وینزویلا کا فضائی حدود کے دفاع کا اعلان
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
کراکس(انٹرنیشنل ڈیسک)وینزویلا نے غیر ملکی دھمکیوں کو نظر انداز کرکے اپنی فضائی حدود کا دفاع کرنے کا اعلان کر دیا۔ خبررساں اداروں کے مطابق وینز ویلا کا کہنا ہے کہ اس کا فضائی دائرہ مکمل طور پر بند سمجھا جانا چاہیے۔ وینز ویلا کی وزارت خارجہ کے بیان میں امریکا کو نوآبادیاتی خطرہ قرار دیتے ہوئے کہا گیا کہ ان کا ملک اس نوآبادیاتی خطرے کی شدید مذمت کرتا ہے جو اس کی فضائی حدود کی خودمختاری کو متاثر کرنے کی کوشش کر رہا ہے، یہ ایک نیا اشتعال انگیز، غیر قانونی اور بلا جواز حملہ ہے جو وینزویلا کے عوام کے خلاف ہے۔ وزارت خارجہ کے مطابق وینزویلا کے صدر نے کہا ہے کہ ڈونلڈٹرمپ کے سوشل میڈیا پر جاری کردہ پیغام کو سختی سے مسترد کرتا ہوں۔ بیان میں کہا گیا ہے کہ غیر معمولی طور پر احکامات جاری کیے جارہے ہیں اور وینزویلا کی قومی فضائی حدود، ملک کی سرزمین کی سلامتی، فضائی سیکورٹی اور ریاستی خودمختاری کو خطرے میں ڈالا جارہا ہے۔ وزارت خارجہ نے مزید کہا کہ اس قسم کے بیانات یک طرفہ اور جارحانہ عمل ہیں جو بین الاقوامی قانون کے سب سے بنیادی اصولوں کے خلاف ہیں اور ہمارے ملک کے خلاف مسلسل جارحانہ پالیسی کے دائرے میں آتے ہیں۔وینزویلا کی حکومت نے کہا کہ ٹرمپ کا بیان لاطینی امریکا کے خلاف نوآبادیاتی رجحان ظاہر کرتا ہے، بیان میں اس بات پر زور دیا گیا ہے کہ وہ بیرون ملک سے کسی بھی ڈکٹیشن کو قبول نہیں کریں گے،ہماری فضائی حدود کا احترام ضروری ہے اور کسی بھی غیر ملکی خطرے کو قبول نہیں کیا جائے گا۔دوسری جانب امریکی صدر ڈونلڈ ٹرمپ نے تصدیق کی ہے کہ انہوں نے وینزویلا کے صدر نکولاس مادورو سے ٹیلی فون پر بات چیت کی ہے۔ ٹرمپ نے کہا کہ وینزویلا امریکا کا دوستانہ ملک نہیں ہے اور وینزویلا کی فضائی حدود کو بند کرنے کے ان کے بیان کا مطلب یہ نہیں ہے کہ فضائی حملہ ہونے والا ہے۔ اس سے قبل اطلاعات تھیں کہ ڈونلڈ ٹرمپ نے نکولاس مادورو سے بات چیت کے دوران براہ راست دھمکی دی کہ اگر نکولاس مادورو نے خود استعفیٰ نہیں دیا تو امریکا طاقت کے استعمال سمیت دیگر ذرائع پر غور کرے گا۔ اس سے قبل وینزویلا ایئر فورس کے ایف 16 طیاروں نے ممکنہ جارحیت سے بچاؤ کے لیے متعدد مقامات پر جنگی پرواز کی وضع میں فضائی مشقیں کی تھیں۔
ذریعہ
ذریعہ: Jasarat News
کلیدی لفظ: کے خلاف
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ