وفاقی آئینی عدالت نے ارشدشریف قتل کیس میں سوموٹو کارروائی کے تحت پیشرفت رپورٹ طلب کرلی
اشاعت کی تاریخ: 3rd, December 2025 GMT
وفاقی آئینی عدالت نے ارشد شریف قتل کیس میں سوموٹو کارروائی کے دائرہ اختیار کے تحت ابتک کی پیشرفت رپورٹ طلب کرلی ہے۔ عدالت نے وکلا سے کہا ہے کہ آئندہ سماعت میں وہ قانونی نقطہ نظر پر معاونت کریں اور رپورٹ میں تحقیقات، قانونی اقدامات اور آئندہ تجاویز شامل ہوں۔
عدالت کے مطابق رپورٹ 17 دسمبر تک جمع کرائی جائے گی اور اس پر بحث چھٹیوں کے بعد کی جائے گی۔ جسٹس عامر فاروق نے کہا کہ کاروائی کا مقصد وہی حاصل ہونا چاہیے جس کے لیے سوموٹو لیا گیا، اور آئینی عدالت کسی سماعت کے بغیر کارروائی نہیں کر سکتی۔
مزید پڑھیں: ارشد شریف قتل کیس کی فیکٹ فائنڈنگ رپورٹ پبلک کرنے والوں کیخلاف تحقیقات کا حکم
وکلا کے مطابق ارشد شریف کے اہلخانہ کو کے آئی ٹی تحقیقات رپورٹ دیکھنے کی اجازت دینے کی استدعا کی گئی، جس پر جسٹس عامر فاروق نے کہا کہ قانون کی اجازت کے مطابق عدالت اہلخانہ کے ساتھ ہے۔ ایڈیشنل اٹارنی جنرل نے بتایا کہ حتمی چالان جمع ہونے پر متعلقہ دستاویزات دیکھی جا سکتی ہیں۔
عدالت میں بتایا گیا کہ کینیا حکومت کے ساتھ قانونی معاونت کا معاہدہ ہوچکا ہے اور پاکستان نے کرائم سین کا وزٹ کرنے کی درخواست بھی بھیجی ہے۔ وکلا نے نشاندہی کی کہ کینیا میں قتل کے ملزمان کی پراسیکیوشن اب تک شروع نہیں ہوئی اور ذمہ دار پولیس افسران کو پروموٹ کیا جا چکا ہے۔
ایڈیشنل اٹارنی جنرل کے مطابق پاکستان میں FIR درج کی گئی ہے اور 3 افراد (خرم، وقار، صالح) نامزد ہیں جو مفرور ہیں، اور ان کے لیے انٹرپول کے ذریعے ریڈ وارنٹ حاصل کرنے کی کارروائی جاری ہے۔
مزید پڑھیں:سپریم کورٹ : ارشد شریف قتل ازخود نوٹس سماعت کیلئے مقرر
عدالت نے یہ بھی واضح کیا کہ وفاقی حکومت عالمی قوانین کی پابند ہے اور کسی دوست ملک کے خلاف براہِ راست کارروائی نہیں کی جا سکتی۔ سماعت 17 دسمبر تک ملتوی کر دی گئی ہے، جس میں آئندہ پیشرفت اور قانونی پہلوؤں پر تفصیلی بحث ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارشدشریف ارشدشریف قتل کیس کینیا وفاقی آئینی عدالت.
ذریعہ
ذریعہ: WE News
کلیدی لفظ: ارشدشریف ارشدشریف قتل کیس کینیا وفاقی آئینی عدالت شریف قتل کیس آئینی عدالت ارشد شریف عدالت نے کے مطابق
پڑھیں:
ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شاندار شرکت
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز شاندار اور رنگا رنگ افتتاحی تقریب سے ہوگیا، جہاں اولمپک چیمپئن ارشد ندیم کی قیادت میں پاکستانی دستے نے قومی پرچم کے ساتھ باوقار انداز میں مارچ پاسٹ کیا۔ پاکستان ایونٹ میں 6 مختلف کھیلوں میں حصہ لے گا اور تمغوں کی سب سے زیادہ امید ارشد ندیم سے وابستہ ہے۔
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز جمعرات کو ہائیڈرو ایرینا میں ایک شاندار، رنگا رنگ اور منفرد افتتاحی تقریب سے ہوا، جس نے اسکاٹ لینڈ کی بھرپور ثقافتی روایات کو جدید انداز میں پیش کرتے ہوئے گیمز کی تاریخ کی یادگار افتتاحی تقریبات میں اپنا مقام بنا لیا۔
یہ بھی پڑھیے کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم
افتتاحی تقریب میں سینکڑوں کھلاڑیوں، آفیشلز اور شائقین نے شرکت کی۔ موسیقی، دلکش روشنیوں، جدید بصری اثرات اور فنکارانہ پرفارمنسز نے پورے ایرینا کو جشن کے رنگوں میں رنگ دیا، جبکہ دولتِ مشترکہ کے مختلف رکن ممالک سے آنے والے کھلاڑیوں کا پرتپاک خیرمقدم کیا گیا۔
27 رکنی پاکستانی دستہ اولمپک گولڈ میڈلسٹ اور عالمی ریکارڈ ہولڈر جیولن تھروور ارشد ندیم کی قیادت میں میدان میں داخل ہوا۔ مارچ پاسٹ کے دوران ارشد ندیم نے قومی پرچم تھام رکھا تھا۔ اس بار روایت سے ہٹ کر کھلاڑیوں کی پریڈ انگریزی حروفِ تہجی کے بجائے براعظموں کی بنیاد پر ترتیب دی گئی، جس کے تحت سب سے پہلے افریقی ممالک کے دستے اور اس کے بعد ایشیائی ممالک کے کھلاڑی میدان میں آئے۔
پاکستان کامن ویلتھ گیمز میں 6 مختلف کھیلوں میں اپنی صلاحیتوں کا مظاہرہ کرے گا، جن میں ایتھلیٹکس، باکسنگ، جمناسٹکس، جوڈو، لان بولز اور تیراکی شامل ہیں۔
قومی دستے کی سب سے بڑی امید ارشد ندیم ہیں، جنہوں نے اپنی غیرمعمولی کارکردگی اور عالمی سطح پر نمایاں کامیابیوں کے باعث ایک بار پھر پاکستان کے لیے تمغہ جیتنے کی توقعات کو مضبوط کر دیا ہے۔
ایک ہفتے سے زائد جاری رہنے والے ان کھیلوں میں دولتِ مشترکہ کے بہترین ایتھلیٹس مختلف مقابلوں میں اپنی صلاحیتوں کا لوہا منوائیں گے، جبکہ پاکستان خصوصاً ایتھلیٹکس اور باکسنگ میں نمایاں کامیابی حاصل کرکے اپنے تمغوں کی تعداد میں اضافہ کرنے کے عزم کے ساتھ میدان میں اترے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
23ویں کامن ویلتھ گیمز اسکاٹ لینڈ اولمپک چیمپئن ارشد ندیم کھیل گلاسگو
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان