زرعی یونیورسٹی میں جنسی ہراسانی کا اسکینڈل، پروفیسر کی نازیبا حرکات کی ویڈیو وائرل
اشاعت کی تاریخ: 27th, November 2025 GMT
زرعی یونیورسٹی فیصل آباد کے بورے والا کیمپس میں جنسی ہراسانی کا سنگین واقعہ سامنے آیا ہے، جہاں ایک پروفیسر کی جانب سے طالبہ کو نازیبا اشارے اور غیر مناسب گفتگو کی ویڈیو سوشل میڈیا پر وائرل ہوگئی، جس نے طلبہ اور والدین میں شدید تشویش پیدا کردی۔
رپورٹس کے مطابق متاثرہ طالبہ نے 31 اکتوبر کو یونیورسٹی انتظامیہ کو باقاعدہ تحریری درخواست دی تھی، جس کے بعد فوری کارروائی کرتے ہوئے مبینہ طور پر ملوث پروفیسر یحییٰ کو معطل کر دیا گیا اور ان کا یونیورسٹی میں داخلہ بھی بند کر دیا گیا ہے۔
پرنسپل کے مطابق واقعے کی تحقیقات حراسانی کمیٹی کے سپرد کر دی گئی ہیں اور کیس کی مکمل انکوائری وائس چانسلر کے پاس جاری ہے۔ انتظامیہ کا کہنا ہے کہ حتمی رپورٹ ابھی سامنے نہیں آئی، تاہم شواہد کا جائزہ لیا جا رہا ہے۔
واضح رہے کہ وائرل ویڈیو میں پروفیسر کو طالبہ کے ساتھ نازیبا گفتگو کرتے ہوئے سنا جا سکتا ہے، جس میں وہ مبینہ طور پر کہہ رہے ہیں: “پیپرز میں 2 نمبر اضافی لگانے پر مجھے کیا دو گی؟” — یہ کلپ سامنے آتے ہی مختلف پلیٹ فارمز پر شدید ردعمل سامنے آیا۔
یونیورسٹی انتظامیہ نے یقین دہانی کرائی ہے کہ واقعے کی غیر جانب دارانہ تحقیقات کی جائیں گی اور ثابت ہونے پر سخت کارروائی عمل میں لائی جائے گی۔
ذریعہ
ذریعہ: Daily Mumtaz
پڑھیں:
طلاق کی افواہیں بے بنیاد؟ شہزادی بیٹریس کی شوہر کے ہمراہ نئی خوشگوار تصویر وائرل
یونان سے سامنے آنے والی نئی تصویر کے بعد قیاس آرائیوں کی شدت میں کمی دیکھی جا رہی ہے۔
آرٹ کیوریٹر الیکی لیمپروپولوس کی جانب سے سوشل میڈیا پر شیئر کی جانے والی تصویر میں شہزادی بیٹریس اور ان کے شوہر ایڈوارڈو میپیلی موزی کو یونان کے دارالحکومت ایتھنز میں دیکھا جا سکتا ہے۔
شہزادی بیٹریس اور ایڈوارڈو میپیلی موزی کی پہلی ملاقات 2018 میں ہوئی تھی۔ دونوں نے ستمبر 2019 میں منگنی کی اور مئی 2020 میں شادی کے بندھن میں بندھ گئے۔
شادی کے بعد شہزادی بیٹریس، ایڈوارڈو کے پہلے بیٹے کرسٹوفر وولف کی سوتیلی والدہ بھی بنیں۔ بعد ازاں ستمبر 2021 میں ان کے ہاں بیٹی سینا الزبتھ میپیلی موزی کی پیدائش ہوئی، جبکہ جنوری 2025 میں دوسری بیٹی ایتھینا الزبتھ روز میپیلی موزی نے جنم لیا۔
واضح رہے کہ رواں سال کے آغاز میں ذرائع نے دعویٰ کیا تھا کہ ایڈوارڈو اپنے سسرالی معاملات کے ممکنہ اثرات کے باعث اپنی کاروباری سرگرمیوں کے حوالے سے پریشان ہیں، جس سے ان کی ازدواجی زندگی سے متعلق قیاس آرائیوں نے جنم لیا۔
بعد ازاں اپریل 2026 میں ایڈوارڈو کے والد الیساندرو میپیلی موزی نے بھی اس معاملے پر تبصرہ کرنے سے گریز کرتے ہوئے کہا تھا کہ اس بارے میں ان کے بیٹے سے ہی بات کی جائے۔
اس کے علاوہ رواں سال دونوں کی جانب سے شادی کی سالگرہ پر روایتی سوشل میڈیا پوسٹس نہ کرنے کے باعث بھی ان کی علیحدگی سے متعلق افواہیں زور پکڑ گئی تھیں۔
بھارت سے جنگ اور افغانستان میں کارروائی خارج ازامکان نہیں، وزیردفاع