پشاور، گیس پائپ لائن کو دھماکے سے اڑانے کا مقدمہ درج
اشاعت کی تاریخ: 28th, November 2025 GMT
ویب ڈیسک:پشاور کے علاقے حسن خیل میں گیس پائپ لائن کو دھماکے سے اڑانے کا مقدمہ دہشت گردی کی دفعات کے تحت سی ٹی ڈی تھانہ میں درج کر لیا گیا ہے۔
ایف آئی آر کے مطابق دہشت گردوں نے گیس پائپ لائن کو ریموٹ کنٹرول بم کے ذریعے اڑایا، دھماکا گیس پائپ لائن کے ساتھ نصب بم سے کیا گیا۔
اس سے قبل پولیس نے گیس پائپ لائن میں دھماکے کو دہشت گردی قرار دیا تھا۔
پولیس کے مطابق دھماکا ریموٹ کنٹرول بارودی مواد پھٹنے سے ہوا، بارودی مواد ڈیڑھ کلو گرام وزنی تھا۔
پاکستان نے افغانستان سے تاجکستان سرحد پر چینی شہریوں پرحملہ بزدلانہ فعل قرار دیدیا
پولیس کا کہنا تھا کہ ملزمان ایک آئی اِی ڈی پائپ لائن کے ساتھ چھوڑ کرگئے تھے، چھوڑا گیا ڈیڑھ کلو گرام بارودی مواد بھی ناکارہ بنادیا گیا۔
گزشتہ روز حسن خیل میں گیس پائپ لائن میں دھماکے سے 24 انچ قطر کی گیس پائپ لائن میں آگ لگ گئی تھی۔
ترجمان سوئی ناردرن کا کہنا تھا کہ پائپ لائن کے متاثرہ حصے کو عوامی تحفظ کے لیے الگ کردیا گیا ہے جبکہ صوبے کے تین اضلاع میں گیس کی فراہمی معطل ہے۔
شہر کی فضا بدستور آلودہ،سول سیکرٹریٹ میں آلودگی کی شرح خطرناک حد سے تجاوز کر گئی
.ذریعہ: City 42
کلیدی لفظ: گیس پائپ لائن
پڑھیں:
پشاور: 24 انچ ٹرانسمیشن لائن پھٹ گئی، گیس کی فراہمی شدید متاثر
علامتی فوٹوپشاور میں گیس کی 24 انچ قطر کی مرکزی ٹرانسمیشن لائن پھٹنے کے باعث پشاور، مردان اور سوات کو گیس کی فراہمی متاثر ہوگئی۔
ڈپٹی کمشنر کے مطابق یہ لائن تینوں شہروں تک گیس پہنچانے کا اہم ذریعہ تھی۔
ڈی سی پشاور نے بتایا کہ سوئی نادرن گیس کمپنی نے متبادل 16 انچ کی لائن کے ذریعے گیس کی ترسیل شروع کردی، تاہم اس لائن کی محدود گنجائش کے باعث گیس سپلائی میں واضح کمی کا سامنا ہوگا۔
کوئٹہ کے مغربی پائی پاس پر دھماکے سے تباہ ہونے والی اٹھارہ انچ قطر کی گیس پائپ لائن کی 30 گھنٹے کے بعد مرمت مکمل ہوگئی جس کے بعد کوئٹہ، زیارت، پشین، کچلاک کو سوئی گیس کی فراہمی بحال کردی گئی ہے۔
ڈپٹی کمشنر ثنااللّٰہ کے مطابق گھریلو صارفین کے لیے صبح 5 سے 9 بجے، دوپہر 11 سے 2 بجے اور شام 5 سے 9 بجے تک گیس فراہم کی جائے گی، جبکہ سی این جی اسٹیشنز کو عارضی طور پر بند رکھنے کا فیصلہ کیا گیا ہے۔
سوئی ناردرن کے جی ایم وقاص شنواری نے کہا ہے کہ پائپ لائن دھماکے کا غالب امکان دہشت گردی ہے، کیونکہ سادہ لیکج کی وجہ سے پائپ لائن میں آگ نہیں لگتی۔
حکام کے مطابق واقعہ گزشتہ رات پیش آیا تھا، جس کے بعد مرمتی کام جاری ہے۔
گوہاٹی ٹیسٹ: جنوبی افریقا کا بھارت کیخلاف ٹاس جیت کر بیٹنگ کا فیصلہ، مستحکم آغاز