قومی کرکٹرز کو بگ بیش سمیت دیگر لیگز چھوڑنے کا حکم
اشاعت کی تاریخ: 3rd, December 2025 GMT
سری لنکا اور آسٹریلیا کے خلاف شیڈول ٹی20 سیریز کے پیشِ نظر پاکستان کرکٹ بورڈ (پی سی بی) نے قومی کھلاڑیوں کو ہدایت کی ہے کہ وہ بگ بیش لیگ سمیت تمام غیر ملکی لیگز چھوڑ کر نیشنل ڈیوٹی کے لیے وطن واپس آئیں۔
پی سی بی کا پیغام برائے این او سی ہولڈرزذرائع کے مطابق پی سی بی نے ان تمام کرکٹرز کو جو این او سی کے تحت مختلف لیگز میں مصروف ہیں آگاہ کر دیا ہے کہ قومی اسکواڈ میں منتخب ہونے کی صورت میں انہیں فوری طور پر لیگ چھوڑ کر رپورٹ کرنا ہوگا۔
سیریز میں شمولیت کی صورت میں لیگز سے علیحدگی لازمذرائع کا کہنا ہے کہ جس کھلاڑی کا نام سری لنکا اور آسٹریلیا کے خلاف ٹی20 سیریز میں شامل اسکواڈ میں آئے گا اسے اپنی موجودہ لیگ چھوڑنے کی پابندی ہوگی۔
این او سی کی مدت اور مستفید کھلاڑیبگ بیش لیگ (بی بی ایل) کے لیے پاکستانی کرکٹرز کو 14 دسمبر سے 28 جنوری تک این او سی جاری کیے گئے ہیں۔
پی سی بی کی جانب سے بابر اعظم، محمد رضوان، شاہین آفریدی، حارث رؤف، شاداب خان اور حسن علی کو بی بی ایل کے لیے این او سی جاری کیا گیا ہے۔
دوسری جانب فخر زمان، نسیم شاہ اور حسن نواز کو آئی ایل ٹی 20 کے لیے 4 جنوری تک این او سی دیے گئے ہیں۔
پاکستان ٹیم کا مصروف شیڈولپاکستان ٹیم کو سری لنکا کے خلاف 7، 9 اور 11 جنوری کو تین میچوں پر مشتمل ٹی20 سیریز کھیلنی ہے جب کہ جنوری کے آخر میں آسٹریلیا بھی پاکستان کے دورے پر آئے گا جہاں دونوں ٹیموں کے درمیان ٹی20 سیریز شیڈول ہے۔
مسلسل سفر کا چیلنجسیریز کے لیے منتخب کھلاڑی پہلے آسٹریلیا سے سری لنکا جائیں گے۔ بعد ازاں ہوم سیریز کے لیے وطن واپسی کریں گے جس کے باعث پاکستانی کرکٹرز کو مسلسل سفر کے دباؤ کا سامنا کرنا پڑ سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بگ بیش پی سی بی قومی کھلاڑی اور بگ بیش.ذریعہ: WE News
کلیدی لفظ: پی سی بی قومی کھلاڑی اور بگ بیش ٹی20 سیریز کرکٹرز کو سری لنکا پی سی بی کے لیے
پڑھیں:
بنگلادیش پریمئیر لیگ، پاکستان کے کتنے کرکٹرز ایکشن میں ہوں گے؟
بنگلادیش پریمئیر لیگ میں پاکستان کے 11 کرکٹرز ایکشن میں ہوں گے، بیشتر کرکٹرز کو بی پی ایل کی نیلامی کے دوران فرنچائزز نے لیا جبکہ کچھ سے معاہدے کیے گئے۔
خواجہ نافع اور صفیان مقیم رنگپور رائیڈرز، صاحبزادہ فرحان، محمد نواز اور جہانداد خان راج شاہی وارئیرز کی ٹیم کا حصہ بن گئے ہیں۔
احسان اللّٰہ اور حیدر علی نوکخالی ایکسپریس، عثمان خان ڈھاکا کیپٹلز اور ابرار احمد چٹاگانگ رائلز کی ٹیم میں شامل ہیں۔
بنگلادیش پریمپئیر لیگ کی ٹیم سلہٹ ٹائٹنز میں صائم ایوب اور محمد عامر شامل ہیں۔ بنگلادیش پریمئیر لیگ کے 26 دسمبر سے شروع ہونے کا امکان ہے۔
تھائی لینڈ میں بارش کا 300 سالہ ریکارڈ ٹوٹ گیا، 33 ہلاک