پڈعیدن پولیس اورڈاکوئوں میں مقابلہ، 10سے زائد مقدمات میں مطلوب ملزم گرفتار
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
پڈعیدن(نمائندہ جسارت) پڈعیدن پولیس اور ڈاکووں میں مبینہ مقابلہ دس سے زائد سنگین مقدمات میں اشتہاری مطلوب ڈاکو زخمی حالت میں گرفتار غیرقانونی اسلحہ برآمد،مقدمہ درج۔تفصیلات کے مطابق پڈعیدن تھانہ کی حدود جلال جی لنک روڈ نیئر موری،پڈعیدن پولیس کا دوران گشت واردات کے ارادے سے کھڑے ڈاکووں سے مبینہ مقابلہ ہو گیا جوابی فائرنگ میں ایک ڈاکو کو زخمی حالت میں گرفتار کیا گیا،جبکہ ساتھی ڈاکو فرار ہو گئے۔زخمی گرفتار ڈاکو کی شناخت گاوں دائود لاکھو تعلقہ محرابپور کے رہائشی سائیں داد عرف پوڑھو ولد علی محمد لاکھو کے نام سے ہوئی ہے۔ گرفتار ڈاکو کے قبضے سے ایک غیرقانونی پسٹل برآمد کیا گیا۔زخمی ڈاکو کو اسپتال منتقل کردیا گیا۔زخمی حالت میں گرفتار ڈاکو کے خلاف بھریاروڈ، بھریاسٹی، کنڈیارو اور لاکھاروڈ سمیت مختلف تھانوں پر دہشتگردی اور ڈکیتی سمیت دس سے زائد سنگین مقدمات درج ہیں۔ جن میں وہ اشتہاری تھا۔ 20/203, 324, 353، 21/2020 392, 67/2020, 40 399 198/203, 324, 353, 402, 399، 29/2023, 324, 353، 01/20،21،353, 323 48گرفتار ملزم کا مزید ریکارڈ چیک کیاجارہاہے۔
ذریعہ
ذریعہ: Jasarat News
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا