سندھ بلڈنگ، وسطی میں غیر قانونی کمرشل تعمیرات کو ’باقاعدہ‘ کرنے کا منصوبہ
اشاعت کی تاریخ: 3rd, December 2025 GMT
زیرِ غورنارتھ ناظم آباد بلاک آر پلاٹ A151میں ضابطوں کی کھلی خلاف ورزی
کمرشل عمارتوں کو معمولی توڑ پھوڑ کے بعد ’باقاعدہ‘ اجازت کا سستا راستہ، شہری برہم
سندھ بلڈنگ کنٹرول اتھارٹی کے ضلع وسطی میں رہائشی علاقوں میں ناجائز کھڑی کی گئی کمرشل عمارتوں کو باقاعدہ بنانے کا منصوبہ زیر غور ہے۔ اطلاعات کے مطابق ڈائریکٹر وسطی جعفر امام صدیقی اس حوالے سے نہایت سرگرم ہیں۔ ان کی سرپرستی میں شہر کے رہائشی علاقوں، بالخصوص نارتھ ناظم آباد، میں غیرقانونی طور پر کھڑی کی گئی کمرشل عمارتوں کو کچھ معمولی توڑ پھوڑ کے بعد ’باقاعدہ‘ ازسرنو تعمیر کی اجازت دینے کی پالیسی پر سنجیدہ غور کیا جارہا ہے ،اس حوالے سے شہری ماہرین کچھ تنقیدی سوالات بھی کر رہے ہیں کہ کیا یہ قانون شکنوں کو انعام دینے جیسانہیں ہے ؟شہری منصوبہ بندی کے ماہرین اور سماجی کارکنان اس ممکنہ اقدام پر سخت تشویش کا اظہار کر رہے ہیں۔ ان کا مؤقف ہے کہ یہ تجویز درحقیقت ضابطے توڑنے والوں کو ’’بعد ازاں منظوری نامہ‘‘جیسا سستا راستہ فراہم کرے گی، جس سے شہری منصوبہ بندی کے تمام ضوابط بے معنی ہو جائیں گے ۔ ان کا اصرار ہے کہ مسائل کا حل تعمیرات روکنے اور موجودہ خلاف ورزیوں کو مسمار کرنے میں ہے ، نہ کہ انہیں قانونی جامہ پہنانے میں۔دوسری طرف نارتھ ناظم آباد کے رہائشیوں کا الزام ہے کہ علاقے میں رہائشی پلاٹوں پر تجارتی مراکز، مارکیٹیں اور ریستوراں کھلم کھلا بن رہے ہیں، مگر سندھ بلڈنگ کنٹرول اتھارٹی کے حکام اس پر چشم پوشی برت رہے ہیں۔ان غیرقانونی تعمیرات کے باعث علاقہ ٹریفک جام، پارکنگ کے بحران، آواز کی آلودگی اور نکاسی آب کے نظام کی تباہی جیسے مسائل سے دوچار ہے ۔جرأت سروے ٹیم سے بات کرتے ہوئے مقامی افراد کا کہنا ہے بلاک آر کے رہائشی پلاٹ A151پر تجارتی مقاصد کے لئے جاری خلاف ضابطہ تعمیر کے خلاف بارہا شکایات درج کروانے کے باوجود کوئی عملی اقدام نظر نہیں آیا،ابھرنے والے اہم سوالات یہ ہیں کہ کیا یہ پالیسی قانون کی حکمرانی کے بجائے افراتفری کو فروغ دے گی؟کیا نارتھ ناظم آباد میں عملدرآمد کی یہ مکمل غیر موجودگی محض غفلت ہے یا پھر کسی گٹھ جوڑ کا نتیجہ؟ اور کیا شہریوں کے بنیادی حقوق سے کھیلنے کی یہ کھلی چھوٹ جاری رہے گی؟ عوام کا مطالبہ ہے کہ محکمہ نرمی کی بجائے سختی کا راستہ اپنائے اور نارتھ ناظم آباد سمیت تمام علاقوں میں غیر قانونی تعمیرات کے خلاف فوری اور مؤثر کارروائی کرے ۔
.
ذریعہ
ذریعہ: Juraat
کلیدی لفظ: نارتھ ناظم آباد رہے ہیں
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی