طوفان ڈٹوا سے تباہی، بنگلادیش نے سری لنکا کے لیے امداد کی کھیپ بھیج دی
اشاعت کی تاریخ: 3rd, December 2025 GMT
بنگلادیش نے سری لنکا میں طوفان ڈٹوا کے باعث آنے والے اچانک سیلاب اور لینڈ سلائیڈنگ کے بعد ہنگامی انسانی امداد روانہ کردی ہے۔
یہ بھی پڑھیں: پاک بحریہ کا سری لنکا میں سیلاب ریسکیو آپریشن جاری، متاثرہ خاندان کی محفوظ منتقلی
سری لنکا کے ڈیزاسٹر مینجمنٹ سینٹر کے مطابق اب تک کم از کم 334 افراد جاں بحق ہوچکے ہیں جبکہ 200 سے زائد لاپتا ہیں۔ طوفان اور سیلاب سے 20 ہزار سے زیادہ گھروں کو نقصان پہنچا ہے اور تقریباً 1 لاکھ 23 ہزار افراد کو سرکاری شیلٹرز میں منتقل کیا گیا ہے۔
بنگلادیش نے ہمسایہ اور دوست ملک میں انسانی بحران پر گہرے دکھ کا اظہار کرتے ہوئے سری لنکا کے ساتھ یکجہتی کا اعادہ کیا ہے، سری لنکن حکومت ملک میں ایمرجنسی نافذ کرچکی ہے اور عالمی برادری سے فوری امداد کی اپیل کی ہے۔
سری لنکن وزارت خارجہ نے بنگلادیش ہائی کمیشن سے فوری خوراک، ادویات اور دیگر ریلیف سامان کی فراہمی کی درخواست کی تھی۔
بنگلادیش کی وزارت خارجہ نے چیف ایڈوائزر کی ہدایت پر آرمڈ فورسز ڈویژن کے ساتھ مل کر امدادی کارروائی کو منظم کیا، و بنگلادیش ایئر فورس کا C-130J طیارہ تقریباً 10 ٹن امدادی سامان لے کر کولمبو روانہ ہوا۔
مشن میں ایئر فورس کے 15 اہلکاروں کے ساتھ آرمڈ فورسز ڈویژن اور وزارت خارجہ کے نمائندے بھی شامل ہیں، مشن کمانڈر کی ذمہ داری ایئر کمانڈر محمد شاہدالسلام انجام دے رہے ہیں۔
یہ بھی پڑھیں: سری لنکا کے سیلاب متاثرین کے لیے امدادی سامان روانہ، مشکل کی گھڑی میں ساتھ کھڑے ہیں، وزیراعظم
امدادی پیکج میں ٹینٹس، خشک راشن، مچھر دانیاں، ٹارچ لائٹس، گم بوٹس، واسٹس، دستانے، ریسکیو ہیلمٹس اور ادویات کی بڑی کھیپ شامل ہے۔
بنگلادیش کی مسلح افواج نے کہا ہے کہ یہ امداد سری لنکا میں اچانک سیلاب اور لینڈ سلائیڈنگ سے متاثرہ افراد کی مشکلات کم کرنے میں مدد دے گی، انہوں نے عالمی سطح پر انسانی خدمات کے لیے بنگلادیش کے عزم کا اعادہ بھی کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امداد بنگلہ دیش سری لنکا سیلاب طوفان ڈٹوا لینڈ سلائیڈنگ.
ذریعہ
ذریعہ: WE News
کلیدی لفظ: بنگلہ دیش سری لنکا سیلاب لینڈ سلائیڈنگ سری لنکا کے کے لیے
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار