چیف آف ڈیفنس فورسز منصب کا قیام تاریخی پیشرفت قرار
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
251208-08-3
اسلام آباد (صبا ح نیوز)پاکستان بزنس فورم نے فیلڈ مارشل عاصم منیر کو پاکستان کے پہلے چیف آف ڈیفنس فورسز مقرر ہونے اور ان کے منصب چیف آف آرمی اسٹاف کے ساتھ اس تاریخی اعزاز پر مبارکباد پیش کی ہے۔ فورم کے صدر خواجہ محبوب الرحمٰن، چیف آرگنائزر چودھری احمد جواد، سینئر نائب صدر آمنہ اعوان، صوبائی چیئرمین محمد اشفاق پراچہ، ملک طلعت سہیل، طارق جدون، دارو خان اچکزئی اور محمد نصیر ملک نے اپنے مشترکہ بیان میں کہا کہ بزنس کمیونٹی اس تاریخی فیصلے کا خیرمقدم کرتی ہے، جو پاکستان کے دفاعی ڈھانچے کی ایک اہم پیش رفت ہے۔ بیان میں کہا گیا کہ چیف آف ڈیفنس فورسز کے نئے عہدے کا قیام انتہائی اہم سنگ میل ہے، جس سے آرمی، نیوی اور ائرفورس کے درمیان موثر فیصلہ سازی ممکن ہو سکے گی۔ معاشی و کاروباری نقطۂ نظر سے یہ یکجا کمانڈ ملکی استحکام، شفافیت اور مضبوطی کی علامت ہے، جو سرمایہ کاروں کے اعتماد اور طویل المدتی معاشی منصوبہ بندی کے لیے نہایت اہم ہے۔ پاکستان بزنس فورم کے صدر کراچی ملک خدا بخش اور دیگر ضلعی صدور ساجد حسین تارڑ، عمار یاسر خواجہ، سردار نجیب اللہ، میاں کاشف ضیا، سعد خان زاہد، شاہ ولی اچکزئی نے بھی فیلڈ مارشل عاصم منیر کو چیف آف ڈیفنس فورسز مقرر ہونے پر مبارکباد پیش کی اور کہا کہ انہوں نے پاکستان کا وقار عالمی سطح پر بلند کیا ہے۔ مزید برآں فورم نے ائرچیف مارشل ظہیر احمد بابر سدھو کو بھی مزید 2 سال کی سروس ایکسٹینشن ملنے پر بھی مبارکباد پیش کی اور اس امر کا اظہار کیا کہ پاک فضائیہ ان دو سالوں میں اپنی پیشہ ورانہ صلاحیتوں کا مزید لوہا بنوائے گی۔
ذریعہ: Jasarat News
کلیدی لفظ: چیف ا ف ڈیفنس فورسز
پڑھیں:
مشعال ملک کی فیلڈ مارشل عاصم منیر کو چیف آف ڈیفنس فورسز بننے پر مبارکباد
اپنے بیان میں حریت رہنما کی اہلیہ نے فیلڈ مارشل سید عاصم منیر کو چیف آف ڈیفنس فورسز بننے پر مبارکباد پیش کی اور ان کی تقرری کو پاکستان اور کشمیر کیلئے خوش آئند قرار دے دیا۔ اسلام ٹائمز۔ حریت رہنما یاسین ملک کی اہلیہ مشعال ملک نے فیلڈ مارشل سید عاصم منیر کو چیف آف ڈیفنس فورسز بننے پر مبارکباد پیش کی اور ان کی تقرری کو پاکستان اور کشمیر کیلئے خوش آئند قرار دے دیا۔ اپنے بیان میں مشعال ملک کا کہنا تھا کہ فیلڈ مارشل عاصم منیر جرات و قائدانہ صلاحیت کے حامل ہیں، بھارتی جارحیت کے مقابلے میں عاصم منیر کی حکمت عملی نے کشمیریوں کا حوصلہ بڑھایا، عاصم منیر کی قیادت میں پاکستان کا دفاع مزید مضبوط ہوا۔ انہوں نے کہا کہ عالمی سطح پر پاکستان کا وقار بلند ہوا، فیلڈ مارشل عاصم منیر کی تعیناتی کا خیرمقدم کرتے ہیں۔ مشعال ملک کا مزید کہنا تھا کہ بری، بحری، فضائی افواج کا رابطہ مزید مضبوط ہو گا، خطے میں امن و استحکام کے نئے دور کی توقعات ہیں، کشمیری عوام پاک افواج کی قربانیوں کو سلام پیش کرتی ہے۔
ٹنڈومحمدخان ،ڈپٹی کمشنر کی زیر صدارت اجلاس کا انعقاد