محنت کشوں کے مسائل پر ڈائریکٹر جنرل لیبر سندھ سے ملاقات
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
نیشنل لیبر فیڈریشن سندھ کے صدر شکیل احمد شیخ کی قیادت میں اینگرو فرٹیلائزر کنٹریکٹر ورکرز یونین CBAکے صدر اور NLF ڈہرکی زون کے صدر عبد الفتاح ملک ، جنرل سیکرٹری رمضان سمیجو، پی ایم انڈس ون اینگرو فرٹیلائزر ورکرز یونین CBAکے صدر امید علی بھگیو جنرل سیکرٹری مرتضیٰ ملک، پی ایم انڈس ٹو اینگرو فرٹیلائزر ورکرز یونین CBA کے صدر عالم سمیجو جنرل سیکرٹری نیاز احمد اور دیگر عہدیداران نے ڈائریکٹر لیبر جنرل سندھ نظیر احمد سومرو سے ان کے دفتر میں ملاقات کی اور انہیں عہدہ سنبھالنے پر دلی مبارکباد پیش کی۔ اس موقع پر شکیل احمد شیخ نے اینگرو فرٹیلائزر کمپنی کی انتظامیہ کی مزدور دشمن رویہ سے متعلق صورتحال سے آگاہ کیا اور بتایا کہ اس وقت ڈہرکی سندھ کا دوسرا بڑا صنعتی زون ہے۔ اس میں اہم صنعتی ادارے موجود ہیں لیکن محنت کشوں کو جائز اور قانونی مراعات دینے کے بجائے انہیں ٹھیکہ داری سسٹم کے ذریعے دبایا جا رہا ہے جس سے ڈھرکی کے صنعتی امن میں بار بار روکاوٹیں پیدا ہوتی ہیں۔ یہ ہی صورتحال اینگرو فرٹیلائز کمپنی کی انتظامیہ کی جانب سے کی جا رہی ہے۔ کم از کم اجرت کے قوانین پر عمل درآمد کرنے کے بجائے حیلے بہانے بنا کر محنت کشوں کو مشتعل کیا جا رہا ہے جس کی وجہ سے ڈہرکی کے تمام محنت کشوں نے مشترکہ طور پر احتجاج کرتے ہوئے اینگرو انتظامیہ کی مزدور دشمن رویہ سے مجبور ہو کر احتجاج کا راستہ اختیار کیا۔ اس دوران جوائنٹ ڈائریکٹر لیبر سکھر نے بھی کوئی اہم کردار ادا کرنے کے بجائے ان حساس معاملات پر کوئی سخت رد عمل ظاہر نہیں کیا جس کی وجہ سے انتظامیہ کا مزید حوصلہ پیدا ہو گیا۔ اس کی وجہ سے محنت کشوں کو انتہائی پر امن احتجاج کا راستہ اختیار کرنا پڑا۔ ڈائریکٹر جنرل لیبر سندھ نظیر احمد سومرو نے تمام صورتحال کو تسلی بخش طریقے سے سنا اور انتظامیہ کو بھی تنبیہہ کرتے ہوئے کہا کہ لیبر قوانین کے مطابق محنت کشوں کو مراعات دی جائیں۔ اس موقع پر نیشنل لیبر فیڈریشن سندھ کے صدر شکیل احمد شیخ نے ڈائریکٹر جنرل کو ڈہرکی کا دورہ کرنے کی دعوت دی جو انہوں نے قبول کرتے ہوئے کہا کہ میں خود ڈہرکی کا دورہ کروں گا اور محنت کشوں اور انتظامیہ کے امور کا جائزہ لوں گا چونکہ میں نے ابھی چارج سنبھالا ہے۔ آئندہ کچھ دنوں میں انشاء اﷲ بہتر اقدامات نظر آئیں گے جو کہ محنت کشوں کے جائز حقوق اور انتظامیہ کو پابند کرنے کے لیے کہ وہ لیبر قوانین پر بھر پور عمل درآمد کروانے کے لیے میں اپنی جانب سے بھر پور اقدامات کروں گا۔ میٹنگ میں اینگرو فرٹیلائزر کنٹریکٹر ورکرز یونینCBA کے صدر، جنرل سیکرٹری اور دیگر دو یونینوں کے صدر، جنرل سیکرٹری نے بھی ڈائریکٹر جنرل کا شکریہ ادا کیا اور ان سے درخواست کی کہ سکھر ریجن کو بہتر طریقے سے فعال کیا جائے۔
ذریعہ
ذریعہ: Jasarat News
کلیدی لفظ: اینگرو فرٹیلائزر ڈائریکٹر جنرل جنرل سیکرٹری محنت کشوں کو کے صدر
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ