رکن قومی اسمبلی ملک ابرار احمد: پی ٹی آئی قیادت اپنے بانی کے بیانیے سے لاتعلق ہو چکی ہے
اشاعت کی تاریخ: 7th, December 2025 GMT
رکن قومی اسمبلی اور چیئرمین قائمہ کمیٹی کابینہ ڈویژن ملک ابرار احمد نے کہا ہے کہ ریاست نے برداشت کی پالیسی ترک کر کے قانون کے نفاذ کا فیصلہ کر لیا ہے، اور اب قومی سلامتی یا اداروں کی تضحیک صرف رائے کی آزادی کے زمرے میں نہیں بلکہ جرم تصور کی جائے گی۔ ان کا کہنا تھا کہ پی ٹی آئی کی قیادت اپنے بانی کے بیانیے سے مکمل طور پر لاتعلق ہو چکی ہے۔
راولپنڈی پریس کلب میں ممبران پنجاب اسمبلی ملک افتخار احمد اور ملک منصور افسر کے ہمراہ پریس کانفرنس میں ملک ابرار احمد نے کہا کہ جب معاملہ ریاست کی بقا اور سرحدوں کے محافظ اداروں کا ہو تو سیاسی وابستگیاں ثانوی ہو جاتی ہیں۔ آج کا مقدمہ سیاست نہیں بلکہ ریاست اور آئندہ نسلوں کے مستقبل کا ہے۔
انہوں نے پی ٹی آئی پر سخت تنقید کرتے ہوئے کہا کہ وہ جماعت جو ’تبدیلی‘ کے نام پر آئی تھی، آج ’تباہی‘ کے دہانے پر کھڑی ہے۔ ملک ابرار احمد نے مزید کہا کہ پی ٹی آئی کے اندرونی ذرائع اور میڈیا رپورٹس بھی یہ ظاہر کر رہی ہیں کہ معاملہ اب ہاتھ سے نکل چکا ہے۔
رکن قومی اسمبلی نے کہا کہ جب ایک جماعت کی اعلیٰ قیادت نجی محفلوں میں تسلیم کرے کہ اس کا لیڈر غلط سمت میں جا رہا ہے لیکن عوام کے سامنے سچ نہ بولے، تو اسے سیاست نہیں بلکہ منافقت کہا جاتا ہے۔ انہوں نے کہا کہ یہ اب ڈھکی چھپی بات نہیں رہی کہ پی ٹی آئی کی قیادت اپنے بانی کے سوشل میڈیا اکاؤنٹس اور ٹویٹس سے لاتعلقی ظاہر کر رہی ہے، اور سنجیدہ لوگ اسے شیئر کرنے سے بھی کتراتے ہیں، جو اس بات کا ثبوت ہے کہ یہ راستہ سیاست نہیں بلکہ ’خودکشی‘ ہے۔
ملک ابرار احمد نے پی ٹی آئی کارکنان سے کہا کہ انہیں سوچنا چاہیے کہ وہ لیڈر جن کے بچے لندن اور امریکا میں محفوظ ہیں، کیوں آپ کو ڈرائنگ رومز میں چھپ کر ریاست سے لڑوا رہے ہیں۔ حب الوطن کارکنان کو اس شخص کے سحر سے باہر آنا ہوگا جو انہیں ریاست کے مخالف لے جا رہا ہے۔
انہوں نے قومی سلامتی کے اداروں کے موجودہ موقف کی بھی حمایت کی اور کہا کہ ریاستی اداروں کی جانب سے پیش کیے گئے حقائق صرف بیان نہیں بلکہ ایک ’حتمی فیصلہ‘ ہیں، جس کا مطلب واضح ہے کہ ریاست نے برداشت کی پالیسی ترک کر کے آئین اور قانون کے سخت نفاذ کا فیصلہ کر لیا ہے۔
ذریعہ
ذریعہ: Daily Mumtaz
کلیدی لفظ: ملک ابرار احمد نے نہیں بلکہ پی ٹی ا ئی کہ ریاست نے کہا کہا کہ
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ