چیئرمین سی ڈی اے محمد علی رندھاوا کی زیر صدارت غیر قانونی طور پر مقیم غیر ملکی افراد کیخلاف کارروائی کیلئے خصوصی ٹاسک فورس کا اجلاس
اشاعت کی تاریخ: 3rd, December 2025 GMT
چیئرمین سی ڈی اے محمد علی رندھاوا کی زیر صدارت غیر قانونی طور پر مقیم غیر ملکی افراد کیخلاف کارروائی کیلئے خصوصی ٹاسک فورس کا اجلاس WhatsAppFacebookTwitter 0 3 December, 2025 سب نیوز
اسلام آباد(سب نیوز)چیف کمشنر اسلام آباد و چیئرمین کیپیٹل ڈویلپمنٹ اتھارٹی (سی ڈی اے)محمد علی رندھاوا کی زیر صدارت بدھ کے روز سی ڈی اے ہیڈکوارٹرز میں غیر قانونی طور پر مقیم غیر ملکی افراد کے خلاف کارروائی کیلئے خصوصی ٹاسک فورس کا اجلاس منعقد ہوا۔ جسمیں انسپکٹر جنرل اسلام آباد پولیس سید علی ناصر رضوی، ڈپٹی کمشنر اسلام آباد عرفان نواز میمن سمیت مختلف اضلاع راولپنڈی، اٹک، ہری پور اور مری کی ضلعی انتظامیہ و پولیس بزریعہ زوم لنک اور وزارت داخلہ، نادرا، پی ٹی اے اور دیگر متعلقہ افسران نے شرکت کی۔ اجلاس میں ابتک کی پیشرفت کا تفصیلی جائزہ اور مستقبل کی حکمت عملی پر تبادلہ خیال کیا گیا۔متعلقہ افسران نے چیف کمشنر اسلام آباد و چیئرمین سی ڈی اے کو اس سلسلہ میں ہونے والی پیشرفت پر بریفنگ دیتے ہوئے بتایا کہ مختلف اضلاع سے غیر قانونی طور پر مقیم غیر ملکی افراد کو واپس بھیجنے کا سلسلہ تیزی سے جاری ہے اور غیر قانونی طور پر مقیم غیر ملکی افراد کی زیادہ تر تعداد کو رضاکارانہ طور پر واپسی کو یقینی بنایا گیا ہے۔
غیر قانونی طور پر مقیم غیر ملکی افراد کے مالک مکانوں کے خلاف قانون کے مطابق کاروائیوں کا عمل جاری ہے۔چیف کمشنر اسلام آباد نے اس سلسلہ میں ہدایت دی کہ ملحقہ علاقوں میں غیر قانونی غیر ملکیوں کی نقل و حرکت کو مکمل طور پر روکنے کیلئے سخت اقدامات کئے جائیں۔ انہوں نے کہا کہ غیر قانونی طور پر مقیم غیر ملکی افراد کو بجلی سمیت دیگر یوٹیلٹیز کی فراہمی پر پابندی عائد کرنے کے حوالے سے بھی اقدامات کئے جائیں۔ چیف کمشنر اسلام آباد و چیئرمین سی ڈی اے نے ہدایت کی کہ غیر قانونی ملکیوں کو کسی قسم کی رہائشی جگہ یا روزگار فراہم نہ کیا جائے۔ انہوں نے ہدایت کی کہ تمام اضلاع سے اعداد و شمار کو وفاقی وزارت داخلہ کے مرکزی ڈیش بورڈ سے مربوط کیا جائے۔ انسپکٹر جنرل اسلام آباد پولیس سید علی ناصر رضوی نے کہا کہ سخت اقدامات کے ذریعے غیر قانونی طور پر مقیم افراد کی بستیوں کو ختم کرنے کیلئے اقدامات کئے جائیں۔ انہوں نے کہا کہ غیر ملکی افراد کا جعلی دستاویزات پر طبی معاملات اور جعلی شناختی کارڈز کے حوالے سے بھی سخت کارروائی کی جائے۔پاکستان ٹیلی کمیونیکیشن (پی ٹی اے)کے افسران نے بریفنگ دیتے ہوئے بتایا کہ غیر قانونی طور پر مقیم افراد کی موبائل سمز کو بلاک کرنے کا عمل جاری ہے۔اجلاس کو بریفنگ دیتے ہوئے بتایا گیا کہ وفاقی دارالحکومت اسلام آباد میں ڈور ٹو ڈور سروے کا عمل تیزی سے جاری ہے تاکہ رہائشیوں کی مکمل معلومات کو اکٹھا کیا جاسکے۔ اسی طرح اسلام آباد میں رہائش پذیر ہر شخص کا ڈیٹا درج کیا جا رہا ہے جسمیں شناختی کارڈ اور رہائشیوں کی بنیادی معلومات شامل ہیں۔
اجلاس کو بتایا گیا کہ ڈور ٹو ڈور سروے کے عمل کو تیز تر بنانے کیلئے ایک خودکار موبائل ایپ بھی تیار کی گئی ہے جسمیں شہری خود تمام معلومات کا اندراج کرسکتے ہیں۔ اس ایپ میں شہری اپنے خاندان، ملازمین، قومیت اور کرائے دار کی ساری معلومات کا اندراج بھی کر رہے ہیں۔ اجلاس کو بتایا گیا کہ سروے ٹیمز نے ابتک ڈور ٹو ڈور سروے کے ذریعے 25000 سے زائد خاندانوں کا سروے مکمل کرلیا ہے اور اگلے چند ماہ کے دوران وفاقی دارالحکومت اسلام آباد کے تقریبا ایک لاکھ گھروں کا سروے بھی مکمل کرلیا جائے گا۔ اجلاس کو بریفنگ دیتے ہوئے بتایا گیا کہ ڈیٹا کی حفاظت کو یقینی بنانے کیلئے نادرا کے پاس تمام ڈیٹا اور معلومات کو محفوظ کیا جا رہا ہے۔ اجلاس میں ڈور ٹو ڈور سروے کے عمل کو تیز کرنے، نیز نادرا اور پولیس کے سروے ڈیٹا کو مربوط اور متحرک بنانے پر اتفاق کیا گیا۔بریفنگ دیتے ہوئے بتایا گیا کہ وفاقی دارالحکومت اسلام آباد کو مزید محفوظ اور پرامن بنانے کیلئے ایم-ٹیگ کے نفاذ کا سلسلہ بھی تیزی سے جاری ہے اور اس سلسلہ میں ابتک وفاقی دارالحکومت اسلام آباد میں 52000 سے زائد گاڑیوں کو ایم-ٹیگ جاری کردئیے گئے ہیں۔ بریفنگ دیتے ہوئے بتایا گیا کہ اس ضمن وفاقی دارالحکومت اسلام آباد میں مختلف مقامات پر اس نظام کے موثر نفاذ کو یقینی بنایا جارہا ہے۔ چیئرمین سی ڈی اے و چیف کمشنر اسلام آباد محمد علی رندھاوا نے کہا کہ ان اقدامات کا بنیادی مقصد وفاقی دارالحکومت اسلام آباد کو محفوظ شہر بنانا اور شہریوں کو ایک پر امن اور پر سکون ماحول فراہم کرنا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکراچی؛ گٹر میں گر کر بچے کے جاں بحق ہونے پر کے ایم سی کی تحقیقاتی رپورٹ سامنے آ گئی کراچی؛ گٹر میں گر کر بچے کے جاں بحق ہونے پر کے ایم سی کی تحقیقاتی رپورٹ سامنے آ گئی اوورسیز پاکستانی فاؤنڈیشن کے چیئرمین سید قمر رضا شاہ کا جلد سعودی عرب کا دورہ — پاکستانی کمیونٹی سے اہم ملاقاتوں کا اعلان سوناآج پھر سستا ہوگیا؛ عالمی اور مقامی مارکیٹوں میں قیمت مزید کم محکمہ موسمیات نے اگلے 3 ماہ کا موسمیاتی آؤٹ لک جاری کردیا ملکی صنعتی پیداوار اور تجارت میں اضافے کیلئے مسائل کی نشاندہی ناگزیر ہے: وزیراعظم لاہور ہائیکورٹ: انجینئر مرزا محمد علی نے ایف آئی اے تحقیقات کیخلاف درخواست دائر کردیCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: غیر قانونی طور پر مقیم غیر ملکی افراد محمد علی رندھاوا چیئرمین سی ڈی اے
پڑھیں:
غیر قانونی سرگرمیوں کیخلاف کارروائی سے کاروبار متاثر ہوگا، جے یو آئی نظریاتی بلوچستان
اپنے بیان میں جے یو آئی نظریاتی کے رہنماؤں نے کہا کہ فوجی، بیوروکریٹ اور پولیس افسران کی غیر قانونی گاڑیوں کیخلاف کوئی کارروائی نہیں ہوتی، عام عوام کیخلاف کارروائی ہوتی ہے۔ اسلام ٹائمز۔ جمعیت علماء اسلام نظریاتی بلوچستان کے رہنماؤں نے حکومت کی جانب سے غیر قانونی سرگرمیوں اور نان کسٹم پیڈ گاڑیوں کے خلاف کارروائیوں کو عوام کی معیشت کو نقصان پہنچانے سے جوڑتے ہوئے کہا ہے کہ حکومت نان کسٹم پیڈ گاڑیوں اور ایران سے اسمگل ہونے والی تیل کے خلاف کارروائی اور چمن پاک افغان بارڈر سے آمدورفت کے لئے پاسپورٹ کو لازمی قرار دیکر عوام سے روزگار چھین رہی ہے۔ ان کارروائیوں سے معیشت متاثر ہوگی۔ اپنے جاری کردہ بیان میں اپنے بیان میں جمعیت نظریاتی کے صوبائی امیر مولانا عبدالقادر لونی، صوبائی جنرل سیکرٹری حافظ عبدالاحد کبدانی و دیگر نے حکومت کی جانب سے نان کسٹم پیڈ گاڑیوں کے خلاف کارروائی کی مذمت کرتے ہوئے کہا کہ نان کسٹم پیڈ گاڑیوں کیخلاف کارروائیوں کی مذمت کرتے ہوئے کہا ہے کہ فوجی، بیوروکریٹ اور پولیس افسران بھی ہزاروں غیر قانونی گاڑیاں استعمال کرتے ہیں، تاہم ان کے خلاف کوئی کارروائی نہیں ہوتی۔ اگر انہیں نان کسٹم پیڈ گاڑیاں استعمال کرنے دیا جا رہا ہے، تو پھر عام آدمی کو کیوں اجازت نہیں دی جا رہی ہے۔
جمعیت کے رہنماؤں نے کہا کہ حکمران اور ادارے اپنی ناکامی چھپانے کے لیے دہشت گردی اور معاشی بحران اور بدامنی کا ملبہ نان کسٹم پیڈ گاڑیوں پر ڈال رہے ہیں۔ انہوں نے کہا کہ ٹیکسز کی وجہ سے گاڑیوں کی قیمت آسمان تک پہنچ چکی ہے۔ عوام مجبوری کے تحت نان کسٹم پیڈ گاڑیوں کو استعمال کر رہے ہیں۔ بلوچستان کے عوام سے روزگار چھینا جا رہا ہے۔ پابندی سے ہزاروں لوگوں کا کاروبار متاثر ہوگا۔ ملک کی معیشت بہتر بنانے کے لیے نان کسٹم پیڈ گاڑیوں کے خلاف کارروای کی بجائے، ملک کو لوٹ کر باہر بینک بیلنس، پراپرٹیاں اور آفشور کمپنیوں کے مالکان سے احتساب کیا جائے۔ پہلے فوج، بیورکریٹ، پولیس آفیسر کی لگژری نان کسٹم پیڈ گاڑیوں کے خلاف کارروائی کی جائے۔ صرف غریب شہریوں اور تاجروں کے گرد گھیرا تنگ کیا جا رہا ہے۔ انہوں نے کہا کہ ملک میں گنگا الٹی بہہ رہی ہے، منشیات اور اسلحے کا کاروبار سرعام ہو رہا ہے۔ ان کے خلاف کوئی کارروائی نہیں ہوتی۔ انہوں نے کہا کہ چمن بارڈر کی بندش، نان کسٹم گاڑیوں کی خلاف کارروائیوں اور ایرانی تیل پر پابندیوں عوام سے دو وقت کی روٹی چھین رہا ہیں۔
ضمنی انتخابات میں کامیاب امیدواروں کے نوٹیفکیشن جاری