سپرمین اور اسپائیڈر مین نصف صدی بعد دوبارہ ایک ساتھ جلوہ گر ہوں گے
اشاعت کی تاریخ: 10th, December 2025 GMT
ڈی سی کامکس نے اعلان کیا ہے کہ وہ مارول کے ساتھ مشترکہ کراس اوور کامک جاری کررہا ہے جس میں سپرمین اور اسپائیڈر مین ایک ساتھ نظر آئیں گے۔ سپرمین اسپائیڈر مین نمبر 1 نامی یہ ون شاٹ کامک 25 مارچ کو ریلیز ہوگا اور دونوں انڈسٹری جائنٹس کے 5 دہائیوں کے اشتراک کو نمایاں کرے گا۔ سپرمین اور اسپائیڈر مین پہلی بار 1976 میں شائع ہونے والے سپرمین ورسز دی امیزنگ اسپائیڈر مین نمبر 1 میں اکٹھے آئے تھے۔
یہ بھی پڑھیں: دوچھتی میں چھپی نایاب کتاب ’سپرمین‘ 90 لاکھ ڈالر میں فروخت
نئے کامک میں کلارک کینٹ اور پیٹر پارکر صحافتی ذمہ داریوں کے تحت ایک اہم خبر کی کھوج میں مصروف ہیں۔ دونوں رپورٹرز جلد ہی ایک ایسی سازش کے مرکز میں پہنچ جاتے ہیں جسے برینی ایک اور ڈاکٹر آکٹوپس چلا رہے ہیں اور جو دنیا کو بدلنے کی صلاحیت رکھتی ہے۔ تاہم کینٹ اور پارکر عام رپورٹر نہیں ہیں۔
یہ کامک مارک ویڈ نے لکھا ہے جبکہ آرٹ ورکس ہورہے خیمنز نے تیار کیا ہے۔
کامک میں مرکزی کہانی کے ساتھ کئی مختصر بونس اسٹوریز بھی شامل ہوں گی جن میں ڈی سی اور مارول کے درج ذیل کرداروں کے جوڑے پیش کیے جائیں گے
لوئس لین اور میری جین واٹسن
جمی اولسن اور کارنیج
سپر بوائے لیجن اور اسپائیڈر مین 2099
پاور گرل اور پنیشر
سپر بوائے پرائم اور اسپائیڈر مین
اسپیشل کاور ایڈیشنکامک کے لیے مختلف ڈی سی آرٹسٹس نے متعدد ویرینٹ کاور تیار کیے ہیں جن میں مائکل جینن، جم لی، اسکاٹ ولیمز، الیکس سنکلیئر اور رافیل البکرکی شامل ہیں۔
50ویں سالگرہ کی تقریباتڈی سی اور مارول کی پچاس سالہ شراکت کے سلسلے میں 1976 کی اصل کراس اوور پبلیکیشن کے اسپیشل کلیکٹر ایڈیشن بھی جاری کیے جا رہے ہیں۔ ٹریژری ایڈیشن 50تھ اینی ورسری آف سپرمین ورسز دی امیزنگ اسپائیڈر مین نمبر 1 سات جنوری کو جبکہ ڈی سی اینڈ مارول پریزنٹ سپرمین اینڈ اسپائیڈر مین ٹریژری ایڈیشن نمبر 1 چار فروری کو ریلیز ہوں گے۔
یہ بھی پڑھیں: سپرمین کی پہلی فلم پر مبنی کامک بک 6 ملین ڈالر میں فروخت
سال 2025 میں پہلے مارول کی جانب سے ڈیڈ پول بیٹ مین نمبر 1 سترہ ستمبر کو اور بعد ازاں ڈی سی کا بیٹ مین ڈیڈ پول نمبر 1 انیس نومبر کو پیش کیا گیا جنہیں شائقین کی مقبولیت کے باعث اضافی پرنٹ رنز دیے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپائیڈر مین انڈسٹری جائنٹس ڈی سی کامکس سپرمین ہورہے خیمنز.
ذریعہ
ذریعہ: WE News
کلیدی لفظ: اسپائیڈر مین ڈی سی کامکس ہورہے خیمنز اور اسپائیڈر مین
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ