پاکستان کی برطانیہ سے شہزاد اکبر اور عادل راجہ کی حوالگی کی باقاعدہ درخواست
اشاعت کی تاریخ: 4th, December 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: حکومتِ پاکستان نے برطانیہ سے سابق مشیر احتساب شہزاد اکبر اور سوشل میڈیا ایکٹوسٹ عادل راجہ کی حوالگی کی باضابطہ درخواست کر دی ہے۔
یہ درخواست وفاقی وزیر داخلہ محسن نقوی نے برطانوی ہائی کمشنر جین میریٹ کو ملاقات کے دوران پیش کی۔
ملاقات میں پاک برطانیہ تعلقات، سیکیورٹی تعاون اور باہمی دلچسپی کے اہم امور پر تفصیلی گفتگو ہوئی۔ اس دوران دونوں ممالک کے درمیان تعاون بڑھانے اور زیر التوا معاملات کو تیزی سے آگے بڑھانے پر بھی اتفاق ہوا۔
برطانیہ میں غیر قانونی طور پر مقیم پاکستانیوں کی وطن واپسی کے معاملے پر بھی بات چیت ہوئی، جبکہ فریقین نے اس عمل کو مزید مؤثر بنانے کی ضرورت پر زور دیا۔
اجلاس کے دوران وزیر داخلہ نے شہزاد اکبر اور عادل راجہ سے متعلق حوالگی کے کاغذات برطانوی ہائی کمشنر کے حوالے کیے اور کہا کہ دونوں افراد پاکستان میں مقدمات کا سامنا کرنے کے لیے مطلوب ہیں۔
محسن نقوی کا کہنا تھا کہ ان افراد کے خلاف ٹھوس ثبوت موجود ہیں اور انہیں فوری طور پر پاکستان کے حوالے کیا جانا چاہیے تاکہ قانونی کارروائی آگے بڑھ سکے۔
وزیر داخلہ نے سوشل میڈیا پر پاکستان کے خلاف چلائی جانے والی منظم مہم اور فیک نیوز کے پھیلاؤ کے حوالے سے بھی شواہد فراہم کیے۔ انہوں نے کہا کہ آزادی اظہار پر مکمل یقین ہے، مگر فیک نیوز ہر ملک کے لیے خطرہ بن چکی ہے اور اس کے تدارک کے لیے عالمی تعاون ضروری ہے۔
ملاقات کا اختتام اس یقین دہانی پر ہوا کہ دونوں ممالک حساس معاملات پر قریبی رابطے جاری رکھیں گے اور مستقبل میں تعاون مزید مضبوط بنایا جائے گا۔
.ذریعہ: Jasarat News
پڑھیں:
نائب وزیرِ اعظم اسحاق ڈار سے کرغزستان کے وزیرِ خارجہ کی ملاقات ، کثیرالجہتی فورمز پر تعاون بڑھانے پر اتفاق
اسلام آباد ( ڈیلی پاکستان آن لائن ) نائب وزیرِ اعظم و وزیرِ خارجہ سینیٹر محمد اسحاق ڈار سے کرغزستان کے وزیرِ خارجہ زین بیک کلولو بائیوو نے ملاقات کی اور کثیرالجہتی فورمز پر تعاون بڑھانے پر اتفاق کیا ۔
PR No.3️⃣6️⃣4️⃣/2️⃣0️⃣2️⃣5️⃣
Meeting between the Deputy Prime Minister/Foreign Minister Senator Mohammad Ishaq Dar and Kyrgyz Minister of Foreign Affairs H.E. Zheenbek Kulubaev , 03 December 2025https://t.co/FgYii0IL8E
⬇️ pic.twitter.com/sUtrW6WHXW
دفتر خارجہ سے جاری بیان کے مطابق دونوں ممالک نے دوطرفہ تعلقات کےتمام شعبوں کا تفصیلی جائزہ لیا اور تجارت، توانائی، علاقائی روابط، تعلیم اور عوامی سطح پر رابطوں کے فروغ پر زور دیا۔
9مئی کیس میں بانی کو سزا ملے گی ، جنرل فیض کو کم از کم 14سال قید ہونی چاہیے، فیصل واوڈا
فریقین نے حالیہ علاقائی اور عالمی صورتِحال پر بھی تبادلۂ خیال کیا اور باہمی دلچسپی کے امور پر قریبی مشاورت جاری رکھنے پر اتفاق کیا۔ دونوں ممالک نے اس عزم کا اعادہ کیا کہ پاکستان اور کرغزستان کے درمیان دوطرفہ تعاون کو مزید مضبوط اور مشترکہ ترجیحات کے تمام شعبوں کو وسعت دی جائے گی۔
مزید :
پشاور، گیس پائپ لائن کو دھماکے سے اڑانے کا مقدمہ درج