وزیر ریلوے حنیف عباسی کی مداخلت سے بزنس کمیونٹی اور اسلام آباد انتظامیہ کے درمیان محاذ آرائی ختم
اشاعت کی تاریخ: 5th, December 2025 GMT
وزیر ریلوے حنیف عباسی کی مداخلت سے بزنس کمیونٹی اور اسلام آباد انتظامیہ کے درمیان محاذ آرائی ختم WhatsAppFacebookTwitter 0 5 December, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی وفاقی وزیر ریلوے حنیف عباسی، وزیراعظم کے کوآرڈینیٹر برائے سیاحتی امور سردار یاسر الیاس، صدر اسلام آباد چیمبر آف کامرس اینڈ انڈسٹریز، صدر آل پاکستان انجمن تاجران اور دیگر نمائندگان سے جمعہ کے روز سی ڈی اے ہیڈکوارٹرز میں ملاقات ہوئی۔ ملاقات میں آئی جی اسلام آباد پولیس سید علی ناصر رضوی، سی ڈی اے بورڈ کے ممبر ایڈمن طلعت محمود، ممبر انجینئرنگ سید نفاست رضا، ممبر پلاننگ و ڈیزائن ڈاکٹر خالد حفیظ، ممبر انوائرمنٹ اسفندیار بلوچ، ڈی سی اسلام آباد عرفان نواز میمن سمیت دیگر سنئیر نے بھی شرکت کی۔ ملاقات میں وفاقی دارالحکومت اسلام آباد میں بزنس کمیونٹی، انڈسٹریز اور مارکیٹوں سے متعلقہ مسائل کے حل کے حوالے سے تبادلہ خیال کیا گیا۔
ملاقات میں وفاقی دارالحکومت اسلام آباد میں مسائل کے حل کیلئے موثر رابطوں اور باہمی مشاورت کا میکنزم بنانے پر اتفاق کیا گیا۔ اسلام آباد چیمبر آف کامرس، بزنس کمیونٹی اور تاجر برادری کے جائز مطالبات کو حل کرنے کیلئے ایک ورکنگ گروپ تشکیل دینے کا فیصلہ کیا گیا۔اس ضمن میں ہر ماہ کے پہلے ہفتے میں باقاعدہ فالو اپ میٹنگز کا انعقاد کرنے پر اتفاق کیا گیا۔ فالو اپ میٹنگز کے انعقاد کا مقصد مختلف مسائل کے حل پر پیشرفت کا جائزہ لینے کیلئے کیا گیا۔چیئرمین سی ڈی اے محمد علی رندھاوا نے کہا کہ سی ڈی اے کا مقصد وفاقی دارالحکومت اسلام آباد کی بہتری، بزنس کمیونٹی اور تاجروں کو بہترین سہولت فراہم کرنے کیلئے ہر طرح کے اقدامات اٹھائے کیلئے تیار ہیں۔ انہوں نے کہا کہ اس سلسلے میں تمام کاروباری اسٹیک ہولڈرز کے ساتھ مربوط رابطوں اور باہمی مشاورت کیلئے ہمہ وقت تیار ہیں۔چیئرمین سی ڈی اے نے کہا کہ اسلام آباد کے سیکٹرز کے ساتھ مارکیٹس اور کمرشل مراکز کی اپ گریڈیشن پلان میں متعلقہ مراکز کی تاجر برادری کو بھی شامل کیا جائیگا۔ انہوں نے کہا کہ ورکنگ گروپ تشکیل دینے کا مقصد مسائل کو براہ راست حل کرنا اور کوآرڈینیشن سے ہر طرح کے خلا کو پر کرنا ہے۔چیئرمین سی ڈی اے نے کہا کہ سی ڈی اے اپنے وسائل سے وفاقی دارالحکومت اسلام آباد میں تمام ترقیاتی کام سر انجام دے رہا ہے۔ انہوں نے کہا کہ مسائل کو حل کرنے کیلئے تمام ریکارڈ کی ڈیجیٹائزیشن کا عمل جاری ہے اور کیش لیس نظام بھی تیزی کیساتھ متعارف کرایا جارہا ہے۔
چیئرمین سی ڈی اے نے کہا کہ تاجر برادری اور بزنس کمیونٹی سمیت شہریوں کو ہر ممکن بہترین سہولیات کی فراہمی کو یقینی بنایا جائیگا۔ انہوں نے کہا کہ ذاتی طور پر مراکز اور مارکیٹس کا دورہ اور کمیٹی کے ساتھ ملکر درپیش مسائل حل کرنے کو یقینی بنائیں گے۔ملاقات میں سی ڈی اے کی وفاقی دارالحکومت اسلام آباد میں قبضہ مافیا کے خلاف بلا تفریق کارروائیوں کو سراہا گیا۔ وفاقی وزیر ریلوے حنیف عباسی نے وزیر داخلہ محسن نقوی کا اسلام آباد کے تاجروں اور صنعتکاروں کے مسائل کے حل کے حوالے سے تعاون پر انکا شکریہ ادا کرتے ہوئے کہا کہ اسلام آباد چیمبر آف کامرس اینڈ انڈسٹری اور بزنس کمیونٹی و تاجروں کے مسائل حل کرنے کیلئے بھرپور کردار ادا کرنے کیلئے تیار ہوں۔ انہوں نے کہا کہ انجمن تاجران اور چیمبر آف کامرس اینڈ انڈسٹری اور بزنس کمیونٹی وفاقی دارالحکومت اسلام آباد کی ترقی کے اہم ستون ہیں اور انکے تعاون سے ہی کاروباری پہیہ رواں دواں رہ سکتا ہے۔ انہوں نے مزید کہا کہ بزنس کمیونٹی، تاجر برادری اور دیگر اسٹیک ہولڈرز کیساتھ مشاورت سے درپیش مسائل کو بآسانی حل کیا جاسکتا ہے۔وزیراعظم کے کوآرڈینیٹر برائے سیاحتی امور سردار یاسر الیاس خان نے کہا کہ کاروبار اور معیشت کو فروغ دینا حکومت کی اولین ترجیحات میں شامل ہے۔ انہوں نے کہا کہ مسائل کے حل کیلئے سی ڈی اے کیساتھ ہرممکن تعاون کیلئے تیار ہیں۔ملاقات میں پریزیڈنٹ اسلام آباد چیمبر آف کامرس اینڈ انڈسٹری سردار طاہر محمود نے کہا کہ مسائل کے حل کیلئے بزنس کیمونٹی اور تاجروں کو مشاورت کے عمل میں شامل کرکے اعتماد سازی کا ماحول پیدا کیا جا سکتا ہے۔ انھوں نے پراپرٹی کی خرید وفروخت کے حوالے سے مختلف ٹرانسفر فیسوں کے متعلق امور کو زیر بحث لانے سمیت تاجر برادری اور بزنس کمیونٹی سے متعلق مختلف مسائل کو بھی اجاگر کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکروڑوں روپے کی عدم ادائیگی، روس نے پاکستان پوسٹ کی خدمات پر پابندی عائد کر دی کروڑوں روپے کی عدم ادائیگی، روس نے پاکستان پوسٹ کی خدمات پر پابندی عائد کر دی اڈیالہ جیل کی سکیورٹی مزید سخت، نواحی علاقہ بھی ریڈزون قرار معیشت بیٹھ گئی ہے، سیاسی بحران ختم کیے بغیر حالات بہتر نہیں ہونگے، اسد عمر سندھ ہائیکورٹ کا عمران خان کے کیسز کو عدالتی نظیر کے طور پر لینے سے انکار ریاست نے ٹھوک بجا کر جواب دیدیا،پیر سے پاکستان کی ترقی کا سورج طلوع ہوگا، فیصل واوڈا ڈی جی آئی ایس پی آر کی عمران خان کے بیٹوں کو فوج میں بھرتی ہوکر خوارج سے لڑنے کی دعوتCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: وزیر ریلوے حنیف عباسی بزنس کمیونٹی اور اسلام آباد
پڑھیں:
ملکی صنعتی پیداوار اور تجارت میں اضافے کیلئے مسائل کی نشاندہی ناگزیر ہے: وزیراعظم
وزیراعظم شہباز شریف نے کہا ہے کہملکی صنعتی پیداوار اور تجارت میں اضافے کیلئے مسائل کی نشاندہی ناگزیر ہے، صنعتی مصنوعات کی پیداواری لاگت کم کرنے کے لئے موثر اقدامات اٹھانا حکومت کی ترجیحات میں شامل ہے۔وزیراعظم شہباز شریف کی زیر صدارت ملکی درآمدات، کسٹمز ڈیوٹی اور تجارتی شعبے میں اصلاحات پر قائم کردہ ذیلی ورکنگ گروپ کی سفارشات پر جائزہ اجلاس منعقد ہوا، جس میں نمائندہ کاروباری حضرات پر مبنی ذیلی ورکنگ گروپ کے ارکان نے وزیراعظم کو کسٹمز اور ٹیکس وصولی سے متعلقہ مسائل سے آگاہ کیا اور اپنی سفارشات پیش کیں۔وزیراعظم نے سفارشات کا خیرمقدم کرتے ہوئے متعلقہ وزارتوں اور اداروں کو ہدایت دی کہ وہ ملکی صنعتی پیداوار بڑھانے اور کاروباری و سرمایہ کار حضرات کو ہر ممکن سہولت فراہم کریں۔انہوں نے کہا کہ حالیہ قومی ٹیرف پالیسی ملکی صنعتی پیداوار کو مثبت انداز میں سہولت پہنچانے کے لئے نافذ کی گئی ہے تاکہ برآمدات اور درآمدات کو ملکی مجموعی معاشی ترقی کے ساتھ ہم آہنگ کیا جا سکے۔شہباز شریف نے اجلاس میں زور دیا کہ ملکی صنعتی پیداوار اور تجارت میں اضافے کیلئے شعبہ جاتی مخصوص تجاویز اور مسائل کی نشاندہی ناگزیر ہے، برآمدات پر مبنی دیرپا معاشی ترقی ملک میں سرمایہ کاری اور پیداواری صلاحیت میں اضافے، حکومتی تحفظ اور انفراسٹرکچر کی بہتری سے ہی ممکن ہو سکتی ہے۔وزیراعظم نے ہدایت دی کہ دوسرے ممالک کے ساتھ دوطرفہ اور راہداری (ٹرانزٹ) تجارتی مصنوعات کی بارڈر پر کسٹمز ڈیوٹی کی وصولی پر کڑی نگرانی ہونی چاہیے۔اجلاس میں وفاقی وزیر برائے خزانہ محمد اورنگزیب، وفاقی وزیر برائے اطلاعات و نشریات عطاءاللہ تارڑ، وفاقی وزیر برائے موسمیاتی تبدیلی ڈاکٹر مصدق ملک، وفاقی وزیر برائے پاور سردار اویس احمد لغاری، وفاقی وزیر برائے اکنامک افئیرز ڈیژن احد خان چیمہ، وفاقی وزیر برائے پیٹرولیم علی پرویز ملک، وزیر مملکت خزانہ اظہر بلال کیانی، وزیراعظم کے معاون خصوصی ہارون اختر، چیئرمین ایس آئی ایف سی، ملکی صنعت و کاروبار کے نمائندگان اور دیگر متعلقہ سرکاری عہدے داران نے بھی شرکت کی۔
اسلام آباد میں شدید سردی اور خشک موسم: شہری وائرل انفیکشنز کی لپیٹ میں