اسلام آباد میں لگاتار دوسرے دن حادثہ، ایک اور ویگو ڈالہ موٹرسائیکل سواروں پرچڑھ گیا
اشاعت کی تاریخ: 3rd, December 2025 GMT
اسلام آباد کے سرینا چوک میں ویگو ڈالے نے موٹرسائیکل سوار کو ٹکر مار دی جس کے نتیجے میں 2 افراد زخمی ہو گئے جنہیں زخمی حالت میں اسپتال منتقل کر دیا گیا۔
تلاشی کے دوران گاڑی اسلحہ بھی برآمد کیا گیا ہے جس کا لائسنس ڈرائیور کے پاس نہیں تھا۔ دعویٰ کیا جا رہا ہے کہ گاڑی چلانے والا شخص مبینہ طور پر مسلم لیگ ن کے ایک سینیٹر کا ڈرائیور ہے۔
اسلام آباد کے سرینا چوک میں ویگو ڈالے کی موٹرسائیکل کو ٹکر، 2 افراد زخمی، گاڑی سے اسلحہ بھی نکلا، جس کا ڈرائیور لائسنس پیش نہ کر سکا، بتایا جا رہا ہے ڈرائیور مسلم لیگ ن کے ایک سینیٹر کا ہے۔۔!! pic.
— Khurram Iqbal (@khurram143) December 3, 2025
صارفین اس واقعہ پر شدید ردعمل دیتے نظر آئے۔ رانا عمران نے لکھا کہ یہ ملک صرف اشرافیہ کا ہے۔
یہ ملک صرف اشرافیہ کا ہے https://t.co/25JlaEMw3j
— Rana Imran (@r_imran786) December 3, 2025
ایک صارف نے کہا کہ پاکستان سے باہر مزدوری کے لیے جانے والوں کے پاس ڈرائیونگ لائسنس ہونا ضروری ہے لیکن پاکستان کی سڑکوں پر گاڑی چلانے کے لیے ضروری نہیں۔ اگر آپ طاقتور ہیں، پیسے والے ہیں یا آپ کے تعلقات ہیں تو بے فکر ہو کر دوسروں پر گاڑی چڑھا دیں۔
پاکستان سے باہر مزدوری کے لیے جانے والوں کے پاس ڈرائیونگ لائسنس ہونا ضروری ہے لیکن پاکستان کی سڑکوں پر گاڑی چلانے کے لیے ضروری نہیں۔
اگر آپ کوئی طاقتور چیز ہیں، پیسے والے ہیں یا اوپر تعلقات ہیں تو بے فکر ہو کر کیڑوں مکوڑوں پر گاڑی چڑھا دیں۔ https://t.co/fJn0qzoTw9
— Mithu مِٹھو (@90_mithu) December 3, 2025
پری زاد نامی صارف نے کہا کہ آپ گٹر میں گر جائیں یا نشے میں دھت رئیس زادے گاڑیوں تلے کچل دیں اس ملک میں کوئی پوچھنے والا نہیں ہے؟
لاوارث ہیں پاکستانی؟
گٹر میں گر جائیں، نشے میں دھت رئیس زادے انہیں گاڑیوں تلے کچل دیں کوئی پوچھنے والا نہیں؟ https://t.co/OT4EvGD73A
— پری زاد (@Parizaad_reborn) December 3, 2025
واضح رہے کہ گزشتہ شب اسلام آباد کے علاقے تھانہ سیکرٹریٹ کی حدود میں گزشتہ شب ایک دل دہلا دینے والا حادثہ پیش آیا، جس میں اسلام آباد ہائی کورٹ کے جسٹس محمد آصف کے کم عمر بیٹے ابوذر کی مبینہ طور پر اوور اسپِیڈ لینڈ کروزر V8 چلانے سے 2 لڑکیاں جاں بحق ہو گئیں۔
پولیس کے مطابق ملزم نے ابتدائی تفتیش میں بتایا کہ حادثے سے چند لمحے قبل وہ سنیپ چیٹ پر ویڈیو بنا رہا تھا، تاہم حادثے کے بعد اس نے اپنا موبائل فون پھینک دیا۔ پولیس نے کہا ہے کہ موبائل فون کو تلاش کر کے مبینہ ویڈیو کو چیک کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سرینہ چوک گاڑی کی موٹر سائیکل کو ٹکر ویڈیو وائرل ویگو ڈالا
ذریعہ
ذریعہ: WE News
کلیدی لفظ: سرینہ چوک گاڑی کی موٹر سائیکل کو ٹکر ویڈیو وائرل اسلام آباد پر گاڑی کے لیے
پڑھیں:
بی ایم ڈبلیو سے 5 لاکھ جرمانہ وصولی، ڈی ایچ اے ویجیلینس سے جواب طلب
کراچی:ایڈیشنل سیشن جج جنوبی نے بی ایم ڈبلیو تحویل میں لے کر پانچ لاکھ روپے جرمانہ وصولی پر ڈی ایچ اے ویجلنس، ایس ایس پی جنوبی اور ایس ایچ او ساحل کو نوٹس جاری کرتے ہوئے آئندہ سماعت پر جواب طلب کرلیا۔
ایکسپریس نیوز کے مطابق درخواست گزار نے ڈی ایچ اے ویجلنس پر گاڑی غیر قانونی طور پر قبضے میں لینے کا الزام عائد کیا ہے۔
درخواست گزار ارسلان خواجہ نے موقف اختیار کیا ہے کہ ڈی ایچ اے ویجلنس اہلکاروں نے اختیارات سے تجاوز کیا، بغیر شواہد درخواست گزار پر ڈرفٹنگ اور ڈونٹس کا الزام لگایا گیا، 25 سے 30 اہلکاروں نے گاڑی کو گھیر کر تحویل میں لیا، بی ایم ڈبلیو گاڑی ضبط کرکے ڈی ایچ اے ویجلنس دفتر منتقل کی گئی اور 5 لاکھ روپے جرمانہ عائد کیا۔
درخواست گزار نے وکیل کے توسط سے کہا کہ گاڑی کی رہائی کے لیے 5 لاکھ روپے طلب کیے گئے، ڈی ایچ اے ویجلنس کو گاڑیاں ضبط کرنے کا اختیار حاصل نہیں، شہریوں کو روکنے اور جرمانہ عائد کرنے کا اختیار صرف پولیس کے پاس ہے، ڈی ایچ اے ویجلنس پولیس فورس نہیں، ویجلنس حکام کے اقدامات اختیارات کے ناجائز استعمال کے مترادف ہیں، درخواست میں بھتہ خوری، غیر قانونی حراست اور دھمکیوں کے الزامات عائد کیے گئے ہیں۔
درخواست پر عدالت نے فریقین کو نوٹس جاری کرتے ہوئے 5 جون کو جواب طلب کرلیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ