چیئرمین سی ڈی اے سے اے ڈی بی کے وفد کی ملاقات، سموگ کے تدارک و ماحولیاتی تحفظ کیلئے تعاون کو مزید فروغ دینے پر اتفاق
اشاعت کی تاریخ: 1st, December 2025 GMT
چیئرمین سی ڈی اے سے اے ڈی بی کے وفد کی ملاقات، سموگ کے تدارک و ماحولیاتی تحفظ کیلئے تعاون کو مزید فروغ دینے پر اتفاق WhatsAppFacebookTwitter 0 1 December, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی اسلام آباد میں سموگ کے تدارک و ماحولیاتی تحفظ و بہتری کے حوالے سے پیر کے روز سی ڈی اے ہیڈکوارٹرز میں اے ڈی بی کے وفد سے ملاقات ہوئی۔ اے ڈی بی کے وفد میں سنئیر فنانشل سیکٹر اکانومسٹ اینڈریو میکارٹنی اور اے ڈی بی کی اربن ٹیم نے شرکت کی۔ ملاقات میں اسلام آباد میں سموگ کے تدارک، فضائی آلودگی کے خاتمے اور ماحولیاتی تحفظ کے حوالے سے تبادلہ خیال کیا گیا۔
ملاقات میں سی ڈی اے بورڈ کے ممبر ایڈمن طلعت محمود، ممبر انوائرمنٹ اسفندیار بلوچ، ممبر پلاننگ و ڈیزائن ڈاکٹر خالد حفیظ، ڈائریکٹر جنرل ریسورس شکیل احمد سمیت سی ڈی اے کے دیگر سنئیر افسران نے بھی شرکت کی۔اس موقع پر چیئرمین سی ڈی اے محمد علی رندھاوا نے کہا کہ اسلام آباد میں سموگ اور فضائی آلودگی میں کمی سمیت ماحولیاتی تحفظ اولین ترجیحات میں شامل ہے اور اس حوالے سے پالیسی اقدامات سمیت مختلف ماحول دوست پراجیکٹس پر کام کیا جارہا ہے۔چیئرمین سی ڈی اے نے کہا کہ سی ڈی اے نے اپنی ای وی پالیسی میں نیشنل انرجی ایفشنسی اینڈ کنزرویشن اتھارٹی کی ریگولیشنز کو اپنا لیا ہے۔ انہوں نے کہا کہ اسلام آباد میں الیکٹرک گاڑیوں اور چارجنگ اسٹیشنز کے قیام کو فروغ دینے کیلئے بھرپور اقدامات کئے جارہے ہیں۔
چیئرمین سی ڈی اے نے کہا کہ سی ڈی اے نے ماحول دوست 160 الیکٹرک فیڈر بسوں کو اپنے وسائل سے اسلام آباد میں متعارف کروایا ہے۔ انہوں نے کہا کہ ٹرانسپورٹ سیکٹر میں فضائی آلودگی کو کنٹرول کرنے کیلئے گاڑیوں کے کاربن اخراج کے ٹیسٹ کئے جارہے ہیں،مستند ایئر کوالٹی انڈیکس کے حوالے سے اسلام آباد میں مزید مانیٹرنگ اسٹیشنز کی تنصیب پر کام کیا جارہا ہے۔چیئرمین سی ڈی اے نے کہا کہ اسلام آباد شہر میں فضائی آلودگی پھیلانے والے عوامل میں شامل کوڑے کرکٹ کیلئے جدید سالڈ ویسٹ مینجمنٹ منصوبے متعارف کیا جائے گا۔ انہوں نے کہا کہ اس حوالے سے اسلام آباد میں سائنٹیفک لینڈ فل سائٹ کے قیام کے حوالے سے فیزیبلٹی سٹڈی کا آغاز کیا جا جا رہا ہے۔چیئرمین سی ڈی اے نے کہا کہ اسلام آباد میں ماحول دوست منصوبے میں کاربن کریڈٹ کے حصول کو ممکن بنانے کیلئے مختلف پراجیکٹس زیر غور ہیں۔
انہوں نے کہا کہ اسلام آباد میں کاربن کریڈٹ کے حصول کیلئے گرین فنانسنگ کو ممکن بنانے کیلئے اے ڈی بی اپنی معاونت فراہم کر سکتا ہے۔اے ڈی بی کے وفد نے کہا کہ اے ڈی بی اپنی مشاورت کے عمل کو مکمل کرکے مختلف ماحول دوست اقدامات کے حوالے سے اپنی تکنیکی معاونت فراہم کرے گا۔ وفد نے مزید کہا کہ اے ڈی بی اسلام آباد کے پہلے ٹرانسپورٹ ماسٹر پلان کی تیاری اور انٹر سٹی بس ٹرمینلز منصوبے میں اپنی تیکنیکی معاونت فراہم کر رہا ہے۔
ملاقات میں سموگ کے تدارک و ماحولیاتی تحفظ کیلئے اے ڈی بی اور سی ڈی اے کے مابین تعاون کو مزید فروغ دینے کے حوالے سے اتفاق کیا گیا۔چیئرمین سی ڈی اے محمد علی رندھاوا نے کہا کہ ان اقدامات کا مقصد اسلام آباد میں فضائی آلودگی کو کنٹرول کرنا اور شہریوں کو صحت مند اور اعلی معیار زندگی کی فراہمی کو یقینی بنانا ہے۔ انہوں نے مزید کہا کہ اے ڈی بی اور سی ڈی اے کی شراکت داری سے نہ صرف اسلام آباد کا ماحولیاتی معیار بہتر ہوگا بلکہ یہ شہر پورے پاکستان کیلئے پائیدار ترقی کا بہترین نمونہ بھی بن سکے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربدمعاشی کرینگے تو گورنر راج لگ سکتا ہے،ہماری خواہش ہے فیصل کریم کنڈی ہی گورنر رہیں، فیصل واوڈا بدمعاشی کرینگے تو گورنر راج لگ سکتا ہے،ہماری خواہش ہے فیصل کریم کنڈی ہی گورنر رہیں، فیصل واوڈا گرفتار، نظربند اور زیرحراست افراد سے تفتیش بارے بل سینیٹ سے منظور کراچی میں رینجرز کی تعیناتی میں مزید ایک سال کی توسیع، سندھ کابینہ نے منظوری دیدی مریم نواز کے کام کرنے کی رفتار ترکیہ سے بھی تیز ہے، ترک رکن پارلیمنٹ برہان کایاترک کی ملاقات میں گفتگو جسٹس طارق جہانگیری کے استعفے کی خبروں پر انہی کی عدالت میں تذکرہ سری لنکا میں بدترین سمندری طوفان، پاکستان کے ریلیف آپریشن میں بھارتی حکومت رکاوٹ بن گئیCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: سموگ کے تدارک و ماحولیاتی تحفظ چیئرمین سی ڈی اے اے ڈی بی کے وفد
پڑھیں:
پاکستان اور مصر کا دو طرفہ تجارتی، دفاعی اور تعلیمی تعاون بڑھانے پر اتفاق
اسلام آباد:مصر کے وزیرِ خارجہ ڈاکٹر بدر احمد محمد عبدالعاطی کے دورہ پاکستان کے دوران دوطرفہ تجارت،دفاعی، ثقافتی اور تعلیمی شعبوں میں تعاون بڑھانے اور فلسطین کی صورتحال پر اہم پیش رفت ہوئی ہے۔
وزارتِ خارجہ کے مطابق عرب جمہوریہ مصر کے وزیرِ خارجہ، نے29، 30نومبر 2025ء کو پاکستان کا سرکاری دورہ کیا۔ یہ دورہ نائب وزیراعظم و وزیرِ خارجہ سینیٹر محمد اسحاق ڈار کی دعوت پر ہوا۔دورے کے دوران ڈاکٹر بدر عبدالعاطی اور اسحق ڈار کے مابین وزارتِ خارجہ میں ون آن ون ملاقات اور پھر وفود کی سطح پر مذاکرات ہوئے۔
دونوں ممالک نے سیاسی، اقتصادی، تجارتی، دفاعی، ثقافتی اور تعلیمی شعبوں سمیت دوطرفہ تعلقات کے تمام پہلوؤں کا جائزہ لیا۔ صحت کے شعبے میں تعاون، خصوصاً پاکستان میں ہیپاٹائٹس سی کے خاتمے کے قومی پروگرام میں مصر کی معاونت پر بھی بات چیت ہوئی۔دوطرفہ کاروباری اور اقتصادی تعاون بڑھانے پر اتفاق کیا گیا۔
پہلے مرحلے میں250اور دوسرے مرحلے میں500پاکستانی بزنس ہاؤسز کی ویزا سہولت کے لیے نشاندہی کی جائے گی۔پاکستان،مصر بزنس فورم آئندہ سال دوسری سہ ماہی میں مشترکہ وزارتی کمیشن (JMC)کے اجلاس کے موقع پر منعقد ہوگا، جس کی مشترکہ صدارت دونوں وزرائے خارجہ کریں گے۔
دونوں ممالک نے 2026ء کی پہلی سہ ماہی میں سینئر سطح کے سرکاری اجلاس منعقد کرنے اور دوطرفہ ادارہ جاتی میکنزم کو متحرک کرنے کے عزم کا اظہار کیا۔ مصری وزیرِ خارجہ نے پاکستانی طلبہ کے لیے الازہر یونیورسٹی کے اسکالرشپس دگنا کرنے کا بھی اعلان کیا۔
ڈاکٹر بدر عبدالعاطی نے صدرِ پاکستان آصف علی زرداری سے بھی ملاقات کی۔ صدر نے پاکستان اور مصر کے تاریخی تعلقات کا حوالہ دیتے ہوئے ہر شعبے میں شراکت کو مزید مضبوط بنانے کی خواہش کا اظہار کیا۔ ملاقات میں دوطرفہ تعاون، علاقائی استحکام اور غزہ کی صورتحال پر گفتگو ہوئی۔
مصری وزیرِ خارجہ نے آرمی چیف فیلڈ مارشل سید عاصم منیر سے بھی جی ایچ کیو میں ملاقات کی جس میں دفاعی تعاون، فوجی تربیتی روابط، سکیورٹی امور اور علاقائی استحکام پر بات چیت ہوئی۔
کریڈٹ کارڈ بنانےوالی خاتون سےجنسی زیادتی، نازیبا ویڈیو بنانےوالے مفرور ملزم نےمزید تصاویر وائرل کردیں