علیمہ خان کا گورکھ پور ناکے پر دھرنا 10 گھنٹے بعد ختم
اشاعت کی تاریخ: 26th, November 2025 GMT
بانی پی ٹی آئی سے ملاقات کی اجازت نہ ملنے پر علیمہ خان نے اپنی بہنوں اور پی ٹی آئی کارکنوں کے ساتھ راولپنڈی کے گورکھ پور ناکے پر جاری دھرنا تقریباً 10 گھنٹے بعد ختم کردیا۔
ذرائع کےمطابق پولیس کے علیمہ خان اور علامہ ناصر عباس سے مذاکرات کامیاب ہوجانے کے بعد علیمہ خان نے پولیس کی یقین دہانی پر دھرنا ختم کردیا۔
نورین نیازی نے کہا کہ ہمیں یقین دہانی کرائی گئی ہے کہ اگلے ہفتے ملاقات کرائی جائے گی، اگر اگلے ہفتے ملاقات نہیں کرائی گئی تو احتجاج ختم نہیں کرینگے۔
بانی پی ٹی آئی کی ہمشیرہ علیمہ خان نے کہا ہے کہ جب تک ملاقات نہیں کرائی جاتی ہم یہیں بیٹھے رہیں گے۔
واضح رہے کہ منگل کو علیمہ خان اپنے بھائی عمران خان سے ملاقات کیلئے اڈیالہ جیل پہنچی تو پھر انہیں ملاقات کی اجازت نہ ملی۔
علیمہ خان نے کارکنوں کے ہمراہ جیل کی طرف جانے کی کوشش کی، پولیس اور پی ٹی آئی کارکنوں کے درمیان تلخ کلامی اور دھکم پیل بھی ہوئی۔
اس موقع پر علیمہ خان عمران خان سے ملاقات کی اجازت نہ ملنے پر اڈیالہ جیل کے قریب گورکھ پور ناکے پر دھرنا دے کر بیٹھ گئی تھیں۔
.ذریعہ: Jang News
کلیدی لفظ: علیمہ خان نے ملاقات کی
پڑھیں:
پی ٹی آئی کی کال؛ کارکنوں کے ساتھ علیمہ خان اڈیالہ جیل روڈ پر آ گئیں
سٹی42: راولپنڈی میں اڈیالہ جیل والی سڑک پر فیکٹریچیک پوسٹ پر علیمہ خان اپنے سو سے کچھ زائد کارکنوں کے ساتھ موجود ہیں۔ پولیس حکام نے ان کو آگے جیل کے نزدیک جانے سے روک دیا ہے۔
پی ٹی آئی کے ذرائع بتا رہے ہیں کہ "کارکنوں کی بڑی تعداد" اڈیالہ جیل کی جانب جا رہی تھی پولیس نے ان کو "فیکٹری ناکے" پر روک لیا ہے۔ پولیس کی کافی نفری وہاں ناکے پر موجود ہے۔
راکھ کا بادل پاکستان آ گیا، پروازوں کو خطرہ لاحق، سرکاری الرٹ آگیا
اڈیالہ جیل کے اطراف سیکیورٹی میں آج اضافہ کیا گیا اور پولیس کی اضافی نفری تعینات کر دی گئی۔
پی ٹی آئی نے کل اپنے کارکنوں اور حامیوں اور عام عوام کو اڈیالہ جیل جا کر احتجاج کرنے کی کال دی تھی۔ اس کال پر لاہور اور دوسرے شہروں سے سو کے لگ بھگ کارکن جمع ہوئے ہیں۔ علیمہ خان کے ساتھ موجود کارکنوں نے پُرامن طور پر آگے بڑھنے کا اعلان کیا ہ لیکن فیکٹری چیک پوسٹ پر پولیس نے طریقہ کار کے مطابق ان کو روک لیا ہے۔
گلگت بلتستان اسمبلی تحلیل
اڈیالہ جیل آنے والے راستوں پر ٹریفک کی روانی متاثر ہوئی ہے اور سڑک پر علیمہ خان کے کارکنوں کی وجہ سے ٹریفک کے آگے جانے کا راستہ رک رہا ہے۔
ڈی جی آئی ایس پی آر لیفٹیننٹ جنرل احمد شریف چوہدری کا قائداعظم یونیورسٹی اسلام آباد کا خصوصی دورہ