17 سال میں پہلی بار؛ فٹبالر کو اپنے ہی ساتھی کو تھپڑ مارنے پر ریڈ کارڈ؛ ویڈیو وائرل
اشاعت کی تاریخ: 25th, November 2025 GMT
پریمیئر لیگ میں معروف فٹبال ٹیم مانچسٹر یونائیٹڈ کے ایک غیر معمولی اور حیران کن واقعے نے شائقین اور پنڈتوں کو بھی چونکا دیا۔
فٹبال کے تاریخ دانوں کا دعویٰ ہے کہ یہ انوکھا واقعہ 17 سال بعد دوبارہ پیش آیا ہے جب ایک فٹبالر نے کھیل کے دوران اپنے ہی ٹیم کے کھلاڑی کو تھپڑ جڑ دیا اور ریڈ کارڈ کا حقدار بھی ٹھہرایا گیا۔
سنسنی خیز میچ کے صرف 13ویں منٹ میں پیش آنے والے اس واقعے کی تفصیل یوں ہے کہ ایورٹن کے برونو فرنینڈس کو گول کرنے کا سنہری موقع ملا تھا۔
تاہم برونو فرنینڈس کی گول پوسٹ کی جانب ماری گئی شاٹ کراس بار سے اوپر چلی گئی۔ اس ناکام کوشش کے بعد اچانک یونائیٹڈ کے مڈفیلڈر گوئے اور ڈیفینڈر کین آپس میں جھگڑ پڑے۔
@strettyendGueye red card incident with Keane - view from the Stretford End #mufc #muneve #gueye #keane #redcard
♬ original sound - strettyendدونوں کے درمیان ہونے والی تلخ کلامی چند ہی سیکنڈ میں ہاتھا پائی تک پہنچ گئی۔ مانچسٹر کے دیگر کھلاڑی اپنے دونوں کھلاڑیوں کی اس حرکت پر حیران تھے۔
کھچا کھچ بھرے اسٹیڈیم میں شائقین بھی پریشان تھے کہ آخر یہ ہو کیا رہا ہے۔ امپائر کے بار بار وسل بجانے اور تنبیہ کے بھی دونوں کھلاڑیوں نے ایک دوسرے کو دھکے دینا جاری رکھا۔
اور پھر اچانک کھلاڑی گوئے نے اپنے ہی ٹیم کے دفاعی کھلاڑی کین کے چہرے پر بھرپور تھپڑ رسید کر دیا جس پر گول کیپر جورڈن نے آگے بڑھ کر فوراً بیچ بچاؤ کرایا۔
ریفری ٹونی ہیرنگٹن نے اس سنگین اور غیر معمولی صورت حال کو دیکھتے ہوئے بغیر کوئی وقت ضائع کیے تھپڑ مارنے والے گوئے کو ریڈ کارڈ دکھا کر گراؤنڈ سے باہر جانے کا حکم دے دیا۔
جس کے بعد یونائیٹڈ کی ٹیم کو 10 کھلاڑیوں کے ساتھ بقیہ میچ کھیلنا پڑا اور اس کا خمیازہ ایورٹن سے ایک مقابلے میں صفر گول سے شکست کھا کر بھرا۔
.
ذریعہ: Express News
پڑھیں:
سندھ ہائیکورٹ کا حکم: کریڈٹ کارڈ بنانے والی خاتون کی ویڈیو اور تصاویر ہٹائی جائیں
سندھ ہائیکورٹ نے کریڈٹ کارڈ بنانے والی خاتون سے جنسی زیادتی اور اس کی نازیبا ویڈیو وائرل کرنے کے معاملے میں اہم حکم جاری کیا ہے۔ عدالت نے سوشل میڈیا سے خاتون کی ویڈیو اور تصاویر ہٹانے اور عدالتی حکمنامے کی نقول آئی جی پولیس کو بھیجنے کا حکم دیا۔
اس کیس میں ملزم کی گرفتاری کے حوالے سے دائر درخواست کی سماعت ہوئی، جس میں عدالت کو بتایا گیا کہ مفرور ملزم زونیب کو گرفتار کرنے کے لیے متعدد چھاپے مارے گئے مگر پولیس ناکام رہی۔
درخواست گزار کے وکیل قمر عباس ایڈووکیٹ نے عدالت کو بتایا کہ مفرور ملزم نے مزید تصاویر سوشل میڈیا پر اپ لوڈ کر دی ہیں، مگر پولیس نے نہ تو ملزم کو گرفتار کیا اور نہ ہی نازیبا ویڈیوز ہٹائیں۔
اس موقع پر ایس پی انویسٹی گیشن نے کہا کہ اس کیس کی تفتیش میں ان کی زیادہ دلچسپی نہیں، جس پر جسٹس نثار بھمبرو نے شدید برہمی کا اظہار کیا اور کہا کہ پولیس سرکاری کام سے کیسے انکار کر سکتی ہے۔ عدالت نے واضح کیا کہ مقدمے کے فیصلے تک پولیس کو کلین چٹ نہیں دی جائے گی۔
عدالت نے تفتیش ایڈیشنل آئی جی کے سپرد کرنے اور ذاتی نگرانی میں مکمل تفتیش کروانے کی ہدایت دی۔ ہدایت کی گئی کہ مفرور ملزم اور اس کے سہولت کاروں کو گرفتار کیا جائے اور تفتیش میں ناکام پولیس افسران کے خلاف محکمانہ کارروائی کی جائے۔
عدالت نے سوشل میڈیا سے خاتون کی ویڈیوز اور تصاویر ہٹانے کے بھی احکامات جاری کیے اور حکمنامے کی نقول آئی جی سندھ کو بھی بھیجنے کا حکم دیا۔
درخواست میں بتایا گیا تھا کہ ملزمان نے خاتون کو ٹیپو سلطان کے علاقے میں بلا کر جنسی زیادتی کا نشانہ بنایا تھا۔
ثانیہ زہرا قتل کیس: مقتولہ کے شوہر کو سزائے موت سنادی گئی