بنگلادیشی سابق وزیراعظم کی آئی سی یو میں طبیعت مزید خراب؛ وینٹی لیٹر پر منتقل
اشاعت کی تاریخ: 1st, December 2025 GMT
بنگلا دیش کی سابق وزیرِ اعظم خالدہ ضیا کو دو روز قبل تشویشناک حالت میں اسپتال میں داخل کیا گیا تھا جہاں آج طبیعت مزید خراب ہونے پر وینٹی لیٹر پر منتقل کرنا پڑا۔
عالمی خبر رساں ادارے کے مطابق سابق وزیراعظم خالدہ ضیا کو پھیپھڑوں کے انفیکشن کے باعث سانس لینے میں شدید مشکلات کا سامنا تھا۔ انھیں آئی سی یو میں داخل کیا گیا تھا۔
جہاں ان کی طبعیت کچھ دیر کے لیے سنبھلی بھی تھی لیکن پھر تیزی سے بگڑنے لگی یہاں تک کہ ڈاکٹرز نے خالدہ ضیا کو وینٹی لیٹر پر منتقل کردیا۔
خالدہ ضیا کے معائنے کے لیے چین سے ماہر ڈاکٹرز کی ایک ٹیم بھی ڈھاکا پہنچی ہے جنھوں نے معائنہ کرکے کچھ ضروری ٹیسٹس تجویز کیے ہیں۔ حتمی رپورٹ کا انتظار ہے۔
ڈاکٹرز نے سابق وزیر اعظم خالدہ ضیا کی حالت کو نہایت تشویشناک قرار دیتے ہوئے کہا کہ اگلے 24 گھنٹے ان کی زندگی کے لیے اہم ہیں۔
ادھر سابق وزیراعظم خالدہ ضیا کے اہل خانہ نے عوام سے دعائے صحت کی اپیل ہے جب کہ پارٹی رہنماؤں نے خصوصی دعاؤں کا اہتمام کیا ہے۔
گزشتہ برس طلبا تحریک کے نتیجے میں شیخ حسینہ واجد کے آمرانہ دور کا خاتمہ ہوا اور وہ بھارت فرار ہوگئیں تو خالدہ ضیا کو جیل سے 6 سال بعد رہائی ملی تھی۔
2018 سے قید خالدہ ضیا کی اسیری کے دوران ہی طبیعت خراب ہوگئی تھی لیکن شیخ حسینہ واجد کی حکومت نے انھیں ملک سے باہر علاج کے لیے جانے نہیں دیا تھا۔
خالدہ ضیا کے بڑے بیٹے طارق رحمان 2008 سے لندن میں جلاوطن ہیں انھوں نے ایک بار پھر عوام سے والدہ کی صحت کے لیے دعا کی اپیل کی ہے۔
.
ذریعہ: Express News
کلیدی لفظ: خالدہ ضیا کو کے لیے
پڑھیں:
وزیراعظم آزاد کشمیر سے سردار تنویر الیاس کی ملاقات
دونوں رہنماؤں نے آزاد کشمیر میں جاری اور آئندہ شروع کیے جانے والے ترقیاتی منصوبوں پر بات چیت کی، جس کا مقصد علاقے کی ترقی اور خوشحالی کو یقینی بنانا ہے۔ اسلام ٹائمز۔ آزاد جموں و کشمیر کے وزیراعظم فیصل ممتاز راٹھور سے سابق وزیراعظم سردار تنویر الیاس نے ملاقات کی، ملاقات کے دوران مسئلہ کشمیر کو اجاگر کرنے کیلئے حکمت عملی، آزاد کشمیر میں جاری ترقیاتی منصوبوں سمیت کئی امور پر تبادلہ خیال کیا گیا۔ اس موقع پر ممبر اسمبلی جاوید بٹ، سابق مشیر حکومت سردار امجد یوسف، ڈپٹی سیکرٹری اطلاعات پاکستان پیپلز پارٹی سید عزادار حسین کاظمی، مرکزی رابطہ سیکرٹری پی پی پی آزاد کشمیر عامر ذیشان جرال، سیاسی و سماجی رہنما راجہ اشفاق کفل گڑھی، ڈاکٹر راجہ محمد آفتاب، سابق پولیٹیکل سیکرٹری سردار شبریز صابر، سابق پی آر او راجہ قمر الزمان، راجہ اذان راٹھور، میجر (ریٹائرڈ) راجہ اسد، نوید چوہدری، سردار عاصم حمید، سردار جواد سید حسین و دیگر بھی موجود تھے۔ دونوں رہنماؤں نے آزاد کشمیر میں جاری اور آئندہ شروع کیے جانے والے ترقیاتی منصوبوں پر بات چیت کی، جس کا مقصد علاقے کی ترقی اور خوشحالی کو یقینی بنانا ہے۔ ملاقات میں نئی حکومت کو درپیش چیلنجوں اور کابینہ کی فعالیت سمیت حکومتی امور کو مؤثر طریقے سے چلانے پر بھی تبادلہ خیال کیا گیا۔
دونوں رہنماؤں نے پاکستان پیپلز پارٹی کے یوم تاسیس کے حوالے سے آزاد کشمیر میں ہونے والی تقریبات کے انعقاد اور انتظامات پر بھی غور و خوض کیا اور اس عزم کا اظہار کیا کہ پاکستان پیپلز پارٹی آزاد کشمیر پاکستان اور آزاد کشمیر بھر میں پارٹی کے یوم تاسیس کی تقریبات شایان شان طریقے سے منائے گی اور قائد عوام شہید ذوالفقار علی بھٹو، محترمہ نصرت بھٹو اور شہید جمہوریت محترمہ بے نظیر بھٹو کو شاندار الفاظ میں خراج عقیدت پیش کیا جائے گا۔ سابق وزیراعظم سردار تنویر الیاس نے اس موقع پر کہا کہ پیپلز پارٹی کی حکومت کی تشکیل سے حقیقی معنوں میں عوامی راج قائم ہوا ہے اور آزاد کشمیر کے عوام کے دلوں میں خوشی کی لہر دوڑ گئی ہے۔ انہوں نے وزیراعظم فیصل ممتاز راٹھور کیلیے نیک خواہشات کا اظہار کیا۔ سابق وزیراعظم سردار تنویر الیاس خان نے وزیراعظم فیصل ممتاز راٹھور اور دیگر قائدین کے اعزاز میں پرتکلف عشائیہ بھی دیا۔
پاکستان کو انٹیلی جنس بیسڈ آپریشن کی ضرورت ہے: گورنر کے پی فیصل کریم کنڈی