کراچی میں پہلی بار ایمبولینس کے لیے خصوصی لین فعال—ہنگامی راستوں کی فراہمی میں اہم پیش رفت
اشاعت کی تاریخ: 27th, November 2025 GMT
شہرِ قائد کی تاریخ میں پہلی مرتبہ ایمبولینسوں کے لیے باقاعدہ خصوصی لین قائم کر دی گئی ہے، جو کہ کراچی جیسے مصروف ترین شہر میں ہنگامی صورتحال میں جان بچانے کے عمل کو تیز بنانے کی ایک اہم کوشش ہے۔
خصوصی ایمبولینس لین صدر کے مصروف تجارتی علاقے مینسفیلڈ اسٹریٹ پر بنائی گئی ہے۔ ڈپٹی کمشنر جنوبی جاوید نبی کھوسو کے مطابق یہ اقدام اس وقت ممکن ہوا جب علاقے میں تجاوزات کے خلاف آپریشن مکمل کیا گیا، جس کے بعد سڑک کھل گئی اور پہلی بار ایمبولینسوں کے لیے ایک علیحدہ راستہ مختص کیا جاسکا۔
انہوں نے کہا کہ شہریوں کی جانوں کا تحفظ اور ہنگامی گاڑیوں کی بلا رکاوٹ آمد ورفت ان کی اولین ترجیح ہے۔ ڈی سی جنوبی کا کہنا ہے کہ ضلع کی دیگر اہم سڑکوں پر بھی ایسی خصوصی لینز جلد فعال کی جائیں گی تاکہ ایمرجنسی سروسز مزید مؤثر ہوسکیں۔
ذریعہ: Daily Mumtaz
پڑھیں:
مضبوط، مستحکم اور فعال جمہوریت کیلئے عوام کی بھرپور شرکت ناگزیر:ایاز صادق
اسلام آباد(نمائندہ خصوصی) سپیکر قومی اسمبلی سردار ایاز صادق نے کہا ہے کہ ووٹ ایک مقدس امانت اور قومی فریضہ ہے جس کے ذریعے عوام نہ صرف اپنی رائے کا اظہار کرتے ہیں بلکہ ملک کی سمت اور مستقبل کا تعین بھی کرتے ہیں۔ انہوں نے کہا کہ جمہوریت کی بنیاد عوام کی رائے پر ہے اور عوام اپنے حقِ رائے دہی کے ذریعے اپنے نمائندوں کو اعتماد کا ووٹ دے کر ایوانوں تک پہنچاتی ہے۔ ان خیالات کا اظہار انہوں نے قومی ووٹر ڈے کے موقع پر خصوصی پیغام میں کیا، ڈپٹی سپیکر قومی اسمبلی سید غلام مصطفیٰ نے کہا کہ ووٹ ڈالنا ہر شہری کا آئینی حق اور جمہوریت کو مستحکم بنانے کا موثر ذریعہ ہے۔ انہوں نے کہا کہ 18 سال سے زائد عمر کے ہر شہری کو چاہیے کہ وہ ووٹ کے ذریعے ملکی تعمیر و ترقی میں اپنا بھرپور کردار ادا کرے۔
تحریک انصاف کی سیاسی اور ٹیکنوکریٹ قیادت کے اختلافات شدت اختیار کرگئے