روزانہ کتنے بادام کھانے سے خراب کولیسٹرول میں کمی؟
اشاعت کی تاریخ: 25th, November 2025 GMT
ماہرینِ صحت و غذائیت کا کہنا ہے کہ روزانہ 20 سے 30 گرام بادام یعنی تقریباً 15 سے 20 بادام کھانے سے جسم میں ایل ڈی ایل یعنی خراب کولیسٹرول میں کمی آ سکتی ہے جبکہ اچھے کولیسٹرول ایچ ڈی ایل کی سطح برقرار رہتی ہے۔
ویتنام کے تام آنہ جنرل اسپتال کے غذائی ماہر ڈاکٹر ڈاؤ تھی ین تھوئی کا کہنا ہے کہ بادام میں حل پزیر فائبر وافر مقدار میں پایا جاتا ہے جو آنتوں میں کولیسٹرول کے جذب ہونے کو کم کرتا ہے، جب یہ فائبر نظامِ ہاضمہ میں جیل کی شکل اختیار کرتا ہے تو اس کے ساتھ کچھ کولیسٹرول اور صفراوی تیزاب بھی باہر خارج ہو جاتے ہیں، اس کے بعد جسم نئے صفراوی تیزاب بنانے کےلیے گردش کرتے ہوئے کولیسٹرول استعمال کرتا ہے جس سے برا کولیسٹرول کم ہونے میں مدد ملتی ہے۔
ان کے مطابق بادام میں موجود وٹامن ای اور دیگر اینٹی آکسیڈنٹس آکسیڈیٹیو اسٹریس اور دائمی سوزش کو کم کرنے میں مدد دیتے ہیں جو خون میں چکنائی کی خرابی اور دل کی بیماریوں سے جڑے اہم عوامل ہیں۔
بادام میں موجود صحت بخش چکنائیاں یعنی مونو سیچوریٹڈ اور پولی سیچوریٹڈ فیٹس خلیوں کی دیواروں کو مضبوط کرتی ہیں اور خون میں شوگر کے کنٹرول میں بھی مدد دیتی ہیں جو ان لوگوں کے لیے فائدہ مند ہے جنہیں لپڈز کی خرابی یا پری ذیابطیس کا مسئلہ ہو۔
ڈاکٹر تھوئی نے مشورہ دیا ہے کہ بادام کے ساتھ ساتھ پتوں والی سبزیاں، چربی والی مچھلی اور اناج پر مبنی غذاؤں کا استعمال بھی بڑھایا جائے تاکہ خون میں موجود چکنائی کی سطح بہتر ہو سکے۔
ان کا کہنا ہے کہ بادام صحت مند اسنیک کے طور پر کھائے جا سکتے ہیں، یہ دہی اور سلاد کے ساتھ بھی استعمال کیے جا سکتے ہیں اور طویل توانائی فراہم کرتے ہیں جس سے میٹھی چیزیں کھانے کی خواہش کم ہوتی ہے اور یوں وزن برقرار رکھنے میں مدد مل سکتی ہے۔
تاہم ڈاکٹر تھوئی نے یہ بھی بتایا ہے کہ بادام کیلوریز سے بھرپور ہوتے ہیں، اس لیے وزن پر نظر رکھنے والے افراد یا دل کے مریضوں کو مقدار کا خاص خیال رکھنا چاہیے تاکہ زیادہ کیلوریز جسم میں نہ جائیں۔
ان کے مطابق باقاعدہ ورزش، مناسب نیند اور چینی و مضر چکنائیوں کا کم استعمال بھی خون میں لپڈز کے توازن کو بہتر بنانے اور دل کی بیماریوں کے خطرے کو کم کرنے کے لیے نہایت ضروری ہے۔
ڈاکٹر تھوئی نے مشورہ دیا ہے کہ جن افراد میں کولیسٹرول زیادہ ہو، وزن تیزی سے بڑھ رہا ہو، تھکن مستقل رہتی ہو یا خاندان میں دل کی بیماریوں کی تاریخ ہو وہ ماہرین سے مشورہ کریں تاکہ فرداً فرداً ان کا جائزہ لے کر مناسب غذائی منصوبہ تیار کیا جا سکے۔
.
ذریعہ
ذریعہ: Nawaiwaqt
کلیدی لفظ: ہے کہ بادام
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا