آئی جی نے پولیس فورس کو خیبرپختونخوا سے باہر جا کر ڈیوٹی کرنےسےمنع کردیا
اشاعت کی تاریخ: 1st, December 2025 GMT
سٹی42: عمران خان کے مقرر کردہ وزیراعلیٰ کو آج "احتجاج کا اونٹ" لے کر پہاڑ نے نیچے آنے کا چیلنج درپیش ہے۔ خیبر پختونخوا کی پولیس وزیراعلیٰ کے احتجاج کرنے والے جتھے کی حفاظت کرنے کے لئے اس کے ساتھ پنجاب نہیں آئے گی۔
پشاور ہائی کورٹ نے آج حکم جاری کیا کہ کوئی سرکاری ادارہ پی ٹی آئی حکومت کی سیاسی سرگرمی میں استعمال نہیں ہو گا اور کسی ادارہ کے وسائل کو سیاسی سرگرمی میں استعمال نہیں کیا جائے گا۔ پشاور ہائی کورٹ کے اس واضح حکم کے بعد خیبر پختونخوا پولیس کے انسپکٹر جنرل ذوالفقار حمیدنے اپنی فورس کو خصوصی ہدایت جاری کر دی ہے جس نے وزیراعلیٰ سہیل آفریدی کو سنگین نوعیت کے امتحان سے دوچار کر دیا ہے جنہوں نے آج منگل کے روز راولپنڈی میں اڈیالہ جیلل پر دھاوا بولنے کے لئے صوبے کے تمام گاؤں سے کارکن اور حامی بلوا رکھے ہیں۔
لکی مروت: پولیس موبائل پر خودکش حملہ، ایک اہلکار شہید، 6 زخمی
خیبرپختونخوا پولیس کے انسپکٹر جنرل نے آج شام پشاور ہائی کورٹ کے احکامات کی روشنی میں اپنی فورس کے لئے ہدایات جاری کر دیں۔
آئی جی خیبر پختونخوا نے ہدایت کی ہے کہ پولیس اہلکار صرف خیبر پختونخوا کے جغرافیائی دائرہ اختیار میں ہی فرائض انجام دے گی۔
آئی جی نے اپنی فورس کے دوسرے صوبوں یا علاقوں میں بلا اجازت ڈیوٹی پر جانے پر پابندی لگا دی ہے۔
ذوالفقار حمید نے پولیس فورس کو پشاور ہائی کورٹ کے فیصلے پر مکمل عملدرآمد کا حکم دیا اور کہا کہ خیبر پختونخوا پولیس کے اختیارات صوبے تک محدود ہیں۔
لکی مروت: پولیس موبائل پر خودکش حملہ، ایک اہلکار شہید
آئی جی نے آج تمام ذیلی دفاتر کو بھیجے گئے مراسلہ مین واضح کیا ہے کہ قانونی دائرہ اختیار سے باہر کسی بھی کارروائی کو غیرقانونی سمجھا جائے گا۔
انسپکٹر جنرل ذوالفقار حمید نے عدالتی حکم کی خلاف ورزی پر سخت کارروائی کا عندیہ دیا۔
Waseem Azmet.
ذریعہ
ذریعہ: City 42
کلیدی لفظ: پشاور ہائی کورٹ خیبر پختونخوا
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی