نیپا چورنگی حادثے کے بعد اگلے ابراہیم کے جانے کا انتظار ہوگا، رکن اسمبلی
اشاعت کی تاریخ: 1st, December 2025 GMT
متحدہ قومی موومنٹ (ایم کیو ایم) پاکستان کے رکن سندھ اسمبلی شارق جمال نے کہا ہے کہ نیپا چورنگی پر پیش آنے والے اندوہناک حادثے کی تحقیقات کا کوئی نتیجہ نہیں نکلے گا اور اب اگلے ابراہیم کے جانے کا انتظار کیا جائے گا۔
نیپا چورنگی کے قریب کھلے مین ہول میں گر کر جاں بحق ہونے والے تین سالہ ابراہیم کی نماز جنازہ کے بعد میڈیا سے گفتگو کرتے ہوئے رکن سندھ اسمبلی نے کہا کہ سندھ حکومت کے وزرا ای چالان اور ربوٹ کی باتیں کرتے ہیں لیکن گٹر کا ڈھکن نہیں لگوا سکتے۔
انہوں نے کہا کہ اس واقعے کی ذمہ دار صرف سندھ حکومت نہیں بلکہ تمام ٹاؤن چیئرمینز ہیں، ہم نے ابراہیم کی وجہ سے بلدیاتی الیکشن کا بائیکاٹ کیا تھا۔ شارق جمال نے انکشاف کیا کہ میرے حلقے میں بھی گٹر کے ڈھکن نہیں، اس پر آواز اٹھائی تو تحقیقات شروع کرنے کا اعلان ہوا مگر کوئی نتیجہ سامنے آیا اور نہ ہی بہتری ہوئی۔
شارق جمال نے کہا کہ نیپا چورنگی پر پیش آنے والے واقعے پر آج ہم نےا سمبلی کے اجلاس سے واک آوٹ کیا اور اپنا احتجاج ریکارڈ کیا۔ انہوں نے بے بسی کا اظہار کرتے ہوئے کہا کہ ’کچھ بھی نہیں ہوگا، انتظار ہوگا اگلے ابراہیم کے جانے کا‘۔
انہوں نے کہا کہ ’صحافیوں نے میئر سے جو سوال آج پوچھے وہ بہت پہلے پوچھنے چاہیے تھے، لیکن میں میڈیا کا شکر گزار ہوں رات بھر انہوں نے اس مسئلے پر بات کی۔
.ذریعہ: Express News
کلیدی لفظ: نیپا چورنگی نے کہا کہ انہوں نے
پڑھیں:
گلشن اقبال میں جاں بحق تین سالہ ابراہیم کی نماز جنازہ ادا
کراچی:گلشن اقبال کے علاقے میں نیپا پل کے قریب مین ہول میں گر کر جاں بحق تین سالہ ابراہیم کی نماز جنازہ ادا کردی گئی۔
ایکسپریس نیوز کے مطابق ابراہیم کی نماز جنازہ شاہ فیصل کالونی میں ادا کی گئی، نماز جنازہ میں سماجی و مذہبی و سیاسی شخصیات، اہل علاقہ اور عزیزو اقارب نے بڑی تعداد میں شرکت کی۔
نمازجنازہ میں امیر جماعت اسلامی کراچی منعم ظفر، ایم کیو ایم رکن اسمبلی شارق جمال بھی موجود تھے۔
یہ پڑھیں : کراچی؛ مین ہول میں گرنے والے بچے کی لاش 15 گھنٹے بعد نصف کلومیٹر فاصلے سے مل گئی
دریں اثنا سندھ اسمبلی میں بچے کی ہلاکت کا معاملہ اٹھایا گیا جس پر اپوزیشن نے احتجاج کیا، سندھ حکومت نے قصور واروں کو سزا دلانے کی یقین دہانی کرادی۔
پی ٹی آئی کے کمیٹیوں سے استعفے، پنجاب کا احتسابی نظام متاثر