آئی سی سی ٹی20 آل راؤنڈر رینکنگ میں نمبر ون پاکستانی کرکٹر کون؟
اشاعت کی تاریخ: 3rd, December 2025 GMT
پاکستانی اوپننگ بیٹر صائم ایوب نے سری لنکا اور زمبابوے کے خلاف ہوم ٹرائی سیریز میں شاندار کارکردگی کے بعد آئی سی سی ٹی20 انٹرنیشنل آل راؤنڈر رینکنگ میں ایک بار پھر نمبر ون پوزیشن حاصل کرلی ہے۔
23 سالہ صائم ایوب نے سیریز میں پانچ اننگز میں مجموعی طور پر 118 رنز اسکور کیے، جبکہ ان کا اسٹرائیک ریٹ 114.56 رہا۔ انہوں نے 4 میچوں میں 3 وکٹیں بھی حاصل کیں۔
یہ بھی پڑھیں: آئی سی سی رینکنگز میں بہتری، پاکستانی ٹیم چوتھے نمبر پر آگئی
آخری 2 مقابلوں میں انہوں نے بالترتیب 27 اور 36 رنز بنائے اور دونوں میچز میں ایک، ایک وکٹ بھی لی، جس کی بدولت وہ فیصلہ کن مرحلے میں نمایاں رہے۔
Saim Ayub become the Number 1 All rounder again in ICC T20I Ranking pic.
— Cricket Affairs ???????? (@cricketaffairs3) December 3, 2025
ان بہترین کارکردگیوں کی بنیاد پر صائم ایوب نے زمبابوے کے کپتان سکندر رضا کو پیچھے چھوڑتے ہوئے 295 ریٹنگ پوائنٹس کے ساتھ دوبارہ پہلی پوزیشن حاصل کی۔
سکندر رضا 289 پوائنٹس کے ساتھ دوسرے نمبر پر چلے گئے۔
مزید پڑھیں: آئی سی سی مینز ٹی20 ورلڈ کپ 2026 کے سب سے دلچسپ 5 میچز جن پر فینز کی نظر ہوگی
پاکستان کی جانب سے ایک اور نمایاں کارکردگی محمد نواز کی رہی، جنہوں نے آل راؤنڈ پرفارمنس کے باعث پلیئر آف دی سیریز اور فائنل کے پلیئر آف دی میچ کے اعزازات اپنے نام کیے۔
نواز نے سیریز میں 10 وکٹیں حاصل کیں اور 10.20 کی شاندار اوسط برقرار رکھی۔ بیٹنگ میں انہوں نے 52 رنز اسٹرائیک ریٹ 162.50 کے ساتھ اسکور کیے، جس کے بعد وہ آئی سی سی ٹی20 آئی آل راؤنڈر رینکنگ میں 3 درجے ترقی پا کر چوتھے نمبر پر پہنچ گئے۔
نواز نے بولنگ رینکنگ میں بھی 2 درجے ترقی حاصل کی اور 11ویں پوزیشن پر آگئے، جبکہ ابرار احمد، جنہوں نے 4 میچوں میں 6 وکٹیں حاصل کیں، بولنگ رینکنگ میں 4 درجے اوپر آکر چوتھے نمبر پر پہنچ گئے۔
شاہین آفریدی 18ویں پوزیشن پر برقرار رہے، سفیان مقیم 4 درجے گر کر 32ویں نمبر پر آگئے، جبکہ سلمان مرزا 4 درجے ترقی کے ساتھ 34ویں پوزیشن پر پہنچ گئے۔
مزید پڑھیں:آئی سی سی ون ڈے رینکنگ، پاکستانی کھلاڑی فہرست میں کہاں ہیں؟
صائم ایوب نے بولنگ رینکنگ میں بھی بڑی چھلانگ لگاتے ہوئے 12ویں درجے اوپر آکر 39ویں پوزیشن حاصل کی۔
بیٹنگ رینکنگ میں سیریز کے ٹاپ اسکورر صاحبزادہ فرحان آخری 2 میچوں میں صرف 32 رنز بنانے کے باعث 2 درجے تنزلی کے ساتھ چھٹے نمبر پر چلے گئے۔
انہوں نے 146.92 کے اسٹرائیک ریٹ کے ساتھ 191 رنز بنائے تھے۔
بابر اعظم ایک درجے گر کر 30ویں پوزیشن پر آگئے، جبکہ صائم ایوب 2 درجے ترقی کے ساتھ 35ویں نمبر پر پہنچ گئے۔
مزید پڑھیں: آئی سی سی رینکنگز میں بہتری، پاکستانی ٹیم چوتھے نمبر پر آگئی
پاکستان کے کپتان سلمان علی آغا نے سب سے بڑی جست لگائی اور 11 درجے ترقی کے ساتھ 52ویں پوزیشن پر آگئے۔ دوسری جانب محمد رضوان، جو اس وقت ٹی20 اسکواڈ کا حصہ نہیں ہیں، 8 درجے گر کر 55ویں نمبر پر پہنچ گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ابرار احمد اسٹرائیک ریٹ ٹی20 رینکنگ زمبابوے سکندر رضا صائم ایوب صاحبزادہ فرحان کرکٹ محمد رضوان محمد نوازذریعہ: WE News
کلیدی لفظ: اسٹرائیک ریٹ ٹی20 زمبابوے صائم ایوب کرکٹ محمد رضوان محمد نواز نمبر پر پہنچ گئے چوتھے نمبر پر اسٹرائیک ریٹ صائم ایوب نے پوزیشن پر انہوں نے کے ساتھ حاصل کی
پڑھیں:
انگلش آل راؤنڈر معین علی کا پی ایس ایل میں شمولیت کا فیصلہ
انگلش آل راؤنڈر معین علی ایچ بی ایل پی ایس ایل کھیلنے کا فیصلہ کر لیا۔
انگلش آل راؤنڈر معین علی نے اپنی انسٹاگرام پوسٹ میں کہا کہ یہ نئی شروعات کا وقت ہے۔ وہ ایچ بی ایل پی ایس ایل کے نئے دور میں شامل ہونے پر بہت زیادہ پرجوش ہیں۔
View this post on InstagramA post shared by Moeen Ali (@moeenmunirali)
انہوں نے کہا کہ پی ایس ایل اپنے بہترین معیار اور ورلڈ کلاس ٹیلنٹ کی وجہ سے ٹی ٹوئنٹی میں ایک نمایاں مقام رکھتی ہے۔ میں ایک نئے اور خاص تجربے کے لیے تیار ہوں انشاء اللہ ۔
معین علی کا کہنا تھا کہ پاکستان میں کھیلنا ہمیشہ اچھا رہا ہے یہاں اعلی معیار کی کرکٹ اور شائقین کا غیرمعمولی جوش وجذبہ قابل دید ہے۔
حریت کانفرنس آزاد کشمیر شاخ کے وفد کی وزیراعظم آزاد کشمیر سے ملاقات