این اے 143 اور پی پی 203 میں ن لیگ نے میدان مار لیا
اشاعت کی تاریخ: 23rd, November 2025 GMT
ساہیوال (ڈیلی پاکستان آن لائن) چیچہ وطنی میں ہونے والے قومی اور پنجاب اسمبلی کے ضمنی الیکشن میں مسلم لیگ ن نے دونوں نشستوں پر میدان مارلیا ہے۔ واضح رہے کہ یہاں سے پی ٹی آئی نے الیکشن میں حصہ نہیں لیا۔
نجی ٹی وی دنیا نیوز کے مطابق این اے 143 کے تمام 442 پولنگ سٹیشنز کا غیر حتمی اور غیر سرکاری نتیجہ آگیا جس کے مطابق یہاں سے ن لیگ نے میدان مارلیا۔
ن لیگ کے چوہدری طفیل جٹ نے ایک لاکھ 36 ہزار 313 ووٹ لے کر کامیابی حاصل کی ۔ آزاد امیدوار ضرار اکبر 13 ہزار 120 ووٹ لے کر دوسرے نمبر پر رہے۔
پی ٹی آئی کا 26 نومبر کو یوم سیاہ منانے کا اعلان
پی پی 203 کے تمام 185 پولنگ سٹیشنز کا بھی غیر حتمی اور غیر سرکاری نتیجہ مکمل ہوگیا ہے اور یہاں بھی ن لیگ فاتح رہی ہے ۔ ن لیگ کے محمد حنیف جٹ 46 ہزار 820 ووٹ لے کر کامیاب قرار پائے ہیں جب کہ آزاد امیدوار فلک شیر ڈوگر 10 ہزار 975 ووٹ لے کر دوسرے نمبر پر رہے۔
مزید :.ذریعہ: Daily Pakistan
کلیدی لفظ: ووٹ لے کر
پڑھیں:
لاہور کے حلقہ این اے 129 میں انتخابی میدان سج گیا، حلقے میں کس برداری کا ووٹ بینک زیادہ ہے؟
پنجاب میں قومی اسمبلی کی 6 اور صوبائی اسمبلی کی 7 نشستوں پر ضمنی انتخابات کی پولنگ جاری ہے۔
قومی اسمبلی کے حلقہ این اے 129 لاہور میں سابق وفاقی وزیر حماد اظہر کے والد میاں محمد اظہر کی وفات سے خالی ہونے والی نشست پر بھی آج ضمنی انتخاب ہو رہا ہے۔ پولنگ صبح 8 بجے شروع ہو کر شام 5 بجے تک بغیر کسی وقفے کے جاری رہے گی۔
اس اہم حلقے میں کل رجسٹرڈ ووٹرز کی تعداد 5 لاکھ 58 ہزار 364 ہے جن میں 2 لاکھ 89 ہزار 339 مرد اور 2 لاکھ 69 ہزار 25 خواتین ووٹرز شامل ہیں۔ الیکشن کمیشن آف پاکستان نے حلقے میں 334 پولنگ اسٹیشنز اور 1,045 پولنگ بوتھز قائم کیے ہیں جن میں 133 مردوں، 131 خواتین اور 70 مشترکہ پولنگ اسٹیشنز شامل ہیں۔
یہ بھی پڑھیے: ضمنی انتخابات: قومی اسمبلی کی 6 اور پنجاب اسمبلی کی 7 نشستوں پر پولنگ جاری
برادریوں کے ووٹ بینک کے لحاظ سے این اے 129 میں آرائیں، جٹ، راجپوت، کشمیری، شیخ اور سید برادریوں کا بڑا ووٹ بینک موجود ہے، جن میں خاص طور پر آرائیں، کشمیری اور راجپوت برادریوں کو فیصلہ کن سمجھا جا رہا ہے۔
انتخابی میدان میں حکومتی اتحاد کی حمایت یافتہ امیدوار حافظ میاں نعمان اور پاکستان تحریک انصاف کی حمایت یافتہ آزاد امیدوار ارسلان احمد کے درمیان سخت مقابلے کی توقع ہے۔
حافظ میاں نعمان کے حامیوں کا دعویٰ ہے کہ حلقے میں حکومتی ترقیاتی منصوبوں کی وجہ سے عوام کی بڑی تعداد ان کی طرف مائل ہو رہی ہے، جبکہ تحریک انصاف کی طرف سے الزام عائد کیا جا رہا ہے کہ حکومت نے انتخاب سے قبل ترقیاتی کاموں کے ذریعے دھاندلی کی اور ان کی مہم کو بینرز اتارنے سمیت مختلف طریقوں سے روکا گیا۔
یہ بھی پڑھیے: پنجاب ضمنی انتخابات پر اثر انداز ہونے کا خدشہ، الیکشن کمیشن کا اظہار تشویش
اس حلقے میں 4 صوبائی نشستیں بھی شامل ہیں، جس کی وجہ سے یہ انتخاب سیاسی اور برادریوں کے ووٹ بینک کے لحاظ سے انتہائی اہمیت کا حامل سمجھا جا رہا ہے۔
نتائج کا حتمی فیصلہ تو ووٹوں کی گنتی کے بعد ہی ہوگا، تاہم پولنگ کے دوران ووٹرز کی بڑی تعداد پولنگ اسٹیشنز پر موجود ہے اور پرامن ماحول میں ووٹنگ جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن پولنگ ضمنی انتخابات لاہور کے حلقہ این اے 129 ووٹنگ
مضر صحت دودھ ، غیر قانونی ایل پی جی کی فروخت کیخلاف کریک ڈائون