13 کروڑ آبادی ستھرا پنجاب سے مستفید ہو رہی ہے جو معجزے سے کم نہیں، مریم اورنگزیب
اشاعت کی تاریخ: 3rd, December 2025 GMT
ویب ڈیسک : سینئر وزیر پنجاب مریم اورنگزیب نے کہا ہے کہ 13 کروڑ آبادی ستھرا پنجاب منصوبے سے مستفید ہو رہی ہے جو کسی معجزے سے کم نہیں۔
سینئر صوبائی وزیر مریم اورنگزیب نے وزیراعلیٰ مریم نواز کے اقدامات کو عوام کیلئے ایک تاریخی خدمت قرار دیا، لاہور میں پریس کانفرنس کرتے ہوئے مریم اورنگزیب نے کہا کہ ستھرا پنجاب منصوبہ صوبے کا سب سے بڑا صفائی منصوبہ ہے، جو 13 کروڑ افراد کو فائدہ پہنچا رہا ہے۔
صدر مملکت ، وزیر اعظم اور وفاقی وزیر داخلہ کا 7 خوارج ہلاک کرنے پر سیکورٹی فورسز کو خراج تحسین
انہوں نے کہا کہ ماضی میں صرف چھ شہروں میں صفائی کا نظام موجود تھا اور دیہی علاقوں میں کوئی سالڈ ویسٹ مینجمنٹ نظام نہیں تھالیکن ستھرا پنجاب منصوبہ کے تحت پورے صوبے میں صفائی کا نظام متعارف کرایا جا رہا ہے، جس کا پہلا فیز مکمل ہو چکا ہے اور دوسرے فیز پر کام جاری ہے۔
مریم اورنگزیب نے ٹریفک قوانین پر بھی بات کی اور لاہور میں موٹرسائیکل سواروں کے ہیلمٹ پہننے کی طرف پیش رفت کو سراہا، انہوں نے کہا کہ آپ کی ایک غلطی کسی کی جان لے سکتی ہے اور اب قانونی انفورسمنٹ کی جائے گی تاکہ شہریوں کی حفاظت کو یقینی بنایا جا سکے، کم عمر ڈرائیورز کی وجہ سے ہونے والے حادثات پر انہوں نے شدید تشویش کا اظہار کیا اور کہا کہ ٹریفک قوانین کے نفاذ سے حادثات کی شرح میں کمی آئے گی۔
شمالی وزیرستان میں سیکیورٹی فورسز کی دو کاروائیاں، 7 خوارج ہلاک
مریم اورنگزیب نے کہا کہ حکومت نے ٹریفک قوانین کے نفاذ اور منشیات کے خلاف کریک ڈاؤن کیلئے جو اقدامات کئے ہیں وہ عوام کے فائدے کیلئے ہیں، انہوں نے کہا کہ ٹریفک قانون واپس لینے سے ہمارا نقصان نہیں بلکہ عوام کا ہے۔
منشیات کے خلاف کریک ڈاؤن پر بات کرتے ہوئے مریم اورنگزیب نے کہا کہ وزیراعلیٰ مریم نواز نے اینٹی نارکوٹکس فورس قائم کی تھی اور اس کے بعد سے 13 ٹن سے زائد منشیات ضبط کی جا چکی ہیں، منشیات کی فراہمی تعلیمی اداروں میں بھی کی جا رہی تھی اور اب سمگلرز کے خلاف سخت کارروائیاں کی جا رہی ہیں، اس کے علاوہ ری ہیبلی ٹیشن سینٹرز بنانے کے احکامات بھی جاری کر دیئے گئے ہیں تاکہ نشے کے عادی افراد کو منشیات کے استعمال سے روکا جا سکے۔
سول جج سید جہانزیب بخاری نےاستعفی دے دیا
مریم اورنگزیب نے اس بات کا بھی ذکر کیا کہ حکومت نے 4 لاکھ چالان اور 34 ہزار گاڑیاں بند کی ہیں تاکہ ٹریفک قوانین کی خلاف ورزیوں کو روکا جا سکے، حکومت نے اپنی ذمہ داری پوری کر دی ہے، لیکن عوام کو بھی قوانین پر عمل کرنا ہو گا تاکہ معاشرتی بہتری حاصل کی جا سکے۔
.
ذریعہ
ذریعہ: City 42
کلیدی لفظ: مریم اورنگزیب نے کہا ٹریفک قوانین ستھرا پنجاب نے کہا کہ جا سکے
پڑھیں:
وفاقی بجٹ 2026-27 میں شعبۂ تعلیم کے نئے ترقیاتی منصوبے بڑی حد تک نظرانداز
وفاقی بجٹ 2026-27 میں شعبۂ تعلیم کے نئے ترقیاتی منصوبے بڑی حد تک نظرانداز ہونے کا خدشہ ہے جب کہ ہائر ایجوکیشن کمیشن اور وفاقی وزارتِ تعلیم و پیشہ ورانہ تربیت کے صرف 5 نئے ترقیاتی منصوبے سرکاری شعبہ ترقیاتی پروگرام میں شامل ہیں۔
ذرائع نے کہا کہ آئندہ مالی سال کے دوران تعلیم کے شعبے کے لیے مجموعی طور پر 77 ارب روپے کے ترقیاتی فنڈز مختص کرنے کی تجویز ہے، ہائر ایجوکیشن کمیشن کے لیے 41 ارب 19 کروڑ روپے مختص کرنے کی تجویز ہے، یہ رواں مالی سال کے مقابلے میں صرف ایک ارب 71 کروڑ روپے زیادہ ہیں۔
ذرائع نے کہنا تھا کہ دوسری جانب وفاقی وزارتِ تعلیم و پیشہ ورانہ تربیت کو ترقیاتی منصوبوں کے لیے 36 ارب روپے ملنے کی تجویز دی گئی ہے، وفاقی وزارتِ تعلیم کے تحت آزاد کشمیر، گلگت بلتستان، چترال اور سندھ میں دانش اسکولوں کے لیے آئندہ مالی سال میں 4 ارب 60 کروڑ روپے مختص کرنے کی تجویز ہے۔
ذرائع کے مطابق وزیراعظم یوتھ اسکل ڈویلپمنٹ پروگرام کے لیے 3 ارب 29 کروڑ روپے جبکہ پاکستان ایجوکیشن اینڈومنٹ فنڈ کے لیے 3 ارب روپے رکھنے کی تجویز ہے، اسکل ڈویلپمنٹ پروگرام کے لیے 2 ارب 61 کروڑ روپے بھی سرکاری شعبہ ترقیاتی پروگرام کا حصہ ہوں گے۔
ہائر ایجوکیشن کمیشن کے 3 نئے منصوبوں کے لیے صرف 30 کروڑ روپے بطور ٹوکن رقم مختص کرنے کی تجویز ہے،41 ارب روپے سے زائد رقم کمیشن کے 135 جاری منصوبوں پر خرچ کی جائے گی، وفاقی وزارتِ تعلیم کے 2 نئے منصوبوں میں ڈیجیٹل لرننگ اور رول آؤٹ آف میٹرک ٹیک منصوبے بھی شامل ہیں، ان منصوبوں کے لیے 60، 60 کروڑ روپے مختص کرنے کی تجویز دی گئی ہے۔
ذرائع نے کہا کہ وزارتِ تعلیم اپنے 31 جاری ترقیاتی منصوبوں پر 34 ارب 80 کروڑ روپے خرچ کرے گی، مجموعی طور پر تعلیم کے شعبے میں نئے منصوبوں کے مقابلے میں جاری منصوبوں کو زیادہ ترجیح دی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ