ٹنڈومحمدخان ،ڈپٹی کمشنر کی زیر صدارت اجلاس کا انعقاد
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈو محمد خان(نمائندہ جسارت)ڈپٹی کمشنر کی زیر صدارت قومی سطح پر تشدد اور انتہاپسندی سے بچاؤ کے اقدامات (NPVE) اور تشدد پر مبنی انتہاپسندی کے خاتمے کے اقدامات (CVE) سے متعلق اہم اجلاس منعقد ہوا، جس میں اے ڈی سی ون نعیم احمد سومرو، تمام اسسٹنٹ کمشنران، ڈپٹی ڈائریکٹر انفارمیشن غوث محمد پٹھان،ٹنڈو محمد خان پریس کلب کے صدر غلام نبی کیریو، یونین آف جرنلسٹ کے صدر رمضان شورو، جنرل سیکریٹری مظفر رند سمیت دیگر صحافیوں، محکمہ تعلیم اور دیگر سیکورٹی اداروں کے نمائندوں نے شرکت کی۔ اجلاس میں نیکٹا کی منظور کردہ NPVE پالیسی 2024 اور نومبر 2025 کے عملدرآمد پلان (Implementation Update) کا تفصیلی جائزہ لیا گیا۔ ڈپٹی کمشنر نے کہا کہ پرتشدد انتہا پسندی کی روک تھام کے لیے تمام متعلقہ محکموں کے درمیان مربوط حکمتِ عملی، مؤثر رابطہ کاری اور بروقت اقدامات انتہائی ضروری ہیں۔ انہوں نے محکمہ اطلاعات اور صحافتی برادری کو ہدایت کی کہ امن، برداشت، قانون کی پاسداری اور ہم آہنگی کے پیغام کو مؤثر انداز میں عوام تک پہنچایا جائے، جبکہ محکمہ تعلیم کو اسکولوں اور کالجوں میں آگاہی سرگرمیوں کو مزید فعال کرنے کی ہدایت کی۔ حساس اداروں کی جانب سے ضلع میں کمیونٹی انگیجمنٹ اور سیکیورٹی سے متعلق تجاویز بھی پیش کی گئیں۔ اسی موقع پر ڈپٹی کمشنر نے پریس کلب کے صدر کو مشورہ دیا کہ ضلع اور تعلقہ سطح کے پریس کلبوں میں صحافتی اصولوں اور ذمہ دارانہ رپورٹنگ سے متعلق سیمینار منعقد کیے جائیں، تاکہ پالیسی سے متعلق دی گئی ہدایات تمام صحافیوں تک مؤثر طریقے سے پہنچ سکیں اور وہ اپنے فرائض مزید بہتر انداز میں ادا کرسکیں۔
ذریعہ
ذریعہ: Jasarat News
کلیدی لفظ: ڈپٹی کمشنر
پڑھیں:
پٹرولیم قیمتوں کے روزانہ تعین پر سینیٹ میں توجہ دلاؤ نوٹس جمع
توجہ دلاؤ نوٹس میں جے یو آئی کے سینیٹر نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ اسلام ٹائمز۔ سینیٹر کامران مرتضیٰ نے پٹرولیم مصنوعات کی قیمتوں کے 15 روزہ نظام کے بجائے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔ توجہ دلاؤ نوٹس میں وفاقی حکومت سے مجوزہ پالیسی پر وضاحت طلب کرتے ہوئے کہا گیا ہے کہ روزانہ قیمتوں کے تعین سے مہنگائی، ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے۔ نوٹس کے متن کے مطابق مجوزہ نظام کے کاروباری سرگرمیوں اور عوامی زندگی کے اخراجات پر ممکنہ اثرات سے متعلق بھی سوالات اٹھائے گئے ہیں۔
سینیٹر کامران مرتضیٰ نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ انہوں نے مطالبہ کیا کہ عوام کو ممکنہ منفی اثرات سے بچانے کے لیے اختیار کیے جانے والے حفاظتی اقدامات سے بھی سینیٹ کو آگاہ کیا جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار