ٹنڈوآدم، کھڈرو سٹی فیڈر لوڈ شیڈنگ فری کرنیکا اعلان
اشاعت کی تاریخ: 19th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ٹنڈوآدم ( نمائندہ جسارت)کھڈرو میں بجلی کے نئے فیڈر کا افتتاح ، افتتاح سی او حیسکو نے کیا ، کھڈرو سٹی فیڈر کو لوڈ شیڈنگ فری کرنے کا اعلان کرتا ہوں۔ سی او حیسکو فیض اللہ ڈاہری۔تفصیلات کے مطابق گزشتہ شب سانگھڑ نواب شاہ روڈ پر واقع سچل گارڈن کھڈرو میں حیسکو چیف فیض اللہ ڈاہری نے کھڈرو شہر کی بجلی کو لوڈ شیڈنگ سے آزاد کرنے کا اعلان کرتے ہوئے کہا کہ ہماری کوشش ہے کہ جس جس شہر اور دیہات میں لائٹ کی ماہانہ ریکوری مکمل ہوتی ہے وہاں بجلی کی لوڈ شیڈنگ ختم کردی جائے تاکہ صارفین کو لوڈشیڈنگ کی اذیت سے نجات مل سکے اور صارفین سہولت کے ساتھ بجلی کو استعمال کرسکیں ، انہوں نے کہا کہ کہ میں فیض اللہ ڈاہری سی او حیسکو حیدرآباد یہ اعلان کرتا ہوں کہ آج 17 فروری 2026 ابھی 8 بجکر 40 منٹ سے کھڈرو سٹی لوڈ شیڈنگ فری ہوگا ، اور شہر کو بجلی فراہم کرنے والے فیڈر (جو کم و بیش تین کروڑ روپے کی لاگت سے نصب ہوا ہے) کا نام کھڈرو سٹی فیڈر ہوگا ، انہوں نے کہا کہ بجلی کی بلاتعطل فراہمی اس بات پر منحصر ہے کھڈرو کے بجلی صارفین نہ خود بجلی چوری کرینگے اور نہ ہی چوری ہونے دینگے اور اس بات کی یقین دہانی کھڈرو کے نوٹ ایبل پرسن کو تحریری معاہدے کی صورت میں کرانی ہوگی , انہوں نے کہا کہ میری یہ کوشش ہے کہ ہر اس فیڈر کو لوڈشیڈنگ فری کردیا جائے جہاں بجلی چوری نہ ہوتی ہو ، بل ادا کرنے والے صارفین کا یہ حق بنتا ہے کہ انہیں بلاتعطل بجلی فراہم کی جائے ، انہوں نے کہا کہ بحیثیت سی او وہ اس سے قبل 35 فیڈر لوڈ شیڈنگ فری کرچکے ہیں اور آج یہ 36 واں فیڈر کھڈرو سٹی نیو فیڈر ہے جسے لوڈ شیڈنگ سے آزاد کیا جاتا ہے بعد ازاں ایکسیئن حیسکو سانگھڑ اور کھڈرو کی بزنس کمیونٹی کے سربراہ غلام مصطفیٰ خلجی نے تحریری معاہدے پر دستخط کئے ، انہوں نے ایس ڈی او حضوربخش ڈاہری سمیت تمام ان افسران کی تحسین فرمائی جنہوں نے فیڈر کی تکمیل میں اپنا احسن کردار ادا کیا اور ساتھ ہی کھڈرو شہر کی میر برادری خصوصاّ میر مقبول احمد تالپور ، ڈاکٹر الہی بخش تالپور حاجی میر علی نواز حاجی انور علی تالپور کا بھی شکریہ ادا کیا کہ انہوں ان کے اعزاز میں اتنی شاندار تقریب کا اہتمام کیا ، پروگرام میں معذزین شہر نیاز احمد جونیجو _چیئرمین ٹاوْن کمیٹی کھڈرو ، محمد رفیق منصوری امیر جماعت اسلامی ضلع سانگھڑ ، محمد مراد جونیجو سینئر صحافی عبدالقادر ڈاہری ، الیاس انجم افتخار علی ہوندل نعیم تالپور حاکم نایاب ریاض ڈاہری ، سمیت حیسکو عملدار ایس ای نواب شاہ ایکسئن سانگھڑ طارق ایس ڈی او ارشاد احمد لغاری سمیت سینکڑو ں افراد نے شرکت کی۔
ذریعہ
ذریعہ: Jasarat News
کلیدی لفظ: انہوں نے کہا کہ لوڈ شیڈنگ فری کو لوڈ
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ