الاسکا میں اگلے 64 دن تک سورج طلوع نہیں ہوگا، دلچسپ وجہ جانیے
اشاعت کی تاریخ: 25th, November 2025 GMT
امریکی ریاست الاسکا کے سب سے شمالی شہر اتقیاگوِک نے ایک بار پھر وہ منظر دیکھ لیا ہے جو دنیا کے صرف چند مقامات کو نصیب ہوتا ہے، یہاں سورج نے آخری جھلک دکھا کر 64 دن کی رخصت لے لی ہے۔
قطبی رات (Polar Night) کے آغاز کے ساتھ ہی یہ علاقہ اب 22 جنوری 2026 تک سورج کی روشنی سے محروم رہے گا۔
یہ غیر معمولی رجحان زمین کے محور کے جھکاؤ کی وجہ سے ہوتا ہے، جس کے باعث اتقیاگوِک میں پورے دو ماہ تک سورج افق سے اوپر نہیں آ پاتا۔
دلچسپ بات یہ ہے کہ یہ شہر مکمل اندھیرے میں غائب نہیں ہوگا۔ روزانہ چند گھنٹوں کے لیے یہاں ’’سِوِل ٹوائلائٹ‘‘ نامی ہلکی نیلی روشنی چھا جاتی ہے، جو بالکل ایسی ہوتی ہے جیسے سورج نکلنے سے پہلے کی دھیمی چمک۔
تقریباً 4,400 آبادی پر مشتمل یہ بستی فیئر بینکس سے 500 میل دور ہے اور اس خطے میں پانچویں صدی عیسوی تک کے قدیم آثار بھی موجود ہیں، جو اسے تاریخی لحاظ سے بھی منفرد بناتے ہیں۔
سورج کی غیر موجودگی محض اندھیرا ہی نہیں لاتی، بلکہ شدید سرد ہوائیں، برفانی ٹھنڈک اور موسم کے تیزی سے بدلتے مزاج بھی ساتھ لاتی ہیں۔ قطبی رات کے دوران درجہ حرارت خطرناک حد تک نیچے گر جاتا ہے اور اسی عمل کے نتیجے میں ’’پولر ورٹیکس‘‘ جیسی برفانی ہوا کے کم دباؤ والے نظام بنتے ہیں جو کبھی کبھار دنیا کے جنوبی حصوں تک بھی اثر انداز ہوجاتے ہیں۔
دلچسپ تضاد یہ ہے کہ وہی شہر جو سردیوں میں دو ماہ کی تاریکی جھیلتا ہے، گرمیوں میں تقریباً تین ماہ تک سورج کی مکمل روشنی میں نہاتا رہتا ہے۔ یہاں تک کہ اسی مسلسل روشنی میں بیرو ہائی اسکول کی امریکا کی سب سے شمالی فٹ بال ٹیم بھی اپنا سیزن کھیلتی ہے۔
الاسکا کا یہ حیران کن موسمی سفر ایک بار پھر شروع ہوچکا ہے۔ دنیا کے نقشے میں اپنی ہی ڈگر پر چلنے والا یہ خطہ ایک بار پھر تاریکی اور روشنی کے غیر معمولی دور میں داخل ہوگیا ہے۔
.
ذریعہ
ذریعہ: Express News
کلیدی لفظ: تک سورج
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار