لاہور کے حلقہ این اے 129 میں انتخابی میدان سج گیا، حلقے میں کس برداری کا ووٹ بینک زیادہ ہے؟
اشاعت کی تاریخ: 23rd, November 2025 GMT
پنجاب میں قومی اسمبلی کی 6 اور صوبائی اسمبلی کی 7 نشستوں پر ضمنی انتخابات کی پولنگ جاری ہے۔
قومی اسمبلی کے حلقہ این اے 129 لاہور میں سابق وفاقی وزیر حماد اظہر کے والد میاں محمد اظہر کی وفات سے خالی ہونے والی نشست پر بھی آج ضمنی انتخاب ہو رہا ہے۔ پولنگ صبح 8 بجے شروع ہو کر شام 5 بجے تک بغیر کسی وقفے کے جاری رہے گی۔
اس اہم حلقے میں کل رجسٹرڈ ووٹرز کی تعداد 5 لاکھ 58 ہزار 364 ہے جن میں 2 لاکھ 89 ہزار 339 مرد اور 2 لاکھ 69 ہزار 25 خواتین ووٹرز شامل ہیں۔ الیکشن کمیشن آف پاکستان نے حلقے میں 334 پولنگ اسٹیشنز اور 1,045 پولنگ بوتھز قائم کیے ہیں جن میں 133 مردوں، 131 خواتین اور 70 مشترکہ پولنگ اسٹیشنز شامل ہیں۔
یہ بھی پڑھیے: ضمنی انتخابات: قومی اسمبلی کی 6 اور پنجاب اسمبلی کی 7 نشستوں پر پولنگ جاری
برادریوں کے ووٹ بینک کے لحاظ سے این اے 129 میں آرائیں، جٹ، راجپوت، کشمیری، شیخ اور سید برادریوں کا بڑا ووٹ بینک موجود ہے، جن میں خاص طور پر آرائیں، کشمیری اور راجپوت برادریوں کو فیصلہ کن سمجھا جا رہا ہے۔
انتخابی میدان میں حکومتی اتحاد کی حمایت یافتہ امیدوار حافظ میاں نعمان اور پاکستان تحریک انصاف کی حمایت یافتہ آزاد امیدوار ارسلان احمد کے درمیان سخت مقابلے کی توقع ہے۔
حافظ میاں نعمان کے حامیوں کا دعویٰ ہے کہ حلقے میں حکومتی ترقیاتی منصوبوں کی وجہ سے عوام کی بڑی تعداد ان کی طرف مائل ہو رہی ہے، جبکہ تحریک انصاف کی طرف سے الزام عائد کیا جا رہا ہے کہ حکومت نے انتخاب سے قبل ترقیاتی کاموں کے ذریعے دھاندلی کی اور ان کی مہم کو بینرز اتارنے سمیت مختلف طریقوں سے روکا گیا۔
یہ بھی پڑھیے: پنجاب ضمنی انتخابات پر اثر انداز ہونے کا خدشہ، الیکشن کمیشن کا اظہار تشویش
اس حلقے میں 4 صوبائی نشستیں بھی شامل ہیں، جس کی وجہ سے یہ انتخاب سیاسی اور برادریوں کے ووٹ بینک کے لحاظ سے انتہائی اہمیت کا حامل سمجھا جا رہا ہے۔
نتائج کا حتمی فیصلہ تو ووٹوں کی گنتی کے بعد ہی ہوگا، تاہم پولنگ کے دوران ووٹرز کی بڑی تعداد پولنگ اسٹیشنز پر موجود ہے اور پرامن ماحول میں ووٹنگ جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن پولنگ ضمنی انتخابات لاہور کے حلقہ این اے 129 ووٹنگ.
ذریعہ
ذریعہ: WE News
کلیدی لفظ: الیکشن پولنگ ضمنی انتخابات لاہور کے حلقہ این اے 129 ووٹنگ ضمنی انتخابات اسمبلی کی ووٹ بینک رہا ہے
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ