نواز
ذریعہ
ذریعہ: WE News
کلیدی لفظ: اسٹرائیک ریٹ ٹی20 زمبابوے صائم ایوب کرکٹ محمد رضوان محمد نواز نمبر پر پہنچ گئے چوتھے نمبر پر اسٹرائیک ریٹ صائم ایوب نے پوزیشن پر انہوں نے کے ساتھ حاصل کی
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا