مصری وزیرِ خارجہ کا دورۂ پاکستان، دفترِ خارجہ کا اعلامیہ جاری
اشاعت کی تاریخ: 30th, November 2025 GMT
وزیرِ خارجہ اسحاق ڈار کی مصری ہم منصب ڈاکٹر بدر احمد محمد عبدالعاطی سے ملاقات—فائل فوٹو
دفترِ خارجہ نے مصری وزیرِ خارجہ ڈاکٹر بدر احمد محمد عبدالعاطی کے دورۂ پاکستان کے حوالے سے اعلامیہ جاری کر دیا۔
اسلام آباد سے جاری بیان میں دفترِ خارجہ نے کہا ہے کہ مصری وزیرِ خارجہ نے 29 سے 30 نومبر تک پاکستان کا سرکاری دورہ کیا۔
اعلامیے میں کہا گیا ہے کہ مصری وزیرِ خارجہ نے نائب وزیرِ اعظم اسحاق ڈار سے ون آن ون اور وفد کی سطح پر ملاقاتیں کیں۔
دفترِ خارجہ کے مطابق دونوں وزرائے خارجہ نے سیاسی، معاشی، تجارتی، دفاعی تعاون پر جامع جائزہ لیا جبکہ صحت، تعلیم، ثقافت، ہیپاٹائٹس سی کے خاتمے میں مصر کے تعاون پر بھی بات چیت ہوئی۔
اعلامیے میں کہا گیا ہے کہ دونوں ممالک کا نجی شعبے کے درمیان روابط بڑھانے کے لیے عملی اقدامات پر اتفاق ہوا ہے، پہلے مرحلے میں 250 پاکستانی بزنس ہاؤسز کی فہرست مصر کو دی جائے گی۔
دفترِ خارجہ کا کہنا ہے کہ دوسرے مرحلے میں بزنس ہاؤسز کی تعداد 500 تک بڑھائی جائے گی، اس دوران پاکستان مصر بزنس کونسل کے قیام کا فیصلہ ہوا تاکہ تجارتی تعاون کو ادارہ جاتی شکل دی جائے گی۔
اعلامیے کے مطابق پاکستان مصر بزنس فورم 2026ء کی دوسری سہ ماہی میں منعقد ہو گا، اس موقع پر بدر احمد محمد عبدالعاطی نے مصر کا الازہر یونیورسٹی کی جانب سے پاکستانی طلبہ کے لیے اسکالر شپس کی تعداد دوگنی کرنے کا اعلان کیا۔
دفترِ خارجہ کا کہنا ہے کہ دونوں ممالک نے 1967ء سے پہلے کی سرحدوں پر قائم خود مختار فلسطینی ریاست کی حمایت کا اعادہ کیا۔
اعلامیے کے مطابق مصری وزیرِ خارجہ نے صدرِ مملکت آصف علی زرداری سے بھی ملاقات کی، جس کے دوران دو طرفہ تعاون اور علاقائی صورتِ حال پر تبادلۂ خیال کیا، صدرِ مملکت نے مصر کے تعمیری سفارتی کردار کو سراہا۔
دفترِ خارجہ نے کہا ہے کہ فیلڈ مارشل عاصم منیر سے مصری وزیرِ خارجہ نے ملاقات کی، جس میں دفاعی و سلامتی تعاون پر گفتگو ہوئی۔
اس دوران عسکری تعاون، تربیتی پروگرامز اور خطےکی سلامتی کے لیے دونوں ممالک نے عزم کیا، مصری وزیرِ خارجہ کے دورے سے پاک مصر تعلقات مزید مضبوط ہوئے۔
.ذریعہ: Jang News
کلیدی لفظ: خارجہ کا
پڑھیں:
پاکستان اور مصر کا سیاسی، معاشی اور دفاعی تعاون بڑھانے پر اتفاق
پاکستان اور مصر میں سیاسی، معاشی، دفاع، ثقافتی اور عوامی روابط کے شعبوں میں تعاون بڑھانے پر اتفاق ہوا ہے۔
اسلام آباد میں پاکستان اور مصر کے وزرائے خارجہ کے درمیان وفود کی سطح پر ملاقات ہوئی، نائب وزیراعظم اسحاق ڈار نے مصر کے وزیر خارجہ کے ساتھ نیوز کانفرنس کرتے ہوئے کہا کہ ملاقات میں بزنس ٹو بزنس تعلقات کے فروغ پر تبادلہ خیال ہوا۔
انہوں نے کہا کہ پاکستان 500 بزنس ہاؤسز کی فہرست مصر کو فراہم کرے گا، ان بزنسز کو دوطرفہ تجارت کے فروغ کے لیے ہر ممکن سہولیات دی جائیں گی۔
وزیر خارجہ اسحاق ڈار نے کہا کہ ویزا شکایات کے خاتمے کے لیے دونوں ملکوں نے نئی سہولت کاری کا نظام وضع کیا ہے، پاکستان اور مصر کی دہائیوں پر مشتمل برادرانہ دوستی تاریخی، مذہبی اور باہمی احترام پر قائم ہے۔
عبدالعاطی نے کہا کہ مصر اور پاکستان فلسطین میں دو ریاستی حل، خطے میں سیاسی کشیدگی پر قابو اور امن کے لیے مشترکہ موقف رکھتے ہیں۔
ان کا کہنا تھا کہ خطے کی صورتحال خصوصاً غزہ پر تفصیلی غور کیا گیا، پاکستان نے مصر کے کردار کو سراہا ہے۔ پاکستان نے مصر کی انسانی امداد، ثالثی اور جنگ بندی کے لیے سفارتی کوششوں کی تعریف کی۔
اسحاق ڈار نے کہا کہ میرے بھائی نے پاکستانی اسکالرز کی الاالزہر یونیورسٹی میں اسکالرشپ کو ڈبل کردیا ہے۔
اس موقع پر مصر کے وزیر خارجہ ڈاکٹر بدر احمد محمد عبدالعاطی نے کہا کہ غزہ کی تعمیر نو میں پاکستان کے کردار اور تعاون کے خواہاں ہیں۔
انہوں نے کہا کہ غزہ جنگ بندی معاہدے میں پاکستان نے اہم کردار ادا کیا، تنازع فلسطین کا دو ریاستی حل ہی قابل عمل اور پائیدار ہے۔
ان کا کہنا تھا کہ مصر پاکستان کے ساتھ شدت پسندی اور دہشت گردی کے خلاف کھڑا ہے، دہشت گردی کے خلاف اپنے کامیاب ماڈل کی پاکستان سے مکمل شیئرنگ کی پیشکش کردی ہے۔
مصری وزیر خارجہ نے مزید کہا کہ مذاکرات میں دونوں ملکوں کے درمیان تعاون کو فروغ دینے پر بات کی ہے، مصر پاکستان کی مختلف فورمز پر حمایت کی قدر کرتا ہے۔
مہنگی چینی کی ذمہ دارحکومت ہے،شوگرملزایسوسی ایشن