شو چھوڑنے پر مجبور کیا گیا، پاکستان آئیڈل کے کنٹسٹنٹ کے ججز پر سنگین الزامات
اشاعت کی تاریخ: 10th, December 2025 GMT
پاکستان کے سب سے بڑے موسیقی کے مقابلے پاکستان آئیڈل سیزن 2 کو جہاں ناظرین کی جانب سے بھرپور پذیرائی مل رہی ہے، وہیں یہ شو مختلف تنازعات کا شکار بھی ہے۔ ابتدائی طور پر ججز پینل کو تنقید کا سامنا رہا اور اب شو ایک نئے تنازعے کی زد میں ہے جس کے مرکز میں ٹاپ 16 کنٹسٹنٹ ایم ابرار شاہد ہیں۔
ایم ابرار شاہد نے سوشل میڈیا پر اعلان کیا کہ انہوں نے شو سے خود کو الگ کیا ہے اور انہیں باہر نہیں نکالا گیا۔ ان کا کہنا ہے کہ انہیں شو میں منصفانہ موقع نہیں دیا گیا۔ ان کے مطابق ان کی آواز کو اس قدر آٹوٹیون کیا جا رہا تھا کہ وہ ان کی اصل آواز سے مشابہت نہیں رکھتی تھی جس پر انہوں نے تحفظات کا اظہار کیا۔
View this post on Instagram
A post shared by Muhammad Ibrar Shahid (@m_ibrarshahidmusic)
ابرار شاہد کے مطابق انہیں متعدد کالز آئیں اور کہا گیا کہ پوسٹ ڈیلیٹ کر دیں اور تنبیہ کی گئی کہ اگر وہ شو سے متعلق معاملات پر بات کریں گے تو ان کے خلاف قانونی کارروائی کی جا سکتی ہے تاہم انہوں نے اس کے باوجود اپنا مؤقف عوام کے سامنے رکھنے کا فیصلہ کیا ہے میں سچ بتاؤں گا۔ ان کا مزید دعویٰ ہے کہ ’شروع دن سے ہی مجھے شو میں رکھنے کا ارادہ نہیں تھا۔ ججز نے کئی اچھے کنٹسٹنٹس کو باہر کیا اور اب مجھے بھی نکالنے کی کوشش کی جا رہی تھی کیونکہ میں نے سچ بولا‘۔
دوسری جانب سوشل میڈیا پر صارفین کا ملا جلا ردعمل سامنے آ رہا ہے۔ ایک صارف نے کہا کہ ایگریمنٹ سائن ہوا ہے تو درمیان میں شو چھوڑنے سے آپ کے خلاف لیگل ایکشن لیا جانا بنتا ہے۔ ایک صارف کا کہنا تھا کہ اس سے ثابت ہوتا ہے کہ شو میں کتنے سفارشی گلوکار آئے ہیں جبکہ کئی صارفین نے انہیں اپنے گانے یوٹیوب پر اپلوڈ کرنے کا مشورہ دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایم ابرار شاہد پاکستان آئیڈل سیزن 2 پاکستان آئیڈیل.ذریعہ: WE News
کلیدی لفظ: ایم ابرار شاہد پاکستان ا ئیڈل سیزن 2 پاکستان ا ئیڈیل ابرار شاہد
پڑھیں:
پی ٹی آئی پارلیمانی پارٹی میں پھوٹ! اعلامیے پر ارکان کے سنگین اعتراضات
تحریک انصاف کی پارلیمانی پارٹی کے اعلامیے اور فیصلوں میں اختلافات سامنے آگئے۔پی ٹی آئی ارکان نے الزام عائد کیا ہے کہ اعلامیہ کس نے بنایا،اجلاس کےاعلامیے میں شامل نکات پر بات ہی نہیں ہوئی جب کہ ان ارکان نے گروپس میں کہا کہ پارلیمانی پارٹی میں کچھ بات ہوتی ہےباہرکچھ بتایا جاتا ہے۔اس حوالے سے پی ٹی آئی رہنما عاطف خان نے کہا کہ مجھے رانا ثناء اللہ یا وفاقی وزیر کی کمیٹی بنانے کی پیشکش کا علم نہیں، کل پارلیمانی پارٹی میں کسی کمیٹی میں شمولیت کی پیشکش پر بات نہیں ہوئی،اڈیالاجیل سہولیات پرکمیٹی میں شمولیت پرمیری موجودگی میں کوئی فیصلہ نہیں ہوا۔دوسری جانب پی ٹی آئی پارلیمانی پارٹی کے ارکان ڈاکٹرامجد اورصاحبزادہ صبغت اللہ نےمیڈیا سے گفتگو کی ۔ڈاکٹرامجد نے کہا کہ کل پارلیمانی پارٹی اجلاس میں وفاقی وزیر کی کمیٹی میں شمولیت کاکوئی فیصلہ نہیں ہوا، میرےخیال میں موجودہ صورتحال میں پی ٹی آئی کے لیے ممکن نہیں کہ ان کے ساتھ بیٹھیں، جن کے پاس اختیار نہیں ان کے ساتھ جا کر کیا بیٹھیں یا شامل ہوں، تحریک انصاف نے مذاکرات سے کبھی انکار نہیں کیا۔صاحبزادہ صبغت اللہ نے کہا کہ ہم چاہتے ہیں جو مذاکرات ہوں وہ نتائج کے حامل ہوں، ہم نے سوشل میڈیا اور صحافیوں سے یہ باتیں سنی ہیں،کسی وزیر کی کمیٹی سےمتعلق پارلیمانی کمیٹی میں کوئی بات نہیں ہوئی۔
جو قومیں اپنی ثقافت کو بھلا دیتی ہیں وہ صفحہ ہستی سے مٹ جاتی ہیں، سردار عبدالرحیم