بچے کے مین ہول میں گرنے کا واقعہ، بی آر ٹی کا موقف آگیا
اشاعت کی تاریخ: 3rd, December 2025 GMT
گٹر میں گر کر جاں بحق ہونے والے 3 سالہ بچے ابراہیم کی یادگار تصویر—فائل فوٹو
نیپا چورنگی کے قریب گٹر میں گر کر بچے کی ہلاکت کے معاملے میں بی آر ٹی ریڈ لائن انتظامیہ نے موقف جاری کردیا۔
اعلامیے میں کہا گیا کہ واقعے کی جگہ بی آر ٹی ریڈ لائن کے تعمیراتی کاموں سے خاصے فاصلے پر ہے، واقعے کے مقام یا آس پاس بی آر ٹی ریڈ لائن کی کوئی کھدائی یا تعمیراتی سرگرمی نہیں ہے۔
سینئر ڈائریکٹر میونسل سروسز عمران راجپوت کا کہنا ہے کہ میئر کراچی کے حکم پر میونسپل سروسز نے بچے کی تلاش کا آپریشن شروع کیا۔
اعلامیے میں مزید کہا گیا کہ بی آر ٹی منصوبے کی اس سیوریج یا نالے کے بنیادی ڈھانچے کی مرمت کی کوئی ذمے داری نہیں ہے۔
اعلامیے کے مطابق بی آر ٹی حادثے کے مقام یا اس کے قریب کسی قسم کا سول ورکس بھی انجام نہیں دے رہی، بی آر ٹی کے تمام جاری کام متعلقہ اداروں سے این او سی حاصل کرنے کے بعد شروع کیے گئے ہیں۔
بی آر ٹی کے اعلامیے میں یہ بھی کہا گیا کہ جو کھدائی کی گئی تھی اور بعد میں بند کی گئی وہ واقعے کی جگہ سے تقریباً 300 میٹر دور ہے۔
.
ذریعہ
ذریعہ: Jang News
کلیدی لفظ: بی آر ٹی
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ