Islam Times:
2025-11-29@06:50:46 GMT

وزیراعظم آزاد کشمیر سے سردار تنویر الیاس کی ملاقات

اشاعت کی تاریخ: 29th, November 2025 GMT

وزیراعظم آزاد کشمیر سے سردار تنویر الیاس کی ملاقات

دونوں رہنماؤں نے آزاد کشمیر میں جاری اور آئندہ شروع کیے جانے والے ترقیاتی منصوبوں پر بات چیت کی، جس کا مقصد علاقے کی ترقی اور خوشحالی کو یقینی بنانا ہے۔ اسلام ٹائمز۔ آزاد جموں و کشمیر کے وزیراعظم فیصل ممتاز راٹھور سے سابق وزیراعظم سردار تنویر الیاس نے ملاقات کی، ملاقات کے دوران مسئلہ کشمیر کو اجاگر کرنے کیلئے حکمت عملی، آزاد کشمیر میں جاری ترقیاتی منصوبوں سمیت کئی امور پر تبادلہ خیال کیا گیا۔ اس موقع پر ممبر اسمبلی جاوید بٹ، سابق مشیر حکومت سردار امجد یوسف، ڈپٹی سیکرٹری اطلاعات پاکستان پیپلز پارٹی سید عزادار حسین کاظمی، مرکزی رابطہ سیکرٹری پی پی پی آزاد کشمیر عامر ذیشان جرال، سیاسی و سماجی رہنما راجہ اشفاق کفل گڑھی، ڈاکٹر راجہ محمد آفتاب، سابق پولیٹیکل سیکرٹری سردار شبریز صابر، سابق پی آر او راجہ قمر الزمان، راجہ اذان راٹھور، میجر (ریٹائرڈ) راجہ اسد، نوید چوہدری، سردار عاصم حمید، سردار جواد سید حسین و دیگر بھی موجود تھے۔ دونوں رہنماؤں نے آزاد کشمیر میں جاری اور آئندہ شروع کیے جانے والے ترقیاتی منصوبوں پر بات چیت کی، جس کا مقصد علاقے کی ترقی اور خوشحالی کو یقینی بنانا ہے۔ ملاقات میں نئی حکومت کو درپیش چیلنجوں اور کابینہ کی فعالیت سمیت حکومتی امور کو مؤثر طریقے سے چلانے پر بھی تبادلہ خیال کیا گیا۔

دونوں رہنماؤں نے پاکستان پیپلز پارٹی کے یوم تاسیس کے حوالے سے آزاد کشمیر میں ہونے والی تقریبات کے انعقاد اور انتظامات پر بھی غور و خوض کیا اور اس عزم کا اظہار کیا کہ پاکستان پیپلز پارٹی آزاد کشمیر پاکستان اور آزاد کشمیر بھر میں پارٹی کے یوم تاسیس کی تقریبات شایان شان طریقے سے منائے گی اور قائد عوام شہید ذوالفقار علی بھٹو، محترمہ نصرت بھٹو اور شہید جمہوریت محترمہ بے نظیر بھٹو کو شاندار الفاظ میں خراج عقیدت پیش کیا جائے گا۔ سابق وزیراعظم سردار تنویر الیاس نے اس موقع پر کہا کہ پیپلز پارٹی کی حکومت کی تشکیل سے حقیقی معنوں میں عوامی راج قائم ہوا ہے اور آزاد کشمیر کے عوام کے دلوں میں خوشی کی لہر دوڑ گئی ہے۔ انہوں نے وزیراعظم فیصل ممتاز راٹھور کیلیے نیک خواہشات کا اظہار کیا۔ سابق وزیراعظم سردار تنویر الیاس خان نے وزیراعظم فیصل ممتاز راٹھور اور دیگر قائدین کے اعزاز میں پرتکلف عشائیہ بھی دیا۔

.

ذریعہ: Islam Times

کلیدی لفظ: سردار تنویر الیاس پیپلز پارٹی

پڑھیں:

اسپیکر ایاز صادق سے اپوزیشن وفد کی ملاقات، سیاسی مذاکرات اور باہمی روابط پر گفتگو

اسپیکر قومی اسمبلی سردار ایاز صادق سے اپوزیشن کے سینیٹرز اور اراکینِ قومی اسمبلی نے ملاقات کی، جس میں سیاسی ماحول، باہمی روابط اور مذاکرات کے امکانات پر تفصیلی گفتگو ہوئی۔

ملاقات میں سینیٹر علامہ راجا ناصر عباس، سینیٹر فیصل جاوید، سابق اسپیکر قومی اسمبلی اسد قیصر، بیرسٹر گوہر علی خان، اقبال آفریدی، عاطف خان، ڈاکٹر امجد علی خان، سردار لطیف کھوسہ اور محمد جمال احسن خان شریک تھے۔

مزید پڑھیں: اسپیکر سردار ایاز صادق نے اپوزیشن کو مذاکرات کی ایک بار پھر پیشکش کردی

اسپیکر ایاز صادق نے اپوزیشن وفد کو خوش آمدید کہتے ہوئے کہا کہ سیاست سے بڑھ کر اراکین کے درمیان بھائی چارے اور رواداری کا رشتہ ہونا چاہیے۔

انہوں نے کہا کہ سیاست ہمیشہ نہیں رہتی لیکن اراکینِ پارلیمنٹ کا احترام اور تعلق زندگی بھر قائم رہنا چاہیے۔

اسپیکر نے بتایا کہ وہ 2014 سے اپوزیشن اراکین کے ساتھ مسلسل رابطے میں رہے ہیں، اور ہمیشہ مذاکرات کی ضرورت پر زور دیا ہے۔ ان کا کہنا تھا کہ ملک کے تمام مسائل کا حل صرف بات چیت اور سیاسی مکالمے میں ہے۔

مزید پڑھیں: اسپیکر قومی اسمبلی سردار ایاز صادق نے قائم مقام صدر کی ذمہ داریاں سنبھال لیں

ملاقات کے دوران بیرسٹر گوہر علی خان نے بانی پی ٹی آئی سے ان کے اہلِخانہ کی ملاقات کی اجازت دینے کا معاملہ بھی اٹھایا۔ اپوزیشن وفد نے اسپیکر کی حکومت اور اپوزیشن کے درمیان رابطوں اور سہولتکاری کے کردار کو سراہا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

اپوزیشن کے سینیٹرز سردار ایاز صادق سیاسی مذاکرات

متعلقہ مضامین

  • اسپیکر قومی اسمبلی سے اپوزیشن سینیٹرز اور اراکین اسمبلی کی ملاقات
  • سابق گورنر گلگت بلتستان راجہ جلال سے رابطوں کے معاملے پر اسلامی تحریک میں اختلافات
  • سپیکر قومی اسمبلی  سے اپوزیشن کے سینیٹرز اور اراکینِ قومی اسمبلی کی ملاقات
  • اسپیکر ایاز صادق سے اپوزیشن وفد کی ملاقات، سیاسی مذاکرات اور باہمی روابط پر گفتگو
  • سپیکر قومی اسمبلی سے اپوزیشن کے سینیٹرز اور اراکینِ قومی اسمبلی کی ملاقات
  • اسپیکر قومی اسمبلی  سے اپوزیشن کے سینیٹرز اور اراکینِ قومی اسمبلی کی ملاقات
  • اسلام آباد، ایم ڈبلیو ایم جی بی کے نائب صدر نجف علی شگری کی علامہ راجہ ناصر عباس سے ملاقات
  • حریت کانفرنس آزاد کشمیر شاخ کے وفد کی وزیراعظم آزاد کشمیر سے ملاقات
  • بنگلا دیش:  شیخ حسینہ واجد کے منجمد لاکرز سے 10 کلو سونا ضبط